Wednesday, September 30, 2009

迎中秋

感覺好像很久沒有大伙兒飯聚了,這晚趁着中秋在即,大家相約在尖沙咀的東來順,來個人月兩團圓。感冒未清,這晚我唯有以水代酒,只是最後還是一時饞嘴,吃了一顆流沙金球,但就是這一小粒炸物,叫我回家後在床上咳了足足一個小時才能夠入睡。


一如以往,這晚大家都滿載而歸,不論是物質上還是心靈上。


有燈籠和月餅罐,過幾天中秋節就可以跟小朋友一起到公園煲蠟了!

14 comments:

Ellen老師 said...

到公園煲蠟~~會比警察拉喎!
留係屋企勉強兼休息啦!老友。

rempei said...

國慶及中秋節快樂!

rempei said...

國慶及中秋節快樂!

maymay said...

你寒咳呀,記住生冷野一定不能吃!
幾拾歲煲蠟,小朋友都吐你口水啦,亞伯~~

largeheadboy said...

老師︰你唔講我唔講邊個知喎!
休息梗係會,不過勉強呢家嘢勉強唔嚟架~

薯嘜︰大家咁話喎!

maymay︰我呢幾日都無飲凍嘢喇,今日起身感覺好咗好多,可能夠瞓啩~
其實哩,我咁大個仔都未煲過蠟架,我唔識點煲架~

歐巴桑 said...

成日係咁咳
要食多啲川貝枇杷露呀:-p

supageti said...

帥哥再唔的起心肝戒口,實聽咳瓜 ~~~ :P

largeheadboy said...

歐巴桑︰係喎,一言驚醒,屋企有樽喎!^t^

意粉︰尋晚食飯有避風塘生蠔同埋南乳雞翼~ :p

Ellen老師 said...

唔第可憐!

小彭 said...

經理人都幾潺個喎! 下次買d龍角散糖比你嘆下先得!

Anonymous said...

中秋節快樂. This is the most secure 东横inn I've stayed at...near the back of the Prime Minister's home...one-way road and police everywhere. It seems that the rain always follows me (probably can't see the moon tonight). Ricky

lau2tang said...

Ricky,
"雨"我常在!原來係你!
希望在明天,明天會好天氣的!
玩得開心啲~

ROY said...

大頭哥今日都精神番好多啦~

祝中秋節開開心心~

largeheadboy said...

老師︰我呢個人真係唔抵可憐架!^t^

小彭︰可能年齡大呀,呢一兩年感冒發燒密咗好多,以前一年至病一次架咋~
乜有龍角散糖咁得意嘅咩?但我今次作病時“隊”咗兩包龍角散都唔見有效啊。>_<

ricky︰今日中秋喎,不過我地呢邊個月亮都好似仲未蒲頭。
無緊要喇,有得去東京就得架喇,無乜嘢做周圍行坐吓 coffee shop 都好開心架。係喎,去過自由之丘未呀你?

劉鄧︰不過我始終覺得係關老師事~ :p

roy︰今日真係好番好多喇,不過都仲係好眼瞓~
大家咁話啊!有同 b 朗落去玩燈籠啊呵~