Monday, December 14, 2009

野外考察

讀書時修讀地理的我,畢業後沒有深究自己適合不適合很順理成章地當起地理老師來。可是我絕對不是個稱職的地理老師,除了搞不好捲雲層雲積雨雲的形成原因外,連讀書時野外考察的最起碼要求目的地東坪洲都沒有到過。結果,我只當了短短一個月地理老師就被學校速速趕走。

今天,我投身社會快將二十年了,雖然這些年來我到過不少地方,可是位於我們東北方的東坪洲對我來說好像還是太遙遠。在近日漁農自然護理署舉辦的多個地質公園地質導賞活動之中,我就捨棄東坪洲揀選了西貢的橋咀島和吊鐘洲。


印象中橋咀島除了有個燒烤樂園之外什麼都沒有,不過原來這裏也是個認識香港地質的好地方。跟長洲一樣,橋咀島有一條給沙石沖積出來的沙堤。比長洲更有型有格的,就是這條沙堤在水漲時會完完全全給淹沒。


沒有想過這天天氣這樣好,在無遮無掩的山頭站上一會,出了一身汗之餘還給曬紅了。


導賞員滿有熱誠向我們介紹不同的地貌,曾經是地理老師的我當然很用心地聆聽。不過,並不是每位團友都像我一樣專心,他們當中有不少都是只顧着不停到處拍照的龍友。


龍友的勢力果然很厲害,這天男女老幼幾乎每人一部鏡頭比我的手臂還要粗的單反。我當然也想拍出令人艷羨的相片,但想到要時常抬着一塊磚頭,我還是隨隨便便拍些生活照好了。


在橋咀島留了個多小時,我們就繼續航程前去不遠處的吊鐘洲。コリラックマ,you jump, i jump~


老實說,我覺得幾年前被選為世界自然遺產的日本最後秘境知床的海岸,跟這裏差別不太大。


知床


吊鐘洲


吊鐘洲最值得一看的,就是多年來不斷受海水侵蝕而形成的香港東海四大名洞之一的吊鐘洞。可惜我們這天不是乘小艇前來,否則就可以穿過窄狹的吊鐘洞,到另一面看看是什麼的模樣。


在千千萬萬年之前這裏是火山活動很活躍的地方,岸邊柱狀的石頭就是當年熔岩和火山灰冷卻後形成。我相信對地理地質有興趣的人來到這裏,一定感到十分興奮。不過今時今日,我更有興趣知道的,就是這些危站在石上垂釣的人有需要時究竟怎樣上廁所?


三個小時的導賞團很快就來到終結,當我們慢慢駛回岸邊,眼前的景象突然令我想松島海岸,欠缺了的可能就只有一隻隻追趕着卡樂B蝦條的海鷗。


這些導賞團很受歡迎,接受報名的第一天很快就爆滿,第二輪報名會在明年一月四日開始。很久沒有做地理老師的我,這次的目標應該會是東坪洲吧!

25 comments:

maymay said...

握住熊仔張相,好似MJ抱個仔出露台咁嘅,驚驚~@@

"這些危站在石上垂釣的人有需要時究竟怎樣上廁所?"
明知故問啦你!

歐巴桑 said...

大叔都做過一陣地理老師
不過一樣都唔多見他興起實地考察呢
不知何解張熊人相令我想起Mr Bean~~呵呵

rempei said...

如果知床跟吊鐘洲差別不大,那香港與日本亦不甚分別,不如留港消費吖!

joeyee said...

要睇靚靚風景就要返大陸啦!

naruto said...

我都想去呀?不過無厠所喎,點算呢?

ps:張熊仔相我覺得係想“練”死佢掉落海嘅意境,好凄美

lau2tang said...

大頭仔,
既然你話同知床無分別,咁我幫你出船飛,你幫我買張機票飛知床吖~

小彭 said...

我以為你會話部相機落入老千手tim! 不過阿老千真係將你部相機創造傳奇喎!

supageti said...

