Tuesday, February 21, 2012

第六回︰金沢城、兼六園

金沢幾年前來過,當時只留了大半天,很多地方都沒有去。今次再訪,有一整天的活動時間,所以不但可以造訪當年錯過的,還有時間舊地重遊。


初嘗 Dormy Inn 的朝食,怎麼我又不覺得特別豐富呢?


金沢市的主要景點雖然不少,但總算叫做集中,很多都可以徒步到達。為了有更大自由度,不受巴士班次限制,這天決定只靠自己雙腳。當然,另一大的誘因是可以省下買一日巴士乘車券的 500 円。


從旅館出發,經過之後會去的近江町市場,大概半個小時就來到金沢城公園的大手門口。


上次來金沢的時候也是十二月,不過當時滿地白雪,天色非常灰暗,金沢城公園給我的感覺很蒼涼。今次再訪,雖然也是有點冷,但卻遇上好天氣。看着廣闊的新丸広場,令人覺得豁然開朗。


金沢城多年來飽歷滄桑,不少建築都是後來重建的。直到今天,復修工作還在不停進行。


這位在吃着東西的大叔,完全沒有察覺一群虎視眈眈的麻鷹不時急降到他的頭頂,企圖搶奪他的食物。過了好一會他才發現自己身處險境,然後匆匆離開,實在好驚險!


是條件反射還是什麼,遇見紅葉我又不由自主地拿出相機來。


從金沢城公園的石川口走出來,就是日本三大名園之一的兼六園


徽軫灯籠是兼六園最具代表性的景點,所以大家都不忘在這裏留下倩影,只是有幾個人一直站在最好的取景地點怎樣都不肯離開。啊,聽到了,原來是親切的香港同胞。


北陸地區常見為了防止積雪壓斷樹枝的樹掛出籠了,可是主角還沒有出場。要到了我們離開後兩天,金沢市才下了這個冬天第一場大雪。


金沢算是雨水比較多的地方,幸好這兩天只有在往返白川鄉的巴士上下過大雨,其餘大部分時間都陽光普照,實在要感謝天公造美,


雖然兼六園地方很大,要看的東西也很多,但我還是比較喜歡風格簡約一點的岡山後樂園。


看過古舊的東西,是時候轉轉口味看些現代的。金沢 21 世紀美術館就在兼六園的真弓坂口對面,過條馬路就到了。


大多數人來金沢 21 世紀美術館,都是為了一看阿根廷藝術家 Leandro Erlich 的游泳池。可惜這個時候飄來細雨,露天的游泳池要暫時關閉,那唯有先去看美術館其他展品吧。


美術館大部分展品都不可以拍照,所以當遇到容許拍照的,大家都會拍個不停。


雖然下着雨,但泳池下面還是可以進去的。看着雨水落在泳池上面,又是另一種味道。


哈哈,難怪唐先生那個二千幾呎的貯物室也要來一個類似的了~


上天實在很照顧我們,正要離開美術館的時候,雨終於停了,游泳池又重新開放,於是我連忙跑回游泳池下面。


金沢 21 世紀美術館的不遠處就是香林坊,是北陸地區規模最大的購物街,不過我們純粹路過。


在繁華的香林坊後面,是有點歷史的長町武家屋敷跡。這些從前藩主的住宅,很多都給好好保存下來。


用泥土築成外牆給稻草覆蓋起來,原來是為了防止積雪在融化時令牆壁的表面脫落。


好了好了,新的舊的都看過,是時候照顧人類的基本生存需要,也就即是吃了。

31 comments:

laulong said...

哈哈,那泳池,今天報紙也有介紹呀!

TY said...

以為會爛尾添.. 好野.. 仲有得睇..努力啊!!!

joeyee said...

睇得出啊, 不是趕收工的.

largeheadboy said...

laulong︰我都有睇到呀,所以我咪跟佢地踩多佢一腳囉 ^^

TY︰寫遊記我從來無諗過想佢爛尾架,奈何我實在太懶喇。呢日係第四日,已經完成咗一半架喇。

joeyee︰我又未有得飛,緊係慢慢嚟長寫長有喇~

ayclui said...

Dormy Inn的朝食, 怎麼我又不覺得特別豐富呢-->成枱都係食物仲話唔豐富?? 你試下東橫Inn果D丫, 仲少呀~

兼六園嘅藍天白雲好鬼靚呀~

the inner space said...

been there done that!

小彭 said...

um... 應該去多兩轉都未到我要去的地方... 你都係唔好住dormy inn喇, 同你相沖呀~

Jackson said...

徒步? 駛唔駛咁強呀? 好鬼遠喎.

