Wednesday, May 18, 2011

Day 8.2︰廣島連泊

發生日期︰2010年1月3日

錦帶橋被喻為日本三大名橋之一,現在的橋身雖然是在幾十年前重建,但五段式拱橋的獨特構造,足以令它成為山口県岩國市的熱門旅遊地點之一。看過滿潮的宮島大鳥居之後,我們就來到錦帶橋。


這個時候沒有櫻花沒有紅葉,連樹木很多都是光禿禿的。幸好這天天空一片蔚藍,陽光也非常充沛,令錦帶橋看來不致太過蕭索。


付上過橋費,踏上橋面,經過五起五落,平平安安走到對岸。


錦帶橋下面的錦川清澈見底,河水看來也不太深。看見我們嗎?


礙於時間所限,我們沒有再到吉香公園那邊走,更不用說山上面的岩國城了。


沒想到雪糕會是錦帶橋的其中一樣名物,我們在路旁一家小店買過在日本四處可見最普通不過的雪糕後,才發覺原來附近還有兩家人氣似乎非常旺盛兼且電視台曾作介紹的雪糕店,其中一家更標榜擁有過百種口味。雖然剛吃過了一杯雪糕,我們還是受不了誘惑再多來一杯。


坐在河邊吃着雪糕,靜靜看着遊人忽高忽低走在錦帶橋上,是挺寫意的一件事,雖然這邊有點兒冷。


岩國市是漫畫家弘兼憲史的故鄉,往返岩國站與錦帶橋之間的巴士就有一輛以弘兼憲史最為人熟悉的漫畫人物島耕作為主題。其實只要多等廿分鐘下一班就是島耕作巴士,可是為了早一點回到宮島,我們還是放棄等待,況且現在坐上的這輛巴士也很有特色哩。


回到岩國站時往宮島口方向的電車正準備開出,我們趕及在車門關上前衝進車廂。我們在岩國站出現的時間,總計應該不超過五分鐘。


下午三時多,前去宮島的遊人還是那麼多,但同時也有不少已經開始踏上歸途。


有點餓,走進宮島商店街上一家食店,點了都很美味的燒蠔和廣島燒。


步出店外,天色開始轉暗。這個時候的大鳥居,已經完完全全外露在淺灘上。早上的時候還是遙不可及的,現在很輕易就可以親手觸摸到了。


走到幾個鐘頭前還是海中心的地方,從另一個角度看大鳥居,背景就是早上參觀過的嚴島神社。


疑似恐怖份子出沒注意!


看見其他人撿起地上的碎石然後拋上大鳥居,恐怖份子也有樣學樣,但來來回回幾十次竟然沒有一次成功。


日本三景在六年內集齊了!


眼前的大鳥居實在太美,叫人不想離去,開始有點後悔這天沒有住進附近的旅館。


能夠在一天內看到干潮和滿潮的大島居,應該心滿意足了。


遊人陸續離開,賣燒蠔的攤檔也開始打烊。


昨天在廣島駅新幹線名店街的水車吃廣島蠔,既便宜又好吃,這晚就多來一次。


寒冷的夜裏,要吃得飽飽才可以睡得安穩啊!

26 comments:

naruto said...

你仲記得果下好野喎,盒豆奶嘅賞味期限係10.7.21呀,你話你幾慢吖

joeyee said...

睇黎我都要快趣D集齊三大古泉印花至得.

largeheadboy said...

naruto︰其實唔記得晒架喇,不過之前寫咗啲草稿所以依家執返好啲 post 出嚟囉。仲有多幾日稿架!hehe~
盒豆奶無理由係七月至到期咁恐怖喎,當期時係一月,不過嗰個字又唔似一字。有古怪呀!

joeyee︰去埋古兜溫泉有冇幫助呀?:p
快啲呀,等你呀!

lau2tang said...

我都好鍾意広島同宮島,希望好快又可以去探佢地。

supageti said...

Like ~~ :)

小彭 said...

嘩~
有排都未到城崎溫泉啦~
睇黎我都要寫篇2010香嵐溪懷念一下.

ROY said...

宵夜係牛奶+生果+魚生, 好攪肚喎......

瘋膏 said...

見到靚相, 想起短時間肉冇得去, 唉..
但見到相中食物又想吃~

largeheadboy said...

劉鄧︰隨時都行得架喇依家~

意粉︰謝謝~

小彭︰後日去城崎喇終於都,仲落好大雪添,就快輪到佢架喇!
你搞掂埋個法蘭西先喇~

roy︰又無事喎,可能已經習慣晒喇!

瘋膏︰依家啲機票好平喎,同埋又好似定咗啲,都可以考慮短期內出發喎!

L L said...

條橋又真係幾有特色!

maymay said...

好令人懷念~~

jokelib said...

四月去真係差好遠, 我喺橋來回影咗兩個幾鐘頭.....

largeheadboy said...

laulong︰喺上面一路行一路睇風景都好好 feel~

maymay︰希望你今晚中六合彩,咁咪可以即刻飛過去囉!

jackson︰嗰排櫻花樹光禿禿乜都無,的確爭好遠。兩個鐘,我已經睇完兼返埋岩國站 lu~

jokelib said...

最抵死係有好多好多唔同角度可以慢慢影, 好彩我 plan 咗半日時間. 唯一可惜係無藍天. 你就好啦

紅米奇 said...

日本三景, 真係有意思, 夜晚食過飽飽果D先係精華^^

largeheadboy said...

jackson︰如果畀我擇要櫻花定藍天,我都會要櫻花。不過櫻花又真係要有藍天襯托之下先至特別靚。兩樣都要晒呀!

紅米奇︰日本三景嘅印仔你又儲齊未呀?
喺日本唔食宵夜就太對唔住自己喇!你都一定係咁話喇~

ayclui said...

日本OK o架啦, 我啱啱喺九州返o黎, 果度不知幾正常~

largeheadboy said...

ayclui︰好開心啊!係咪去咗屋久島呀?我都想去日本啊!

ayclui said...

依家諗下回味下都開心呀~
有去屋久島行白谷雲水峽, 勁得~
不過無去睇繩文杉,蝦子餅超殘念...

largeheadboy said...

ayclui︰咁要快啲放啲相寫啲字引下我地喇!

Rempei said...

閣下的記憶力好勵害啊~~佩服,佩服~~
我上次的旅程都無寫遊記,寫返都好喎~~~

largeheadboy said...

rempei︰呢篇成咗成年咁濟,係早個禮拜的起心肝整理好再加埋相,先至有得重見天日咋。
你專心籌備下一個行程仲好喇~

ayclui said...

大頭: 好呀, 蝦子餅話要整理一下先喎, 希望呢兩日post 到少少 snapshot 引下你地 ^^

to Rempei: 寫啦, 寫啦, 好想睇遊記~

largeheadboy said...

ayclui︰少少 snapshot 都已經可以令到我地流晒口水喇~

maymay said...

test

(唔好意思,砌左部新腦,試下留唔留到言先)

largeheadboy said...

maymay︰我呢度唔係隨便畀人測試呢樣測試嗰樣個喎!^^
有新腦咁開心呀?