早兩天，爸爸突然之間很多東西都記不起來，不但忘記了燈掣熱水爐開關在哪裏，連弟弟到了上海工作也沒有印象。我們都很擔心，但都只是以為爸爸年齡大了，開始出現老人癡呆的徵狀。無論怎樣，這幾天剛好身處香港的弟弟今天還是捉了他去看醫生。
經過診斷後，醫生說爸爸應該是急性中風，慶幸的是受影響的部位不算太關鍵，只是令到他失去了一些記憶。不過，醫生仍建議爸爸多住幾天醫院，再做些檢查，之後希望可以靠藥物幫助他逐漸康復過來。晚上到醫院時，看見爸爸連特首曾蔭權和自己的地址也講不出來，的確令我們很憂心。
弟弟明天就要回上海了，不知道什麼時候又可以一家人圍在一起吃飯呢？
18 comments:
大頭仔, 不要太擔心, 隨遇而安啦, 自己要好好保重!
自己也要保重，憂慮也不能解決問題，還有伯母要安慰和照顧啊。希望醫藥有效，令世伯病情快快好轉。
奸爸爹！
唉﹐中風真係好得人驚.... 我屋企都有人試過....
祝你爸爸早日康復!!!
Aiya, 好彩細佬發現得早咋.
世伯加油! 早日康復!
唔好太擔憂, 你都要小心身體呀! 加油.
多D陪屋企人啦
要多啲關心爸爸媽媽。
一家人平平安安,整整齊齊就是最大的幸福了
你們全家都要保重呀
大頭爸今日好d未呀？
謝謝大家這麼有心，也覺得跟大家認識真的是我的福氣。大家不用替我擔心，我會懂得自我調整，今日食完個好豐富嘅沙嗲牛麵早餐之後仲打波又打牌~ ^t^
爸爸今日都係咁，好多嘢都係唔記得，不過佢知道自己唔記得嘢，依家真係希望佢可以快啲好返，同埋希望唔好有下一次。
我地成日都想請個人返屋企照顧爸爸媽媽，但係佢地好硬頸，話自己可以搞得掂，堅決唔肯。我地都明白佢地唔鐘意有個外人喺屋企，但有時啲嘢唔到你唔鐘意架嘛。我地好擔心，怕爸爸出咗街唔識返屋企~
好明白你憂心這種情況, 我爸爸舊年都曾出現類似情況, 某程度仲嚴重過你爸爸, 佢直頭半夜起身做D奇怪行為, 但自己唔知, 只記得往事, 睇專科醫生都話老人癡呆, 佢清醒時知道自己咁樣時很唔開心, 不過結果突然又無事, 到現在都很正常, 所以你不用太憂心, 盡了自己能力, 一齊順其自然吧
又打牌~~~過份呀！嘿！
大頭，類似的事情我亦曾經歷過，老人家不喜歡多個外人在身邊完全可以了解，俾著我都唔鐘意！
多點抽時間回家看看吧！甚至是電話的問侯亦是相當重要！
祝世伯早日康服！
補充: 最多呢排打牌唔預你喇~~
爸爸應該明天就會出院，之後就會有很多事情需要處理，都係嗰一句，希望一切平安吧！
謝謝大家的關心~
惟有用耐性及關心來應付"中風"病患者 :) 祝早日痊癒
光．軍︰謝謝你！爸爸出咗完喇，尋日下晝過去睇吓佢，好似無乜事咁，希望佢健健康康喇！^^
Post a Comment