Tuesday, March 20, 2012

第九回︰加賀溫泉へ

之前有點擔心從白川鄉坐巴士回到金沢後,是否可以趕上五分鐘後就開出的電車,不過事實證明擔心有點多餘,因為車程基本上都預鬆動了,結果我們比原定時間早了接近十分鐘回到金沢。

話雖如此,巴士一到站我們還是即時跑下車,害司機大叔要把我們喝回來,原來他要收回我們的車票。(謎之聲︰怎樣司機大叔在我們上車查票時不索性把車票收回呢?)


每次到日本旅行,盡可能都要住一趟溫泉旅館,除了要享受一下溫泉樂之外,也想吃頓豐富的晚餐。這次的選擇是離金沢不太遠的加賀溫泉鄉


加賀的日文是かが,唸作 kaga,發音跟快要來香港開演唱會的歌手 Lady Gaga レディー・カカ有點接近。於是當地的觀光協會想出一個點子,就是找來溫泉鄉內不同旅館的職員化身成為 Lady Kaga レディー・カガ,齊齊為當地的旅遊業出一分力。


除了海報之外,人家還設有官方網站,甚至連 video 也拍了,短時間內已經紅遍整個日本,聽說我們的 tbb 新聞早前也有報道。


加賀溫泉鄉又由幾個溫泉區組成,包括粟津溫泉、山代溫泉、片山津溫泉和這晚我們投宿的山中溫泉。咦,怎樣我們來到時沒有 Lady Kaga 迎接我們呢?


我們入住的吉祥やまなか提供定時往返加賀溫泉駅的接送服務。我們坐上四點鐘的車,雖然訂房的時候為了行程鬆動一點預約了五點鐘的車。


經過大約二十分鐘車程,就來到山中溫泉的吉祥やまなか。


比我還要帥的帥哥先讓我們在大堂安頓下來,然後很努力用英文和日文跟我們介紹旅館的各項設施。


我們選擇山側的房間,房租比面向鶴仙溪的便宜了二千円。其實四五點太陽下山後窗外面已經是漆黑一片,有沒有河景根本沒有什麼分別。


房間比想像中大,只是感覺有點陳舊。


臨近聖誕,旅館還很有心思放了聖誕樹在一角。為了響應節電,我們拍過照後就把聖誕樹的電線拔掉。


事不宜遲,換過衣服後就即時去浸一趟溫泉。這個時候天已經黑透,露天風呂外面的風景是什麼模樣完全都不知道。如果早一點來,看到的應該是這個樣子。


之前說過不想太晚來到旅館,其中一個原因就是要爭取時間享用六點前在大堂提供的無料啤酒和小吃。浸過溫泉後來一杯冰凍啤酒,實在是一生一大樂事。


大堂還有免費的茶和咖啡,喝過啤酒後我們又不怕蝕底地再來一杯熱咖啡。


晚飯的地方是二樓的食事處べにはな,我們選擇的住宿方案除了提供加賀懐石,還可享用加賀の台所的食物。


加賀懐石顧名思義就是一般的懐石料理,吃過這些已經飽了一半。


之後職員給我們送上一碟天婦羅,有蟹腳、目鱚、加賀蓮藕和這裏的名物五郎島金時,然後着我們隨便享用加賀の台所的食物。


加賀の台所除了有上面各種即叫即製的天婦羅之外,還有蟹腳、蟹肉沙律、蟹腳茶碗蒸等美食,可以不斷追加,那我們就不客氣了。


老實說,不停地拆蟹是挺累的一件事。


吃飽了,如果有些歌舞表現看就好了!旅館似乎知道我的心意,晚飯後在大堂安排了舞唄の夕べ這項已經列入加賀市指定無形民俗文化財的表演。


這位跳舞的女子,原來也在 Lady Kaga 的海報和 video 中亮相。


旅館還有三個貸切風呂,之前帥哥已為我們預約了竹雀這個風呂。


逛過土產店,發覺有無料的按摩椅放在一角,於是我們躺下去按了差不多一個鐘頭。


回到房間,溫暖的布團已經準備好了。

22 comments:

ayclui said...

大頭: 抵讚~即刻有新o野睇~
我都有謎之聲: 1)吉祥やまなか果碗係咩o黎o架? 2) 晚飯前又啤酒小食又咖啡, 唔怕影響食力咩? 3)懐石料理食得飽咩? 睇得幾認真丫我~

jokelib said...

