Thursday, January 28, 2010

團年

不經不覺,今年已經是第四年跟網友吃團年飯。今年的飯聚地點,選了兩三年前也跟大伙兒來過的鹿鳴春


還記得第一年的團年飯選址在尖沙咀某家火鍋店,某位喜愛收藏各式鐵鑊鑊鏟的女網友更是首次出席大家的聚會。之後第二年的團年飯是在銅鑼灣某家餐廳吃自助餐,那個時候剛與兩位網友完成第一次夢幻之旅,席上大家都不斷重溫旅行中的點滴。至於第三年也就是去年的團年飯,唔,我好像因事臨時爽約,不過,我倒記得地點是銅鑼灣某家火鍋店。雖然我沒有出席那次飯聚,但那一頓飯到現在大家還會時常提起啊!

這幾年間,人來人往,只希望明年大家又能夠繼續高高興興聚首一堂。

18 comments:

Ellen老師 said...

你唔爽約,幾時都可以繼續高高興興聚首一堂啦!

largeheadboy said...

老師︰正如某女網友所講,我甩過四次底之嘛,嗰幾次因為要返屋企食飯、爆渠、詐肚痛同埋乜野乜野之嘛~

Ellen老師 said...

甩過四次底~~~仲唔夠呀!
小心以後繼續高高興興聚首一堂~~~係我地,無你份呀!

naruto said...

甩四次仲肯叫你,你咩野料呢?

maymay said...

maymay姐都唔叫聲,出年典預你呀~~~

supageti said...

有人甩底甩上癮囉 ~~~~ :P

lau2tang said...

大頭仔,
你守緊行為架~
醒定的好!^b^
仲有,我證實本鎌倉書唔係我架,我個本係屋企,下次會拎番畀老師。

largeheadboy said...

老師︰其實只唔只四次呢?不過點都唔好掉低我呀~

naruto︰咁大家好人對我好好吖嘛(要補下飛先)~ :p

maymay 姐︰係係係,我細路仔唔識世界~~

意粉姐︰我好耐無甩底喇,上一次耐到我都唔記得邊次 lu~ ^t^

劉鄧姐︰弊!下次可能要甩喎 @~@
我都話本書係老師架喇,呢本好有印象嘛~

ROY said...

原來團左4年喇,真係光陰似箭~

因乜事咁有心機整個回憶錄呢?唔通真係諗住無下次...... :P

maymay said...

啋過你呀萊萊,口水講過!

ROY said...

maymay姨,
你唔俾網主發左達唔認我地呀~ 又或者移民去日本唔返黎呢~

Ellen老師 said...

最大可能係,我地飛去,唔要佢囉!

largeheadboy said...

呀萊︰人來人往吖嘛真係呢幾年,同埋咁又幾年,都咪話唔唏噓呀。
移咗民過日本我都要返過嚟同大家食團年飯呀,不過發咗達就......hehehe~

maymay 姐︰即係出年都預我啊呵!咁我諗定去邊先~ ^t^

老師︰我知你唔會咁忍心嘅!呀,你住邊呀?幫我收野都好喎!:p

lau2tang said...

係2010年1月29日,大頭仔講過話由佢安排出年的團年飯。嗱!呢個證據嚟!咪delete咗去呀!到時唔好懶懶閒就得啦!

largeheadboy said...

劉鄧︰我話諗定去邊之嘛,都無話安排埋,不過我做埋都噢崎架~ :p

lau2tang said...

咁你畀心機去諗啦!
記得諗個好地方,唔使畀人band~

小彭 said...

詐肚痛... 我又諗起到今日阿熊仔都未識行囉!

largeheadboy said...

劉鄧︰我會用一年時間慢慢諗架喇,要對我有信心啊!^t^

小彭︰詐肚痛呢蕉幾有效架,不過唔可以用得太多喎~
熊仔識唔識行都無所謂囉,啱啱佢又多咗兩個朋友仔,circle k 的 cushion 終於到手 lu!