Saturday, October 03, 2009

中秋夜

今天八月十五中秋節,我們又齊齊整整回到娘家過節。姐姐的單位預備了親手造的雲吞,弟弟的單位買來鮮蝦、鴨舌和鵝掌,然後大家圍在一起開了幾罐啤酒,還未正式開飯就已經飲飽食醉了。

至於我,就負責飯後的甜品,從 citisuper 買來的蘋果杏仁蛋糕竟然跟月餅的味道和質感有點相似。雖然受歡迎,但最後還是要把吃不完的帶回家自己享用。


乘姐姐的順風車回家,她給了我一大梳鄰居送給她的有機香蕉。我沒有仔細數過這裏究竟有多少隻香蕉,但要是只有我一個人解決的話,我想我以後也不想再吃香蕉了。


現在望出窗外,只覺得雲層很厚,不知道今晚十一點半月上中天的時候能否如期看到皎潔的明月。不過即使看不到也不緊要,因為這個中秋我已經覺得很滿足了。

16 comments:

小妹 said...

嘩, 有富貴奶黃月餅食喎!

小彭 said...

好型呀梳蕉! 係咪就咁拎住返屋企呀? 你打算點處理(置)佢地呢?

maymay said...

今晚十點幾月亮已經好皎潔,冇雲呀~~

スパゲティ said...

阿婆畀我啲蕉我都無拎番 office 畀同事解決 ~~ ^^

啲月餅,我尋晚一於唔執輸食左幾舊。^o^

我都睇到好靚既月光喎 ~ 中秋節快樂!

lau2tang said...

成晚除了係不停咁見度隻壹筒之外,係車站行返屋企時,都見到個又大又圓月光,無被雲層遮住噃~

largeheadboy said...

小妹︰咁眼利嘅你。叮番熱佢應該仲好味~ :p

小彭︰係呀,徒手抽住返屋企呀,成三個bb仔咁重架,不過都係兩步路啫。我諗住分發畀各方友好咁囉,你有冇興趣吖?

maymay︰我要到十二點幾臨瞓時伸個頭出去窗外面至見到個月光呀。今晚唔知可唔可以舒舒服服咁就見到佢呢?

意粉︰係“有”拎番 office 啊呵?我家姐都係咁,佢多數都分畀其他人,因為佢地話要就隨時有架嘛~

劉鄧︰有牌打預埋我嘛下次!^t^
我成日覺得行緊路返屋企時見到月光係一件好正嘅事。

歐巴桑 said...

好大梳蕉呀^^
昨晚帶姨甥第一次"夜蒲"
而家我們兩老簡直好似得番半條人命咁:-p

紅米奇 said...

真係好大梳蕉呢, 不如整個全蕉宴啦
再唔係上人屋企咪帶梳蕉上去law, 補祝一句"中秋節快樂" :P

小彭 said...

呢一類蕉, 我只係鐘意食牛奶蕉咋!
開始整大蕉船未呀? 仲有大蕉crepe, 大蕉waffle...

rempei said...

我在想,要是只有您一個人解決那大梳香蕉的話,我想您以後都咪駛旨意離開洗手間半步了。

largeheadboy said...

歐巴桑︰依家啲細路唔駛瞓架,呢兩晚佢地喺樓下公園玩到好夜都唔肯返屋企,好彩我好眼瞓即刻瞓得着咋,唔係畀佢地嘈住就輪到我擲漒水架喇 :p

紅米奇︰話時話,今日真係抽咗成打蕉送畀位獨居長者~
咁我都祝番你今晚追到個靚月!今晚個月亮好圓喎!

小彭︰好貴架呢隻蕉都,而且佢仲係有機要 double 計添呀~
我呢種懶人,剩食要剝皮都已經好大工程架喇!^b^

薯嘜︰呢幾日我唔駛食蕉都已經成日xx喇,哈哈!

スパゲティ said...

應該係“係”,我唔食大蕉既,husband 係一隻起兩隻止,一定要搵外援。

largeheadboy said...

意粉︰總之係蕉嘅我就鐘意架喇!
經過咗兩日,屋企剩番十隻蕉咋~

galaxy said...

這個中秋幾日都落雨,我無見到個月光 !

rempei said...

帥哥,既然你那麼喜愛蕉類生果,那儘管吔多一點吧.....

largeheadboy said...

galaxy︰咁黑仔呀,等多一個月九月十五個月亮都應該好圓好靚!^t^

薯嘜︰呀,呢位網友要注意用字呀吓,蕉係用嚟食唔係用嚟吔架吓~ :p