Monday, November 16, 2009

邊爐季節

天文台說今天會明顯轉冷,到夜間氣溫更會跌到十二三度左右,可是下班時還沒有感到寒流的威力,厚厚的外衣還差點兒把我焗出汗來。

走到常來光顧的酒家,門外豎起很大塊的海報,說豬骨鍋湯底只是壹元,火鍋配料全部七折。這個時候,不知道哪裏吹來一陣冷風,突然覺得身體很冷,有極度強烈打邊爐的需要。好,這個晚上就吃個火鍋驅走寒意吧!


舉目所見,這晚幾乎每一枱客人都是來吃火鍋的。吃着吃着,身心都感到異常溫暖。


回到家裏,終於收到hku space足足遲了一年才寄上的學生證。更可笑的是,去年報讀的日語入門課程的結業證明書,早在一個星期前已經收到了。我承認我是個懶散的人,但過去一年在space經歷的一切一切,也是令我失去動力繼續學習日語的一大原因。下個月的能力試,到了現在還沒有怎樣預備啊!


在這個開始轉冷的季節,似乎不太適合溫習,我還是繼續痛痛快快打邊爐去好了!

29 comments:

Ellen老師 said...

有幾冷,藉口!

largeheadboy said...

老師︰實不相瞞,今晚一心諗住打邊爐架~ :p

Ellen老師 said...

今晚我一生懸命授業呀!老友!

maymay said...

懶就懶啦你~~

naruto said...

踩多腳。。。。死懶鬼,無恆心,yeah!

supageti said...

唔爭在啦 ~~ 嘥晒啲學費同考試費!!!

largeheadboy said...

老師︰今年能力試靠你地喇!攞到好成績記住請大家食飯開心下呀!

maymay︰唉,惰性呢樣野真係改唔到架,我放棄喇~

naruto︰即管盡情踩喇!書友仔都話,報日文呢樣野可能從一開始就係一個錯誤~

意粉︰考試費就真係浪費咗,不過學費都有啲價值架,起碼我識得五十音其中三十二音吖~ :p

supageti said...

有無咁多呀?有機會見到你既話要默過我睇喎!

roy said...

打咁多邊爐好燥個喎......

四級好易架咋,駛鬼讀咩,呵呵~

Wendy said...

嘩,終身學員證 ... 你準備終生學習呀 ... 可喜可賀

galaxy said...

香港D大學admin真係令人失望 !

largeheadboy said...

意粉︰好,我認我認,我誇張咗,我其實剩係識得二十五個音~ :p

roy︰天氣凍緊係打邊爐喇!不過個口唇真係有啲乾~
我天資有限,四級都係一個大挑戰啊!

wendy︰依家至畀張學員證我都唔知想我點,我剩係諗到可以去佢地九龍灣個 centre 買珈琲,有七折~

galaxy︰佢地真係好過分,當時我差唔多每個禮拜上堂前都去追下個學生證點,一時又叫我等下,一時又話無收過我張 form,最後我都算喇,我係唔甘心無咗一張證件相囉!
唉,實在好離譜!

歐巴桑 said...

張証最緊要仲有沒有其他購物優惠呢~呵呵
你都叻過大叔啦
佢頂多識五個音:-p

小彭 said...

搵日一齊打邊爐啦!

largeheadboy said...

歐巴桑︰好似仲有其他優惠架,唔係當其時我都唔會個個禮拜都追佢地喇~ :p
五個音?あいうえお其實我都要諗一諗~

小彭︰好呀好呀!好似好耐冇見過你喇~

小頭 said...

搵日一齊打邊爐啦 x2

又,連續三年十月都到了北海道,希望會成為傳統!

largeheadboy said...

小頭︰好喎~
想佢成為傳統,要靠自己努力喎!話時話,我都連續三年在日本過年,同事已經懷疑我喺嗰邊有頭家~ :p

supageti said...

唔係化?

largeheadboy said...

意粉︰你話唔係化,係指-
(a) space 行政混亂;
(b) 我識得二十五個音;定係
(c) 有人懷疑我喺嗰邊有頭家?
抑或三個都係?

supageti said...

(c)

largeheadboy said...

意粉︰哈哈!咁緊係喇,我喺嗰邊至少有三四頭家架嘛~ ^t^

rempei said...

我那日見到稻香的$1豬骨鍋,以經即刻想"打",豬骨鍋掂嗎?

naruto said...

喺嗰邊至少有三四頭家,邊三四個咁唔好彩

小彭 said...

大頭個幾頭家係掩飾, 佢好明顯係專門誘拐d熊仔返香港.

lau2tang said...

小彭,
佢屋企的熊仔,連行都未學識,真係跟錯人囉~

largeheadboy said...

rempei︰噢崎架!除咗豬骨,仲有蘿蔔、炸枝竹同埋粟米,$1 真係好抵囉~

naruto︰點止三四個唔好彩呀,每頭家有大有細添呀!

小彭︰我誘拐嘅熊仔數目點夠你咁多喎,你成喼都係喎~

劉鄧︰我啱啱“另”轉頭望下佢,佢企喺後面望住我,都好開心吖~ :p

supageti said...

有人患左妄想症!:P

小彭 said...

嘩, 我真金白銀包佢地返黎架, 只係有d熊仔唔好彩, 比有d人收養為奴啦.
尋晚第1次去呢個集團打邊爐, 又幾好食喎, 不過星期日就唔平囉.

largeheadboy said...

意粉︰唔係妄想呀,係真架~~~~~~~

小彭︰哈,的確係呀!有啲熊仔真係好坎坷架~ :p
稻香唔錯架,你屋企嗰頭嗰間加 $5 仲有任飲酸梅湯同埋任食糖水,我覺得好正啊!