Wednesday, December 23, 2009

十年十首歌

早兩個星期翻看雜誌,讀到一篇評選過去十年的最佳大碟。起初我沒有為意背後的意義,只是一面讀一面想這張唱片我不認識、那張又原來已經是幾年前的事。咦,過去十年,那不就是這個世紀的第一個十年?今年過去後,也就是代表二零零零年代告一段落。

這十年,生活模式不斷在變,比過去十年更少接觸流行音樂。吸收最新流行曲的最主要來源收音機已經越來越少聽,幸好我仍有從其他渠道例如是互聯網接觸音樂,當然就沒有了十多二十年前收音機從早開到晚的日子。雖然這樣,這十年仍有好一些歌我會記得的。

王菲 色盲
重溫這首將近十年前的歌,感覺還是這樣的酷。要挑這十年我的心水選擇,怎可以沒有王菲?



許志安 半天假
這個年頭提起許志安,好像是件很悶蛋的事。不過有段日子許志安的歌確實很不錯,這首就是其中一首我很喜歡的。



趙學而 最佳位置
坐車吃飯看電影,我們都喜歡挑選自己認為最好的位置。其實,哪一個才算是最佳位置?



謝安琪 節外生枝
有些人勇於冒險,可以義無反顧去做一件事。我這個年紀,可沒有勇氣也沒有本錢去闖另一條路了。



何韻詩 如無意外
如果當年這樣那樣,今天我又會是怎樣的一個我?幸好,我還算很滿意今天的我。



關淑怡 李香琴 三千年前
每次聽到這首歌,我總不期然紅起眼來。不要說三千年,三十年甚至三年後的事,我也不敢想太多。這個版本沒有關淑怡的歌聲,總像欠缺了一些東西。



林憶蓮、張學友 日與夜
一早一晚一先一後一快一慢,兩條平衡線就這相遇了。



陳奕迅 一切還好
老實說,陳奕迅一個人絕對可以佔上全部十個位置,或者有機會要寫寫我最喜歡 eason 的歌。這首歌有不少金句,這一句是我的寫照,那一句又可說中你的心聲?



陳奕迅 活着多好
要是有一天我要離去,我想我有很多東西放不低。



黃耀明 林憶蓮 下落不明
八十年代、九十年代一早已經成為歷史,轉眼二零零零年代也快要謝幕,下落不明的就由得它繼續下落不明吧!



十年,十年就這樣轉眼間過去了。

17 comments:

Rempei said...

我好驚聽"三千年前",我覺得會有一股寒氣在內心深處湧出來,令我的心很不安寧!

Roy said...

好多首都係卡拉ok版喎......

咁多首我最熟只有"半天假"~

Ellen老師 said...

人生有幾多個十年?

largeheadboy said...

rempei︰真係呀,一開頭聽到琴姐把聲,的確係幾寒呀。不過就算幾咁唔安寧,有啲野點樣都要面對~

roy︰卡拉 ok 版係啲字大隻咗啲啫~
其他歌都好好聽架,得閒就開嚟聽下喇。:p

老師︰唉,我都唔係剩番好多個十年咋~

supageti said...

我好似無隻識 ~~~ :P 不過帥哥依篇寫得好似幾有 heart 咁 ~~

Anonymous said...

謝謝你的sms!! 雖然我很懶又無記性, 但你在我心中, 永遠都擁有一個位置, 直至我老人痴呆!!
好耐無來這裏了... 看到你說10年、20年前的歲月. 令我又回憶很多事情. 過去一點一滴又回來咯. 我唔想再有10年, 現在已經受夠咯.
死啦突然好多心事, 好想哭. 愛哭的我仍然無變.

largeheadboy said...

意粉︰咁就呢幾日煲熟佢地喇~ :p
都係嗰句,我篇篇都好有黑個喎!

匿名人︰過去咗嘅就由得佢喇,前面仲有很多東西等住你的,說不定會令你喜出望外哩!
聖誕快樂!

maymay said...

咁多愁善感嘅,唔係好慣添~^^

光.軍 said...

嘩嘩嘩!估唔到十年十選第一個出場係佢啊! :D 更估唔到"下落不明"被點中作為代表之一o忝喎, 學而版"最佳位罝"真係十個讚啊!

祝大頭您聖誕快樂啊~~

naruto said...

好多都係我D K歌喎,呢十隻最愛“一切還好”

lala said...

最佳位置原本係阿邊個邊個架,比我都揀呢個version啦,哈哈哈哈~

largeheadboy said...

係呀咁多位,聖誕快樂呀~

maymay︰多愁善感、深藏不露、善解人意先至係我嘅真面目,平時成日恨打牌寸 ken san 大大食嗰啲係掩飾嚟架咋~ :p

光.軍︰都係嗰句,點可以無王菲哩~
《下落不明》正呀,尤其係 wyman 啲詞。我仲記得有次睇明哥演唱會,大家都好期望唱呢首歌嘅時候憶蓮會出嚟呀,可惜我遲咗一場囉~

鳴門︰英雄所見略同,《一切還好》第一次聽已經愛上了。不過也慶幸這首歌唔算太熱,就當佢係 best kept secret~

lala︰我之前未聽過阿邊個邊個個原裝版本,之後有機會聽返,成件事就明晒囉~

lau2tang said...

除了三千年後,齋睇歌名真係無首識!
帥哥我和你真係有代溝!
祝聖誕快樂!
旅途愉快!

歐巴桑 said...

還以為你已經出發去旅行呢~~
年紀大了時間好像過得特別快
十年前的事感覺仍像發生了不久似的...
聖誕快樂!

largeheadboy said...

劉鄧︰識得《三千年後》已經好 in 架喇你~ :p
連續三年都同你倒數,今年無添~
聖誕快樂啊!

歐巴桑︰後日至飛呀,頭先至啱啱搞網上 check in。
時間真係一轉眼就過,十年前大家都在倒數千禧講千年蟲,原來咁就十年喇~
聖誕快樂!

小妹 said...

多謝晒~你令很"本"的我,又知道多一些正歌啦.

largeheadboy said...

小妹︰好野梗係要同大家分享架嘛~ :p