Monday, July 20, 2009

五天精華遊之第五天

對每次旅程的最後一天,記憶總是模模糊糊,前去機場之前做過什麼去過哪裏吃過什麼永遠都沒有太深刻的印象。這次五天精華遊最後一天發生過的事情,我倒記得很清楚。

前後幾個小時,我們連吃了三餐,分別是名古屋駅 any time 的輕便早餐、山本屋総本家熱騰騰的味噌烏冬,以及矢場とん百吃不厭的味噌豬扒飯。


就在這三餐之前,發生了一段小插曲,令我永遠都不會忘記這天。從旅館前去對面馬路的名古屋駅時,我和團友一時賭氣,一個走進行人隧道,一個就堅持不肯下去。就這樣,我們失散了。

在人海茫茫的名古屋駅,沒有電話的我們能夠遇上的機會大概比中六合彩頭獎的機會大一點。可是這麼多年,我連什麼安慰獎都好像沒有中過,或者我倆都要在名古屋各自單獨過幾個小時,到差不多是時候出發前往機場時才能在旅館遇上。


沒想過原來名古屋是個充滿奇蹟的地方,半個多小時後,在百萬分之一的機會下,我們就在失散的地方重遇。


是時候登機了,可惜我們乘坐的不是國內線,而是返回香港的國際線。五天過得很快,但每一刻都叫人印象難忘。

20 comments:

supageti said...

果然可以出發前完成呀吓 ~~ ^^

largeheadboy said...

師姐︰完咗一個,但係仲有千千萬個仲未完成啊!

supageti said...

未瞓醒牙?呵呵 ~~~

lau2tang said...

唔係嘛?咁嘅年紀仲玩埋向左走向右走?
服咗你兩個!!

maymay said...

失散左有冇驚到XX呀?

小彭 said...

幾廿歲人... 仲...
名古屋d野食, 食到去機場都未識得晒呀!

joeyee said...

清埋D舊野又出發, 真好!
你上次旅行完返黎個喼執好未? ^^

歐巴桑 said...

(劉華or黎明腔)
有緣嘅話,無論去到天涯海角都會碰到.....XDD

rempei said...

希望下次的遊記不要相距太遠吧,哈哈!

ps.我前日行經中環,收到x串街上傳單,promotion似乎無話這月完結噃,正!

lau2tang said...

咁返黎一於再去過~

紅米奇 said...

5天算係咁啦, 好過我5天都無 =.=
係香港就想行國際線出發
係日本就想行國內線出發

largeheadboy said...

意粉︰我幾時都未瞓醒架喇~ :p

劉鄧︰無計,我地兩個都係好硬頸嘅人,成日都因為啲小事嘈交。

maymay︰又無話驚嘅,係無晒心機囉。至於xx,好彩無囉。^_^

小彭︰係喇,加埋都就過百歲咯~:p
我都仲未好知中部機場好多嘢食好多嘢買嘅地方喺邊,可惜今轉唔係飛名古屋喇。

joeyee︰嗰喼當然一早執好咗,之但係好多呢次攞返嚟嘅雜物仲堆咗喺屋企一角~

歐巴桑︰哈哈!黎明應該會似啲喎!
失散咗之後當堂無晒 mood,淨係識得企喺車站睇下會撞唔撞得番團友。最後都撞得番,或者真係緣份吧~ ^d^

薯嘜︰呢個遊記大製作呀,橫跨零八零九呀!^g^
實不相瞞,尋晚我去咗一轉,老闆娘話之後應該仲繼續有 happy hour,但之後又細細聲同我講話齋靠佢賺唔到乜錢,言下之意好似話有啲人剩係識得去 happy hour 囉~

劉鄧︰原來你都想翻兜喎!^t^

largeheadboy said...

紅米奇︰哈,你講得好啱呀!
你都計劃當中喇,就快可以去覆診架喇!^u^

lala said...

下個遊記應該到邊個?

largeheadboy said...

lala︰我仲有三個可以寫,不過都開始唔記得晒 lu,雖則我都想畀番個回憶自己。唔,不如年末年始喇~

maymay said...

執好行李未呀?

rempei said...

咁仲去唔去?

largeheadboy said...

完全未執,我覺得好大鑊,今晚真係唔駛瞓喇~

largeheadboy said...

薯嘜︰你講去x串定係去日本呀?:p

rempei said...

衣家巴閉喇~