你無見到有新的 100yen 巴士咩?

小妺 said...

行家即是行家呀吓!
好彩你有寫最尾果句o即, 睇了成大篇淨係見你食了個早餐。
我幾咁唔怪丫...又驚你餓親哦!

Cat said...

初嘗 Dormy Inn 的朝食,怎麼我又不覺得特別豐富呢?-------->咁多野食都唔豐富?你好高要求喎。

卡臣 said...

個泳池好抵死,好hit呀!

largeheadboy said...

ayclui︰可能聽得太多人讚期望太高,唔係特別豐富咋我覺得。住過青森嘅 hyper 酒店,個早餐就真係好得,加上房租都係六千幾咋。東橫 inn 無住好耐喇~ :p

the inner space︰金沢好好行,絕對可以再遊。下次如果再嚟金沢可能係去雨晴海岸睇立山連峰。

小彭︰就到白川鄉架喇,等埋我至好出發呀!
dormy inn 我要再住架,我想住稚內嗰間呀~

jackson︰我無做足功課唔知邊架 100 邊架 200,最甘喎鑊係由東街茶屋行返去車站,腳都斷呀。

小妹︰早餐我質咗成碗飯,頂得到一兩點架。喺美術館嗰陣都唔知幾想入去間餐廳食返個晏呀~

cat︰有時真係被寵壞咗,真係唔應該嫌三嫌四啊呵。依家如果有得食返嗰份早餐就好 lu~

卡臣︰早知我應該學佢瞓喺地下然後望住個水池喇,呵呵~

瘋膏 said...

金沢睇嚟真係一個好地方, 應該要去, 謝。
繼續出遊記呀~

Jackson said...

我就係一次夜晚由東街茶屋行返去香林坊, 行到想死....

第二朝都係唔好講笑, 坐的士, 點知只要 7xx yen.... 頂吖.....

lau2tang said...

如果我無記錯的話,好似有張巴士1-day pass,只係需要500yen。

largeheadboy said...

瘋膏︰下次去金沢喇咁,再去埋京都,你一定會鐘意架。
好,我會繼續寫落去架喇~

jackson︰哈哈,咁我行埋去車站,甘過你好多呀 ^^

劉鄧︰係呀,的確係 Y500 呀,不過我呢啲一萬幾千猶如糞土一個幾毫就死慳死抵~

maymay said...

美術館D野好好食架,我不知幾想食多次,典解唔食呀你?

ayclui said...

美術館D野好好食架 --> 係呀, 我到依家仲記得果件蛋糕係幾咁好味...

largeheadboy said...

maymay、ayclui︰當時正值中飯時間,美術館餐廳滿晒座,想坐靠落地玻璃嘅位又冇,再加上預咗之後去近江町市場開餐嘛。下次喇,實有機會嘅~

小彭 said...

唔係我唔想等你, 之但係飛機唔等我呀嘛~
即係你個城崎溫泉, 我都等咗兩年啦~

l.minor said...

原來個泳池就係呢度

你嘅腳骨力果然好勁,佩服佩服!

largeheadboy said...

小彭︰乜你唔係坐私人飛機嘅咩 :p
城崎其實寫咗架喇,係未再校正同埋整相囉,下次你再去我即刻整好畀你~

l.minor︰係呀,咁你要唔要去試下呢個喺地底嘅泳池呀?雖然就無人地咁豪~
咁我慳家嘛,好彩夜晚有得浸下,舒服晒~

ROY said...

爭左d野喎.......爭條皮帶呀!

兼六園有去過,但己經無晒印象...

largeheadboy said...

roy︰我無用皮帶一排喇,因為越來越緊囉......
咦,原來你都去過兼六園架,不愧為日遊專家呀前度~

紅米奇 said...

好好腳骨力呢, 呢篇加入泳池論好正, 即笑 ^^^

Ball said...

入泳池底收費嗎?之前去過職員說收費的,白行了一趟...

largeheadboy said...

紅米奇︰兩個人慳返 1,000 円喎,幾大都行下喇~
咁我要多謝豬先生啊~

ball︰應該要入場費才可以去泳池底,因為順着看過美術館的展品後最後就會到泳池底,不過泳池上面就好像不用錢。下次再去過喇~

naruto said...

500日圓搭一日,咪慳啦

largeheadboy said...

naruto︰500 円食到一餐松屋仲有得加蛋加沙律架喇,慳啲喇~

佛爺 said...

地方十分整潔和美麗,為何沒有遊人呢?

largeheadboy said...

佛爺︰雖然一定唔會好似香港咁多人,金沢其實都好多觀光客架,咁影相當然就盡量避晒佢地喇~