Saturday, July 04, 2009

日本語授課終了

七月一日那天有想過秉承一貫優良的傳統,在烈日下走到維多利亞公園去。不過,由於當晚要上日本語的最後一課,為免渾身汗臭影響同學的學習情緒,吃過下午茶後就乖乖回到學校預備當晚的課文。對,歷時十個月的日語入門終於來到尾聲了,餘下的就只有下星期的口試和月中的筆試。

當初報讀的時候,完全沒有想過入門的課程也要投入那麼多時間和精神;三個小時的課,原來可以講授那麼多的東西,叫你不得不每個星期花上大量時間備課。習慣了好逸惡勞的我,一時之間實在適應不到要放棄寶貴的工餘休息時間埋首溫習之中,每每要到了上課前的一晚才肯花一兩個小時翻翻課本。

自問沒有怎樣下過苦工,成績差追不上進度是理所當然的。這十個月來,多次想過放棄,但現在總算叫做熬過了。為了對自己有個交代,我會好好預備即將來臨的口試和筆試,在未來十多天繼續努力泡珈琲店。


同時我也要問問自己︰日本語の勉強が終わってから、何をしますか。

14 comments:

supageti 意粉 said...

計我話,何もしません。

maymay said...

如果唔係有同學仔陪你,我諗你一早就乜野左啦~~
不過講真,你比我有毅力得多啊~^^

Ellen老師 said...

都係得閒齋泡下珈琲店算吧啦!

lau2tang said...

日本語の勉強が終わってから、日本へ行きたいです。会話を練習します。

largeheadboy said...

意粉︰唔,你呢個提議好唔錯~ :p

maymay︰真係呀,如果得我一個人報,一早已經放棄咗喇,我都見唔少人上咗三四堂就消失咗~
其實你未知道自己嘅能力咋,你都報吓可能發覺自己嘅毅力仲勁啊!

老師︰不過呢排無晒珈琲買一送一優惠,唔可以泡得太多~ ^t^

劉鄧︰日本語の会話が下手です、でも、とても日本へ行きたいです。

lau2tang said...

わたしも日本語の会話が下手ですが、日本はいつも行きたいですね。

歐巴桑 said...

我也剛完成這學期的課程
對上兩次測驗的成績比預期差很多
恐怕下星期的大考也凶多吉少...
真想不到以為是興趣班的課程這樣辛苦呢
能夠堅持完成好頭好尾都已經很好啦^^

supageti 意粉 said...

我覺得可能因為歐歐同帥哥係選錯學校,如果純趣為興趣最輕鬆係工聯會,想有小小壓力既就選日語學校,會讀得開心啲。

覺得工聯會課程滿足唔到我,曾經諗過轉去日本文化協會,但日語達人叫我唔好制,因為依間出名超嚴格,學費又貴,如果辛苦過頭搞到自己無晒興趣就弊傢伙,結果係嘥錢又嘥時間,卒之決定轉黎依家依間,so far 都讀得好開心。

largeheadboy said...

劉鄧︰你日文強好多呀!我無你咁畀心機,真慚愧~
點都好,識少少都可以扮下代表。:P

歐巴桑︰你都好厲害啊,尤其係大叔中途退學你仲可以堅持下去。畀着我,已經失去咗好大動力喇。
或者語文呢樣嘢,一定唔可以當興趣來看待咁簡單,而係要很認真的花時間落去,否則就一定學唔成。
之後仲會繼續讀嗎?我自己就心大心細~

意粉︰其實我覺得辛苦想放棄有好多原因嘅,唔單只係報錯咗學校,老師都有好大嘅關係。上堂最後一堂佢竟然開始教新一課課文,而呢一課應該係二年班至教,全班同學O晒咀佢至知道錯咗,仲有每堂開始都要問返我地教到邊好似好應份咁,都唔好話佢經常遲到早放喇。人地其他老師係等同學嚟架!真係有無咁過分呢?當然,我自己懶佔咗最大原因嘅~
下年睇下點喇~

supageti 意粉 said...

所以日文學校好囉,依果先生唔得下期可以唔跟佢,我算好彩,撞著個喜歡既(其實工聯會果個都幾好),先生每堂一開始都會問番同學上堂教左乜,同埋好多時都會突擊問番之前教過既野,仲專鍾意問啲表現比較差既同學,目的就係幫大家溫番,我覺得佢其實幾細心,好快就記得晒所有學生既名同埋上堂既表現,晌適當既時候會俾小小壓力,咁大家先唔敢怠慢,佢都會遲幾分鐘先入課室,但學生等先生好應份,無理由調番轉頭,放學就只有遲永無早。

有興趣既就唔會懶囉,我覺得,通常每晚我都會溫下書聽下課文 CD,未曾未就做晒啲練習同習作本,可能因為我已經有根底,暫時未覺得學習上有困難,但係記性真係好差好差,要花好多時間記啲單字。

歐巴桑 said...

說起來好像是藉口似的
不過年紀大學習能力真的差了很多
背単語還應付得來
但那些文法規則卻永遠記不上心
我的せんせい其實很好
只是激氣自己做不到要求而已
如果考試合格的話都想完成整個初級証書課程
不過今個月開始星期六長週的上班時間改了返全日(唉!),但又不想平日花兩個晚上上課,煩惱中......

紅米奇 said...

十月懷胎好辛苦架
既然係預左十個月
經你努力下就順產

lau2tang said...

私の日本語を忘れてしまいました。

largeheadboy said...

意粉︰遲兩三分鐘我可以接受,但係弊在我地位老師幾乎每堂都遲十分鐘,然後又花三五七分鐘問返佢最喜歡的同學之前教到邊。唉,十個月喇,我地點名跟姓氏排第一二個就係我,應該有啲印象我姓乜啩,但係都係唔記得。算喇算喇,好彩就快見唔到佢喇。
我一定唔會再報返呢度嘅原因就係怕撞返佢,好邪架嘛,雖然我見過其他老師都好 ok。
我懶到一個地步係無人估到架,哈哈!

歐巴桑︰其實唔單止年紀大無記性,我地生活太多嘢要兼顧喇,讀書的確要付出比我地後生嘅時候多好多時間同埋精神~
星期六要返全日好辛苦啊,之後你要更加好好分配時間至得。繼續讀落去喇,我諗你應付得嚟嘅,最多每個禮拜煮少餐飯畀大叔食囉!:p

紅米奇︰的確係懷胎十個月啊!不過我個細路由開始就營養不良,睇嚟好難湊得大啊!

劉鄧︰你可以忘れなくてもいいです、但係我就要覺えなければなりません。好慘啊!