Thursday, February 02, 2012

第五回︰金沢へ

看過宇治的紅葉,又是祭五臟廟的時候。這次遊宇治,難得遇上中村藤吉平等院店冬季休業,幸好 JR 站對面的本店如常營業,那就趁機造訪這家歷史悠久的店子吧。


天氣開始轉冷,庭園內放了點着的炭讓人取暖,很窩心的做法。


中村藤吉本店沒有開揚的景觀,也沒有宇治川的襯托,但古舊的陳設和廣闊的空間感,又是另一種味道。


我一直很想把這小餐巾弄到手,可惜外面的賣場沒有發售。


點了這店大人氣甘味以竹筒奉上的生茶ゼリー(抹茶)和季節限定的冬のどるちぇ,只是這一刻肚子卻不太舒服,影響了心情。


在宇治,時間總是溜走得特別快。當然,這次也只是逗留了短短兩個鐘頭。不過看過紅葉吃過中村藤吉,總算是不枉此行。


跟早兩天去過的 Aeon Mall 內的超市比較,京都塔後面 Yodobashi 地庫的超市好像便宜一點。回到京都後,趁還有丁點兒時間就立即去補充物資,草莓和蜜柑都是入貨的目標。當時的確想過買一箱才賣 698 円的蜜柑,但基於現實考慮最後只買了旁邊賣 398 円的一大籃。


在旅館取回行李,再到 551 蓬萊買過熱騰騰的燒賣,就到 0 號月台等候往金沢的雷島號列車。


京都,真的要找一次只玩京都!


從京都到金沢,車程兩個多小時,經過滋賀県和福井県才到達金沢所處的石川県。途中還會經過過兩天才會去的加賀溫泉。


五點半來到金沢,天色已經黑透。走出車站,感覺到氣溫比京都低得多。


趁六點半北陸巴士中心關門前,趕快買下後天往返白川鄉的車票。在平常日子,應該不用出發前在網上預訂車票,始終直接到櫃檯買票感覺來得實在得多。


金沢的住宿是離車站不遠、評價也很不錯的加賀の湧泉 ドーミーイン金沢。或者我跟ドーミーイン 這連鎖式旅館八字不太夾,上次在秋田那一家我覺得房間只是很一般。現在金沢這一家,我嫌房內的設施有點破舊、綿被不夠長也不夠闊、燈掣的夜燈提示在黑暗中有點耀眼。


算,就憑它連早餐房租才是一萬円、洗衣服無料、天台又有露天風呂,我就忍忍忍忍忍……


金沢是北陸地區最大的城市,不過入夜後街上還是靜悄悄的,幸好車站和旁邊的大型商場 Forus 都可以讓你消磨好一些時間。


出發前已經選定在 Forus 六樓以自然食、野菜放題做招徠的はーべすと 金沢フォーラス晚飯,來到門口發覺他們現在還額外提供火鍋放題,有豬牛雞無限量供應,而且沒有時間限制,那就更加不作他選了。


雖然肉都不是什麼高級的貨色,但加上多種小吃、野菜和甜食,每人不用二千円,收貨有餘了。


為ドーミーイン再挽回一點分數的,是晚上九點半後供應的夜鳴き拉麵。無論之前吃得有多飽,這碗拉麵怎樣都不要隨便放過。這碗麵我只吃了一半,因為另一半給了在這裏遇上同是遊金沢和白川鄉的友人。

26 comments:

小彭 said...

不如你去和歌山個間剪綵啦, 係premium黎架, 四月開, 應該同你個八字夾d!

supageti said...

真的要找一次只玩京都?我唔信囉!

largeheadboy said...

小彭︰佢地又請咗我去涉谷嗰間剪綵喎,好忙。不過如果我真係去稚內,我一定會住嗰間 dormy inn~

意粉︰如果我唔係買咗東京機票而真係飛大阪嘅話,都有呢個可能架~

卡臣 said...

我認識京都是從卡通片「機靈小和尚」

largeheadboy said...

卡臣︰我細個睇一休都唔知道嗰度係京都,我諗當其時我可能連東京都無乜印象啊~

ayclui said...

火鍋放題好吸引~^^

紅米奇 said...

個晚餐正如你所講, 2000yen任食, 多選擇, 算唔錯, 啱晒我 ^^

TY said...

你買果堆柑都好大堆, 仲想買一箱? 雖然真係好抵!!!

naruto said...

