Thursday, February 26, 2009

帥哥飯局

看見姊妹們經常聚首一堂,我等帥哥就被拒諸門外,感到很不是味兒。這天一眾帥哥決定另起爐灶,自行組織帥哥飯局,不讓姊妹們專美。

位於銅鑼灣的備長以前曾來吃過午飯,當時整間店子只有一兩枱客人,非常冷清。想不到這次再訪,卻高朋滿座,座無虛席,整晚我們就不斷看見沒有訂座的人吃過閉門羹。


食客絡繹不絕的一大原因,相信是因為這裏逢星期日至四,晚上八時前有多款串燒半價發售,連啤酒也買一送一。好,帥哥們,一起為帥哥飯局開鑼飲杯!


不要以為半價的串燒就沒有什麼好貨色,豆腐、雞皮、牛肋骨和明太子雞翼我們就吃過番尋味,趁優惠時段完結前再來一客。


一面吃一面喝一面風花雪月,幾個小時不知不覺就過去了。


姊妹們,有興趣加入帥哥飯局嗎?

18 comments:

ROY said...

尋晚真係飲醉食飽, 大滿足是也~

largeheadboy said...

roy︰尋晚一人兩大杯啤酒,好厲害啊!之後搭車返屋企喺車上面大昏迷呀,到依家仲未醒呀!^d^

意粉 said...

巴閉啦 ~~

largeheadboy said...

師姐︰如果姊妹同帥哥一齊飯局仲巴閉呀~ :p

maymay said...

懶巴閉!
姊妹唔响度,你地有冇講粗口同有味笑話呀?^o^

maymay said...

姊妹黎埋就唔係叫做帥哥飯局啦~~

Ellen老師 said...

只吃串炸..唔係化..姊姊興趣不大加入帥哥飯局囉~~

naruto said...

睇到尾都唔見帥哥,唔貼題

歐巴桑 said...

帥哥們都要有透透氣的時候
通常大叔要出席帥哥飯局的話我都會識做啦^o^

意粉 said...

姊姊們無興趣加入帥哥飯局,或者妹妹們有啩,哈哈 ~~~

largeheadboy said...

maymay︰我地係好孩子唔講粗口唔講咸濕嘢架!唔,咁要搞返個帥哥姊妹飯局囉~ ^y^

老師︰信我地吖,日至四串燒半價性價比好高架,點都好過齋食芝士腸吖~ :p

naruto︰帥哥唔係咁容易露面呀!一陣出到街畀啲妹妹仔追住攞簽名就麻煩喇!^o^

歐巴桑︰哈哈!大叔出去同其他帥哥飯局咁你咪可以重獲自己囉!

意粉︰有時見得姊妹多都要見下啲帥哥調劑一下架嘛!今晚有位姊妹又加入我地帥哥飯局喇!^_^

薯嘜 said...

喂~~要低調D呀~~帥哥飯局未成氣候架!想唔大咩~~

largeheadboy said...

薯嘜︰我好樂觀帥哥飯局會越搞越大架!嗱,你睇,有帥哥返緊屋企都飛的出嚟,幾簡動呀~

Ellen老師 said...

有帥哥返緊屋企都飛的出嚟~~~~好明顯帥哥飯局唔夠周詳啦....

薯嘜 said...

嘩~~~你仲潤佢,下次佢唔出黎得你眼望我眼你就知衰~~

largeheadboy said...

老師︰應該係話帥哥們一條心,即 call 即到呀!^t^

薯嘜︰帥哥好團結架,點會搞內鬨呢?^d^

Ellen老師 said...

帥哥們一條心~~好!睇下點!哈哈!

largeheadboy said...

老師︰呢位帥哥飯局名譽成員唔好搞離間喎!