Tuesday, February 28, 2012

第七回︰近江町市場、東茶屋街

遊金沢,除了要到兼六園、金沢城公園、金沢 21 世紀美術館增添一下自己的文化修養,當然也要到有二百多年歷史有金沢市民の台所之稱的近江町市場,去吃很浮誇的魚生飯,為自己囤積多一些脂肪多一些膽固醇。


這天是星期三剛好很多食店都例休,再加上正常午飯時間已過,市場顯得有點冷清。


在選擇有限的情況下,我們走進了門外的餐牌已經非常誘人的井ノ弥


這一刻店內除了我們就只有另外兩名食客,看來離打烊的時候應該不遠,得快快點菜。


我們點的上ちらし近江町(特盛)和ちらし近江町(特盛),不同款式厚厚的魚生片鋪滿飯面,單是賣相已經滿分了。


獨享這個加上金箔的魚生飯,實在感到有點奢侈。


吃飽了,又有體力四處逛。市場內發現兩盒才賣 450 円的草莓,當然第一時間就給我們掃走。


到了這個時候,金沢要逛的地方大部分都已逛過,只剩下距離有一丁點兒遠的東茶屋街。沒有理由現在才坐車過去吧,唯有繼續乖乖做行家好了。


這頭秋田犬也真有個性,跟牠拍照但牠完全沒有望鏡頭啊!


邊走邊看,不到半個鐘頭就來到東茶屋街。


東茶屋街從前滿是藝伎常會出沒的娛樂場所,現在當然不會碰到藝伎了,但那些建築卻保留下來。


迷路嗎?要找個帥哥幫忙嗎?


我覺得東茶屋街在日落後天還沒有黑透的 magic hour 時最是美麗。昏黃的燈光影照着江戶時代的木造建築,彷彿令人回到那個風花雪月的日子。


在這個環境下,正在趕路的 salaryman 也顯得份外風塵僕僕。


入夜後氣溫低了不少,離開東茶屋街後,又要迎着冷風繼續上路。


想不到金沢也有很像樣的黑膠唱片店。


又花了大半個鐘頭,終於回到金沢站。在等過馬路時無聊拿出相機按下快門,連續拍出兩張失焦的照片。


那一刻準是又凍又累吧!正常時拍出來應該是這個樣子的。


由於這天很晚才吃中飯,到了這個時候還不算太餓,加上在車站旁的商場來來回回也找不到特別想吃的,最後在金沢有多家分店的 Maple House 看到奶油泡芙正在進行促銷,就買了兩個,然後又買了用米粉做的栗子黑豆卷。


回到房間即時就把泡芙吃掉,發覺非常美味,於是連忙走回店子多買六個。店員見到我們又來捧場,也對我們報以微笑。


洗過衣服浸過風呂再吃過無料拉麵,回到房間又有甜美的草莓等着我們,這天的糖分攝取量一定大大超標了。

21 comments:

紅米奇 said...

帥哥應該主動點問人有咩幫手嘛, 可能晚餐多位卡娃兒陪你食免費拉麵和士多啤梨呢 :P

maymay said...

呢隻秋田犬好乖,我都同佢影過相架~

八個泡芙,一條黑豆卷,好驚驚~@@

卡臣 said...

碟刺身睇到我口水流

naruto said...

睇完你食咁多,覺得我真係好好好好好好好慳囉

largeheadboy said...

紅米奇︰卡娃兒可能約咗位真正帥哥,我呢啲次一級嘅都係唔好壞佢大事喇~

maymay︰咁啱,你都係行去東茶屋街架?:p
佢唔單只冇望鏡頭,連眼尾都冇望過我一眼呀。
呢啲晚飯嚟架喇,不過條黑豆卷食唔晒,之後帶埋佢遊白川鄉~

卡臣︰跟本係無從入手添呀,搵唔到啲飯啊!

naruto︰我好慳架,唔搭車行足成日至慳到錢夠買黑豆卷食刺身咋 ^^

l.minor said...

再買咗六個!? 第二日重有冇再encore呀?

supageti said...

甜死你呀 ~~~

Cat said...

蒙查查果兩張好似飲醉酒咁。
以為你會入去茶屋飲茶添。
個無料拉麵係咪酒店包埋架?

largeheadboy said...

l.minor︰第二日的確嘗試 encore,喺換車嘅十分鐘時間去買,點知前面幾個歐巴桑慢慢揀搞好耐,最後為咗趕車就咁樣空手走咗,嗚~~

意粉︰返到嚟香港啱啱有機會抽血驗血糖,好彩仲未超標~

cat︰有入到去變咗精品店嘅茶屋兜咗個圈架都。
係呀,酒店準時九點半就有免費拉麵,大家都好準時等開餐呀~ :p

L L said...

那狗很有個性啊!

largeheadboy said...

laulong︰我就無佢咁有性格喇,呵呵~

ROY said...

嘩!個晚餐我真係吃不消......

瘋膏 said...

"為自己囤積多一些脂肪多一些膽固醇" => (笑咗)大頭兄, 你果然為過寒冬做好準備。

嗰魚生飯超正呀!!!!! 我好後悔喺東京冇食呀!!!

largeheadboy said...

roy︰其實食咁多甜野真係好寡好似唔係好爽咁,所以之後咪去食碗麵囉~

瘋膏︰弊在啲脂肪仲囤積喺身體散唔走,嚟緊夏天都唔知點算~
你都有食小圓餅吖,不過無食下魚生飯又好似爭咗啲啲咁。

小彭 said...

太膚淺啦你個海鮮丼! ^^

小頭 said...

想當年去近江町市場,我也是去井ノ弥阿,我吃的是海膽飯。已經是 2007 年的旅程了!

largeheadboy said...

小彭︰我嫌個海鮮丼唔夠膚淺襯唔起我添呀~

小頭︰咁啱,等我得閒摷返你個遊記懷緬一下先~

韻味熊貓 said...

無料拉麵,「無料」是什麼意思呢?

largeheadboy said...

佛爺︰無料即係免費嘅意思,啱晒我呢啲貪小便宜嘅人~ :p

韻味熊貓 said...

謝謝你的解釋!

不過咁,免費?點經營?有無附帶條件呢?

largeheadboy said...

佛爺︰其實碗無料宵夜拉麵係酒店嘅服務之一,你嚟住就有得食囉,呢個世界邊係有真正免費架,羊毛出在羊身上啊~