Saturday, May 23, 2009

覓食記

終於捱到假期前夕,怎樣也要慰勞一下自己好好吃一頓飯。在還沒有想到吃什麼之前,就先喝杯珈琲吧!噢,原來這杯是今天的第三杯了。


除了提神之外,或許珈琲也能夠帶來一些靈感,晚飯地點就敲定了中環的蓮香樓,可是來到門口才發現蓮香樓正在裝修,門外貼上新店蓮香居的位置。一心來吃蓮香樓,唯有在悶熱的天氣下多走幾步吧。


走了不知多少個街口,來到上環的盡頭,終於找到了蓮香居。正在籌算點些什麼東西之際,被門外一大群等候入座的人嚇倒了,看來這晚與蓮香樓真的沒有緣分。


友人提議到隔壁有潮州巷之稱的皇后街熟食市場吃潮州菜,滿身大汗的我不敢再有什麼異議了。我們選了就是叫潮州巷的店子,這裏食客不算太多,地方也尚算整齊,終於可以舒舒服服坐下來了。我們沒有什麼主意,友善的店員就給我們介紹。


炒薄殼據稱是這一兩個月才有供應,用來伴酒相當不錯,難得的是沒有泥沙,而且也很鮮甜,不過份量就實在太多,怎樣吃還是剩下一大碟。


炒粿外表挺像生炒排骨,但其實是把腩肉、馬蹄、薑片、香菜等切絲後伴混再拿去炸,功夫蠻多。店員說因為有人訂了這菜才多做一些,隨便走上來未必有機會一嘗。


另外我們還點了潮州拼盤和兩面黃,不算點得太多吧,但最後怎樣都也撐不下去。


在回家的巴士上,外面開始灑下雨來,是意味着這個假期要好好休息吧。

24 comments:

supageti said...

我唔信你會好好休息囉 ~~ :p

Ellen老師 said...

休息8個鍾又出去囉....

lau2tang said...

兩面黃好似好得喎~
做乜唔打包?

rempei said...

蓮香樓將會是下一次的target

紅米奇 said...

潮州菜好耐無食lu
咩叫兩面黃呀? 我未食過
黃面婆就聽過

largeheadboy said...

意粉︰今日真係 hea 足成日乜都無做過,連功課都未做。

老師︰我休息咗八個鐘之後真係出咗街,不過係落街食早餐,之後成日喺屋企孵蛋~ :p

劉鄧︰兩面黃即叫即煎,感覺好新鮮,唔差啊!
尋晚又無諗過打包喎真係,不過剩低嗰啲都好似好難打包咁~

薯嘜︰好,要搵次再戰蓮香,最多佢晚市一開就即刻去,不過就要辛苦你去攞位先囉~ ^t^

紅米奇︰兩面黃係將啲麵兩面煎吓佢煎到一塊餅咁,然後食嘅時候再加些醋同埋糖伴吃,好食起嚟可以好好食架!下次食潮州嘢就試吓喇!^g^

largeheadboy said...

紅米奇︰原來你係第 7000 條留言嘅人呀!恭喜晒呀,下次去 Saizeriya 飲嘢我嘅!^t^

小彭 said...

今日做咩唔出行呀... 各大百貨公司大減價, 唔買都要行下, 可能落雨人無預期咁多, 行得都唔知幾開心, 仲以為自己晌日本呀~
(紅米奇: 十幾蚊都咪信佢呀, 佢夠應承左下次咩同咩佢ge, d咩咩咩影都無呀~)

紅米奇 said...

唔係掛, 得句恭喜晒同十幾蚊咁少咋
學小彭話齋咩咩咩...
一次過結帳, 一於日本來回機票一張 XD

naruto said...

上星期去了蓮香居飲早茶,覺得“難食“,選擇少,多油。。。終於無食飽已離開

我食野都真係麻煩

largeheadboy said...

小彭︰我有諗過去行架,不過一定好多人好恐怖,搞到無晒心機。咦,今日又落雨喎,會唔會都係少啲人呢?
喂喂喂,唔好中傷我喎!我幾時話咩同咩呀,我話嗰啲同埋嗰啲之嘛~ :p

紅米奇︰呢期日本危險呀,我都係為你着想咋!你咪睇少 Saizeriya 任飲呀,有出面賣得好貴嘅泡沫珈琲架!^e^

naruto︰係喎,你地頭喎!飲茶係咁肥膩架喇,下次叫你搵定位先吓~

小彭 said...

我都唔知係咪尋日操勞得滯, 本來今日想去埋tst, 不過有d攰無去到. 今日有陣時橫風橫雨仲以為打風, 有無去逼下呀?
你睇下啦, 無夾定架, 日本機票係個標準黎架! 家下危險, 咪出張出年架啦! ^^

ROY said...

由蓮香樓行到去熟食市場巧遠喎......
蓮香樓要多人食先好,不過我覺得都幾dirty,蓮香居環境應該好好多呵?

歐巴桑 said...

我們前兩晚都係吃潮州菜呀
不過我們去了九龍城

largeheadboy said...

小彭︰我尋日真係去咗尖沙咀喎,又真係唔算太多人,不過呢邊不嬲都無銅鑼灣咁誇張。同行友人幾厲害呀,又褲又鞋又奶粉,成個大豪客咁~
標準呢家嘢人人唔同嘅,有得任飲我都覺得好開心架!哈哈!

roy︰嗰日我咪行到成身濕晒囉!
我試過去蓮香樓食飯,都唔係好敢去廁所啊,蓮香居新啲應該 ok 啲啩~

歐巴桑︰九龍城食潮州菜可以好貴個喎!^t^

maymay said...

蓮香樓同蓮香居都唔駛預我,唔該~~^^

ROY said...

咁蓮香居可以去試下喎~

largeheadboy said...

maymay︰你都跨出第一步食番和民,呢間都可能會出乎你意料之外哩~ ^t^

roy︰咁下次搞帥哥飯局就一於試吓佢喇!

苦主娜娜 said...

係呀,”咩咩咩同咩咩咩我既”吖嘛,冇哂影呀!

largeheadboy said...

lala︰咩我有講話咩咩咩同咩咩咩你咩?唔好嚇我喎!

Jason said...

I will definitely go to 蓮香樓 once they are done renovating in early June i think !

largeheadboy said...

jason: 蓮香樓 will reopen in june? hope this old eatery will keep serving us at this very location. i haven't tried their famous morning yumcha~

lau2tang said...

蓮香居同蓮香樓係無關係架~
http://hk.news.yahoo.com/article/090604/3/cj5b.html

largeheadboy said...

劉鄧︰有咁嘅事?蓮香居樓下一樣都有中式餅賣,蓮香樓出面仲貼咗蓮香居的地址。會唔會又係另一場豪門恩怨呢?