『我覺得幾年前被選為世界自然遺產的日本最後秘境知床的海岸,跟這裏差別不太大』?發夢啦你 ~~~ @@

largeheadboy said...

maymay︰隻熊仔唔係我架,係隔離一對小情侶,我玩偷拍架咋。
如果好似大家咁諗,就唔係咁好喎~

歐巴桑︰咁大叔會唔會係我嘅書友仔呢?
實地考察唔一定香港嘅,去邊度都得架。要安排吓下次去邊度考察喇~ ^^

薯嘜︰真架,喺知床遊船河嗰陣望住個岸邊唔係爭好遠架咋,不過人地有熊人、鹿仔同埋鯨魚之嘛~

joeyee︰係喇,大陸啲風光真係好靚,可惜啲配套唔係咁得囉。第日有咗高鐵會唔會方便啲呢?

naruto︰我地搭架船有廁所架,去到橋咀島都有架,報名喇!
隔離呀哥仔捉得咁實可能真係驚隻熊仔跌落海哩~

劉鄧︰不過船飛我要係去宮島個喎~ :p

小彭︰等我喺老千手中攞番我部相機之後,睇下到時我都可唔可以喺嗰邊創造傳奇一刻,為港爭光先!^t^

意粉︰如果齋睇海岸,真係似架,人地又多幾條瀑布咁囉!:p

lau2tang said...

船飛換機票,好!成交!

光.軍 said...

好勁呀大頭你報到第一ROUND, 我就無你咁好彩喇, 睇吓第二輪好唔好彩先得!

小頭 said...

記得最近火石洲的地質公園有巨石滾下,撞爆左一個釣魚者的頭,... 驚驚。

請問地理老師,橋咀島、吊鐘洲和東坪洲是否較安全?

紅米奇 said...

咁有興致做咁有益的活動, 耐不耐寧靜下都好舒服, 龍友隨街都撞到, 怕重唔想攞大大部單反的話, 考慮下 GF1 "即女友1號"果D樹law, 起碼輕少少 XD

largeheadboy said...

劉鄧︰噢,sorry,無機飛知床,比唔到飛畀你添~ ^t^

光.軍︰你都有報名?我覺得好好彩報到呢個導賞團,我仲要係開始報名嗰日朝早睇報紙至知道有呢回事。不過依家多咗人知,下一輪可能仲難報啲都未定。一月四日,要記住啊!

小頭︰有咁嘅事咁恐怖?我無印象嘅~
去呢啲島緊係安全喇,不過去到玩埋啲危險遊戲我就幫唔到你喇~ ^g^
橋咀島就記得要喺水浸沙堤之前返到去個主島,唔係都幾麻煩啊!

紅米奇︰我不嬲幾鍾意去下郊外架,不過今年好似少啲去。秋冬係郊遊嘅好日子啊!
我有諗過買部 G10,不過應該會畀人鬧所以唔敢買住~ :p

supageti said...

二家姐屋企隔籬有個馬屎洲,係地理考察勝地,我讀中學果時跟老師去過,依家 husband 間中都會走去行下,不過要等潮退至行得過去。

largeheadboy said...

意粉︰畀你講一講,我讀書嗰陣好似去過馬屎洲考察,去睇石頭架嘛又。睇下地圖,真係幾近喎,三門仔再入啲嘛,睇下有冇機會去番一轉先。

naruto said...

買GF1啦,我都諗住買

largeheadboy said...

naruto︰GF1 真係幾型仔喎,搞到我都有啲心郁~

lala said...

你囉隻鬆弛熊出黎時有冇比o的龍友藐?

largeheadboy said...

lala︰隻鬆弛熊唔係我架,係隔離對小情侶龍友架!不過我都有後悔無帶埋佢地一家三口出去~ :p

巴貝兒 said...

乜唔係你自己唔做嘅咩?就係俾學校揭發咗你分唔清D雲? XDDDD

小彭 said...

咁你帶唔帶鬆弛熊去浸溫泉呀? 定係又誘拐d番黎?

largeheadboy said...

theresa︰自己唔撈定係佢地叮走我都無所謂囉,都幾廿年前咯。有時我會諗,如果我繼續做落去,我會係個點樣嘅老師呢?我今日又會點呢?

小彭︰我邊有本事拐帶啲鬆弛熊返嚟吖,依家諗緊邊個有幸陪我出巡之嘛~ :p

galaxy said...

聖誕快樂

largeheadboy said...

galaxy︰你們一家人也有個很愉快的聖誕啊!