天氣開始轉冷,庭園內放了點着的炭讓人取暖,很窩心的做法。。。。。我諗老闆想再窩心D,喺房間點炭讓你取暖囉

l.minor said...

條小餐巾的確幾靚喎!

你係宇治原來得兩個鐘?居然巳經可以做咁多野?

一箱柑698真係平得過份,不過398都可能食唔哂

二千円計番港紙,香港都食唔到

Cat said...

點解唔買柑呀,一箱都係70-80HKD??可以做手信喎。香港橙都10/4

"燈掣的夜燈提示在黑暗中有點耀眼。"
哈哈!我瞓覺要開燈添呀!

第五張三角形果件係咪蛋糕黎架?裡面啡色果D係咪栗子呀?

原來呢隻款酒店係日本叫破舊架啦?

largeheadboy said...

ayclui︰總之有放題我就會自自然被吸引過去架喇。

紅米奇︰呢間仲有飲之放題,加多好似二百幾円就得,不過慳家嘅我地飲水得架喇。

TY︰如果住成一個禮拜又唔轉酒店真係可能會買架,當水飲之嘛~

naruto︰你咁怕凍,叫埋你一齊喇,仲要“刪”晒啲窗添呀~

l.minor︰條小餐巾會寫埋邊間店,又有好多款顏色,確係好靚。唔知平等院店會唔會有得賣呢?
其實宇治剩係去咗興聖寺同埋中村藤吉,再加上叫做嚟過唔駛搵路,個半鐘都得添呀~:p
咁 398 円 13 個柑咪跟埋我地上金沢分開幾日食囉。
下次你有機會去金沢就試下呢間放題喇,其實日本全國都有好多分店架。

cat︰係喇,人地仲係日本蜜柑喎!
瞓覺我要黑晒架,尤其係去到外地,咁乜都見唔到咪仲安心啲唔駛亂諗野囉。
好似係栗子綠茶芝士蛋糕,好好味,又唔太甜~
間房遠睇 ok,但係近睇枱邊已經刮花晒、sink 盆又有被火炙過嘅痕跡,感覺好舊咁囉。

lau2tang said...

我想知邊個友人會分咗你食剩嗰半碗麵?

"意粉︰如果我唔係買咗東京機票而真係飛大阪嘅話,都有呢個可能架~"
我就唔係好信!即使你買咗大阪機票,最後你都會走去東京hea番兩日咁囉~

佛爺 said...

點解咁多人對日本咁熟識既?

maymay said...

邊個吃你口水尾呀?
阿媽話柑好濕熱,所以我次次都冇買,你係咪吃左蜜柑肚仔痛呀?

largeheadboy said...

劉鄧︰嗰個朋友早我一日到金沢又早我一日去白川鄉,咁啱就喺樓下食麵撞到。不過其實我當時仲好飽,一開始就畀咗一半佢,碗麵仲未食過架~
哈哈,你真係了解我!不過唔買 pass 咪可以焗住留喺京都囉。

佛爺︰係呀,呢度好多係嚟自日遊同好會,人強馬壯架!

maymay︰無呀,食之前已經畀咗人地喇!
唔知呀,呢個 trip 頭幾日個肚都好唔舒服,不過我諗唔關啲柑事嘅。蜜柑好甜好好味,唔忍得唔買啊~

lau2tang said...

你好似無乜邊次唔買Pass架喎~

largeheadboy said...

劉鄧:早兩次去長野睇馬騮嗰次咪無買囉,後悔到依家呀~

joeyee said...

大頭仔哥哥, 生日快樂啊!

the inner space said...

聖華倫泰日快樂!

瘋膏 said...

大頭兄, 你每次吃的甜品都好吸引我~

唔好爛尾, 加油~

ayclui said...

第六回出未呀?^^

largeheadboy said...

joeyee︰謝謝啊~

the inner space︰眨下眼情人節又過咗成個禮拜咁濟 lu~

瘋膏︰咁你自己有冇去食啲好野呀?
我會努力,希望有個好嘅結尾架喇!

ayclui︰第六回難產中呀~

小彭 said...

又話下一日好快... 去完一轉都未有啦... 等你D行家行程架嘛~

largeheadboy said...

小彭︰你係去金沢嘅我今晚就整篇出嚟畀你嘆~

Anonymous said...

thanks for share........