Friday, May 29, 2009

一家人

很不喜歡到醫院,可是今天我還是到醫院走了一趟。

早兩天,爸爸突然之間很多東西都記不起來,不但忘記了燈掣熱水爐開關在哪裏,連弟弟到了上海工作也沒有印象。我們都很擔心,但都只是以為爸爸年齡大了,開始出現老人癡呆的徵狀。無論怎樣,這幾天剛好身處香港的弟弟今天還是捉了他去看醫生。

經過診斷後,醫生說爸爸應該是急性中風,慶幸的是受影響的部位不算太關鍵,只是令到他失去了一些記憶。不過,醫生仍建議爸爸多住幾天醫院,再做些檢查,之後希望可以靠藥物幫助他逐漸康復過來。晚上到醫院時,看見爸爸連特首曾蔭權和自己的地址也講不出來,的確令我們很憂心。

弟弟明天就要回上海了,不知道什麼時候又可以一家人圍在一起吃飯呢?

18 comments:

joeyee said...

大頭仔, 不要太擔心, 隨遇而安啦, 自己要好好保重!

小頭 said...

自己也要保重,憂慮也不能解決問題,還有伯母要安慰和照顧啊。希望醫藥有效,令世伯病情快快好轉。

Ellen老師 said...

奸爸爹!

冬冬 said...

唉﹐中風真係好得人驚.... 我屋企都有人試過....

祝你爸爸早日康復!!!

小妹 said...

Aiya, 好彩細佬發現得早咋.
世伯加油! 早日康復!

小彭 said...

唔好太擔憂, 你都要小心身體呀! 加油.

galaxy said...

多D陪屋企人啦

supageti said...

要多啲關心爸爸媽媽。

歐巴桑 said...

一家人平平安安,整整齊齊就是最大的幸福了
你們全家都要保重呀

maymay said...

大頭爸今日好d未呀?

largeheadboy said...

謝謝大家這麼有心,也覺得跟大家認識真的是我的福氣。大家不用替我擔心,我會懂得自我調整,今日食完個好豐富嘅沙嗲牛麵早餐之後仲打波又打牌~ ^t^
爸爸今日都係咁,好多嘢都係唔記得,不過佢知道自己唔記得嘢,依家真係希望佢可以快啲好返,同埋希望唔好有下一次。
我地成日都想請個人返屋企照顧爸爸媽媽,但係佢地好硬頸,話自己可以搞得掂,堅決唔肯。我地都明白佢地唔鐘意有個外人喺屋企,但有時啲嘢唔到你唔鐘意架嘛。我地好擔心,怕爸爸出咗街唔識返屋企~

紅米奇 said...

好明白你憂心這種情況, 我爸爸舊年都曾出現類似情況, 某程度仲嚴重過你爸爸, 佢直頭半夜起身做D奇怪行為, 但自己唔知, 只記得往事, 睇專科醫生都話老人癡呆, 佢清醒時知道自己咁樣時很唔開心, 不過結果突然又無事, 到現在都很正常, 所以你不用太憂心, 盡了自己能力, 一齊順其自然吧

Ellen老師 said...

又打牌~~~過份呀!嘿!

rempei said...

大頭,類似的事情我亦曾經歷過,老人家不喜歡多個外人在身邊完全可以了解,俾著我都唔鐘意!

多點抽時間回家看看吧!甚至是電話的問侯亦是相當重要!

祝世伯早日康服!

rempei said...

補充: 最多呢排打牌唔預你喇~~

largeheadboy said...

爸爸應該明天就會出院,之後就會有很多事情需要處理,都係嗰一句,希望一切平安吧!

謝謝大家的關心~

光.軍 said...

惟有用耐性及關心來應付"中風"病患者 :) 祝早日痊癒

largeheadboy said...

光.軍︰謝謝你!爸爸出咗完喇,尋日下晝過去睇吓佢,好似無乜事咁,希望佢健健康康喇!^^