謎之聲, 一向都係要落車先收....

卡臣 said...

Lady Kaga <--日本人也玩食字,哈哈

Cat said...

哈哈!好搞笑,又話人地間房殘舊。
但係張被好正,一定好舒服!

largeheadboy said...

ayclui︰1)嗰杯係迎賓有金箔嘅梅茶,鹹鹹地,唔係好接受到;2)幾粒花生幾杯野之嘛,影響有限啊;3)唔記得最後有無飯,好似無,可能爭咗啲澱粉質咁囉,飽架,不過唔係飽到上心口嗰隻囉。
謝謝細閱~

jackson︰但係去程上車嗰陣就即刻收咗張飛喎~

卡臣︰日本人玩食字都玩得好出神入化,同你有得揮架!

cat︰係我奄尖啫。跟住返到東京住咗間新開嘅,乜都好新淨,無再嫌三嫌四喇~ :p
張被的確好舒服,不過係重咗啲(又嫌人地添)~

l.minor said...

我都覺得浸完溫泉之後飲杯啤酒係一生一大樂事

懷石料理都會食得飽x2?

lau2tang said...

山中溫泉個賣點就係對住條鶴仙溪浸溫泉,你地竟然入黑先到!真係......

ROY said...

間旅館d野食幾正咁喎~

lady kaga......真係佩服日本人既惡搞

joeyee said...

找仍然覺得帥哥入住係為左個混浴溫泉囉!

largeheadboy said...

l.minor︰最緊要係杯啤酒係唔駛錢 ^^
飽架,尤其係我唔係好大食之嘛~

劉鄧︰無計喇,冬天四點幾五點就日落嘛,咁所以第二朝天都未光咪走咗去鶴仙溪晨運囉,然後都有對住條河浸多陣先 check out~

roy︰呢餐都 ok 架,不過好似寡咗少少咁囉。lady kaga 個 video 又拍得正喎,日本仔真係唔可以唔服佢地。

joeyee︰無混浴喎真係,唔通我睇漏眼,抑或同我一齊浸嗰個係阿嬋?

naruto said...

我去呢隻旅館就聽食杯麵都得啦

largeheadboy said...

naruto︰下次同你去吖,你畀晒啲魚生呀海鮮呀我,你就繼續食杯麵 ^^

韻味熊貓 said...

日本浸溫泉,係咪要剝光豬架?咁同個阿嬋一齊浸,唔係蝕底哂?

溫泉係室外,冬天剝光豬,然後跳落溫泉水度,豈不是忽冷忽熱?跟住仲飲凍啤酒添!

TY said...

哇..可以不停追加蟹腳...好岩我呀!!!!!

瘋膏 said...

嘩, 好正呀~
雖然冇咩景色睇, 但浸吓食吓又一晚, 好relax~

你竹雀風呂,2個人浸? 限時一個鐘?

largeheadboy said...

佛爺︰係呀,要除清光架,不過當其時好黑,唔係睇得太清楚,應該無乜點蝕底~
如果冬天浸露天浸泉,落水之前嗰下真係會牙關打震架。

TY︰都啱晒我呢啲放題怪!

瘋膏︰所以我又好想去日本浸溫泉喇!
之後睇返,原來貸切風呂係浸 45 分鐘,我地以為半個鐘,所以搞到有啲趕。唔一定兩個人浸架,你十個人都得,如果逼得落去嘅話~

小彭 said...

無料啤酒, 無料的按摩椅, 正呀, 好鐘意啊!

韻味熊貓 said...

為何可以男女一同剝光豬浸溫泉?簡直神奇?

maymay said...

咁同個阿嬋一齊浸,唔係蝕底哂?>>>好明顯,蝕底果個係阿嬋啦~~^O^

largeheadboy said...

小彭︰下次我要試埋無料牛奶、無料雪條同埋無料有叉燒嘅拉麵~

佛爺︰有架,日本真係乜都有架,你得閒就走一轉喇~ :p

maymay︰阿嬋有乜世面未見過吖,點都係我蝕底啲。

韻味熊貓 said...

largeheadboy:

我要考慮一下你的提議,要我剝光豬同個阿嬋一齊浸溫泉,我怕羞呀!

largeheadboy said...

佛爺︰阿嬋都唔怕你更加無有怕喇,況且又無乜野唔見得光~ :p