走到常來光顧的酒家，門外豎起很大塊的海報，說豬骨鍋湯底只是壹元，火鍋配料全部七折。這個時候，不知道哪裏吹來一陣冷風，突然覺得身體很冷，有極度強烈打邊爐的需要。好，這個晚上就吃個火鍋驅走寒意吧！
舉目所見，這晚幾乎每一枱客人都是來吃火鍋的。吃着吃着，身心都感到異常溫暖。
回到家裏，終於收到ｈｋｕ ｓｐａｃｅ足足遲了一年才寄上的學生證。更可笑的是，去年報讀的日語入門課程的結業證明書，早在一個星期前已經收到了。我承認我是個懶散的人，但過去一年在ｓｐａｃｅ經歷的一切一切，也是令我失去動力繼續學習日語的一大原因。下個月的能力試，到了現在還沒有怎樣預備啊！
在這個開始轉冷的季節，似乎不太適合溫習，我還是繼續痛痛快快打邊爐去好了！
29 comments:
有幾冷，藉口！
老師︰實不相瞞，今晚一心諗住打邊爐架~ :p
今晚我一生懸命授業呀！老友！
懶就懶啦你~~
踩多腳。。。。死懶鬼，無恆心，yeah!
唔爭在啦 ~~ 嘥晒啲學費同考試費！！！
老師︰今年能力試靠你地喇！攞到好成績記住請大家食飯開心下呀！
maymay︰唉，惰性呢樣野真係改唔到架，我放棄喇~
naruto︰即管盡情踩喇！書友仔都話，報日文呢樣野可能從一開始就係一個錯誤~
意粉︰考試費就真係浪費咗，不過學費都有啲價值架，起碼我識得五十音其中三十二音吖~ :p
有無咁多呀？有機會見到你既話要默過我睇喎！
打咁多邊爐好燥個喎......
四級好易架咋，駛鬼讀咩，呵呵~
嘩,終身學員證 ... 你準備終生學習呀 ... 可喜可賀
香港D大學admin真係令人失望 !
意粉︰好，我認我認，我誇張咗，我其實剩係識得二十五個音~ :p
roy︰天氣凍緊係打邊爐喇！不過個口唇真係有啲乾~
我天資有限，四級都係一個大挑戰啊！
wendy︰依家至畀張學員證我都唔知想我點，我剩係諗到可以去佢地九龍灣個 centre 買珈琲，有七折~
galaxy︰佢地真係好過分，當時我差唔多每個禮拜上堂前都去追下個學生證點，一時又叫我等下，一時又話無收過我張 form，最後我都算喇，我係唔甘心無咗一張證件相囉！
唉，實在好離譜！
張証最緊要仲有沒有其他購物優惠呢~呵呵
你都叻過大叔啦
佢頂多識五個音:-p
搵日一齊打邊爐啦!
歐巴桑︰好似仲有其他優惠架，唔係當其時我都唔會個個禮拜都追佢地喇~ :p
五個音？あいうえお其實我都要諗一諗~
小彭︰好呀好呀！好似好耐冇見過你喇~
搵日一齊打邊爐啦 x2
又，連續三年十月都到了北海道，希望會成為傳統！
小頭︰好喎~
想佢成為傳統，要靠自己努力喎！話時話，我都連續三年在日本過年，同事已經懷疑我喺嗰邊有頭家~ :p
唔係化？
意粉︰你話唔係化，係指-
(a) space 行政混亂；
(b) 我識得二十五個音；定係
(c) 有人懷疑我喺嗰邊有頭家？
抑或三個都係？
(c)
意粉︰哈哈！咁緊係喇，我喺嗰邊至少有三四頭家架嘛~ ^t^
我那日見到稻香的$1豬骨鍋，以經即刻想"打"，豬骨鍋掂嗎?
喺嗰邊至少有三四頭家，邊三四個咁唔好彩
大頭個幾頭家係掩飾, 佢好明顯係專門誘拐d熊仔返香港.
小彭，
佢屋企的熊仔，連行都未學識，真係跟錯人囉~
rempei︰噢崎架！除咗豬骨，仲有蘿蔔、炸枝竹同埋粟米，$1 真係好抵囉~
naruto︰點止三四個唔好彩呀，每頭家有大有細添呀！
小彭︰我誘拐嘅熊仔數目點夠你咁多喎，你成喼都係喎~
劉鄧︰我啱啱“另”轉頭望下佢，佢企喺後面望住我，都好開心吖~ :p
有人患左妄想症！:P
嘩, 我真金白銀包佢地返黎架, 只係有d熊仔唔好彩, 比有d人收養為奴啦.
尋晚第1次去呢個集團打邊爐, 又幾好食喎, 不過星期日就唔平囉.
意粉︰唔係妄想呀，係真架~~~~~~~
小彭︰哈，的確係呀！有啲熊仔真係好坎坷架~ :p
稻香唔錯架，你屋企嗰頭嗰間加 $5 仲有任飲酸梅湯同埋任食糖水，我覺得好正啊！
Post a Comment