Monday, July 06, 2009

理性消費

早幾天晚飯沒有什麼頭緒,就到了近期慣常光顧的意粉屋。平平無奇的忌廉湯沙律炒飯再加兩杯飲品索價 $198,沒有驚喜之餘也覺得很不划算。同樣的價錢,我大可到真串吃十多串雞翼帶子或者牛肋骨,然後再加兩三罐 sapporo,痛快地大吃大喝。


這晚經過海港城,又在盤算吃些什麼,難道又要花百多二百塊去換來不等值的食物和服務嗎?就在這個時間,眼前出現了 niji bistro,早前小頭不就是提到這店子的信用卡套餐十分超值嗎?

我們點了信用卡那個 $99 的套餐,包括湯、沙律、前菜、雪芭、意粉、甜品和珈琲,不單止排場十足,每道菜也十分可口,意粉還是我喜歡的明太子口味。店子很大方,還給我們送上一小杯清酒。


兩份 $99 的套餐,價錢剛好等同意粉屋的那個二人套餐,但我覺得從這餐中我所得到的,不管是肉體上的還是精神上的,都比意粉屋那套餐豐盛了不知多少倍。我們一面吃着,還一面商量要在短期內再次光顧。沒錯,花錢也要花得有理性,沒有理由白白浪費掉那辛辛苦苦賺回來的一分一毫,以及我那些買少見少的 quota 吧。


飯後的餘興節目,是在文化中心外面看免費的幻彩詠香江,原來我們覺得沒有特別的,對不少遊客來說倒是個很新奇的經驗。

20 comments:

Ellen老師 said...

niji有無得【吸】印仔?我有$50,叫埋我用左去嘛!

ROY said...

依個$99餐到幾時?
係咪只要係用citibank找數, 要幾多份餐都得?

largeheadboy said...

老師︰之前嗰張喺你度呀原來~
我再之前都有幾個印仔,侍應哥哥話可以一齊用喎!下次叫埋你喇~ :p

roy︰係呀,用 citibank 架一定要,好似做到八月尾,佢地仲有個 $199 的套餐,係意粉轉咗牛肉定豬肉,咁我覺得 $99 呢個抵好多啊!
我地兩個人一人一個 set 囉,無加其他嘢,因為已經好夠~

supageti 意粉 said...

內容好似同標題無關喎,哈哈 ~~~

largeheadboy said...

意粉︰有莫大嘅關連架!^t^

maymay said...

藍妹好似叫人唔好約佢食飯架喎~~
我冇呢張信用咭~>_<

ROY said...

maymay你搞到我爭d噴米粉......

ROY said...

大頭你都有睇開足球咩?平時唔覺既~

rempei said...

大頭,你要繼續發掘多D平靚正食府呀!當然要叫埋我地去啦~~~

lau2tang said...

大頭師奶,
不如你申請埋張VIP咭,益吓班姊妹啦~

Maymay,
你約我啦!我有呢張咭~

lau2tang said...

大頭仔,
唔係無膠袋用!
係無免費膠袋用啫!

紅米奇 said...

睇黎我又要mark低佢先
係大頭blog中又搵到平靚正^^

歐巴桑 said...

我都覺得意粉屋唔抵食
所以都好少去

largeheadboy said...

maymay︰咁下次一齊去喇,不過唔好預藍妹囉又~ :p

roy︰之前有線有英超咪有睇波囉,依家無就無睇 lu ,所以我剩係識碧咸同埋奧雲咋~

薯嘜︰我都係跟小頭咋!平靚正就最啱我喇~
你都要發掘下啲好嘢啊。

劉鄧︰依家呢個信用卡優惠我覺仲抵過九折喇,可惜佢只做埋八月~
無免費膠袋用即係無膠袋用架喇對於我嚟講。^t^

紅米奇︰本來我想叫埋佢地嘅名物樽仔牛奶布甸架,不過已經太飽喇!有機會你也要試下啊!

歐巴桑︰不過有時唔知食乜好自然就會走去意粉屋,起碼叫做企企理理嘛。有時佢地啲套餐都 ok 嘅,不過嗰晚就差啲囉~

小彭 said...

不過張vip卡送番一個下午茶coupon(六日可用), 又有現金卷, 有著數架!

largeheadboy said...

小彭︰入會都好喎!
係呀,原來依家夜晚只有 $199 套餐咋,$99 套餐就只係午飯時間供應~

小彭 said...

吓, $99只係得lunch... 會唔會係上次我地一行5人晚餐都係食$99整cheap晒令佢改呢?!
(如果你無入會又無9折卡, 下次去到tst, 打比我我就話你知去邊樹拎張9折卡啦!)

largeheadboy said...

小彭︰唉,原來係你地搞到夜晚黑無咗 $99 set,好彩我都食咗一次~
咁神秘?唔通張卡放咗喺五支旗桿下面?

rempei said...

大頭,您估你地出發前可否去多次"x串"吖喇?

largeheadboy said...

其實今晚我都可能去~
好吖,下個禮拜一吖~