Wednesday, March 28, 2012

第十回︰山中溫泉

加賀溫泉鄉有多個溫泉區,選擇山中溫泉除了是想住進吉祥やまなか,當然也被附近的風光吸引。昨天來到旅館的時候已經開始天黑,所以這天決定早點起床到外面走走,否則千里迢迢來到這裏住一個晚上就離開,但旅館周邊是什麼模樣完全不知道就有點浪費了。


鶴仙溪遊步道的起點就在旅館不遠處,就在大清早來個晨運吧!


一直以為俳句大師松尾芭蕉的足跡只遍及日本的東北地區,沒想到原來當年他也曾路過這裏,還在山中溫泉住了八個晚上。換句話說,鶴仙溪遊步道也屬於奧之細道的一部分。這個山中芭蕉堂就是為了紀念他而建的。


大抵是時間實在太早,而且天氣也很冷,大家不是還躲在被窩就是正在吃早飯,遊步道上沒有其他人,十分寧靜。


走着走着,忽然下起大雨來,但怎麼樣不覺得衣服濕了呢?看清楚,灑下來的原來是很細小的冰雹。


幸好冰雹很快就停了,我們又可以繼續沿着河邊的小路前進。


地上滿是積得厚厚的落葉,加上雨水的滋潤,走在上面軟軟綿綿的,很舒服。


為了接駁上之後到彥根的電車,這天必須要十點鐘就離開旅館,加上要再浸一浸溫泉,所以不可以太晚返回旅館吃早飯。走到這條橫跨鶴仙溪呈S型的あやとり橋,我們就折返。


あやとり橋雖然沒有什麼歷史,但那彎曲的橋身已經令它成為山中溫泉的另一名所。


實在太早了!看,我的臉、我的眼、我的嘴巴,甚至我的上身都太腫脹了!


本來也想去的鶴仙溪川床就只有在あやとり橋上遠觀。


如果早兩個禮拜來,我們應該會遇上這裏最美麗的時候。


早飯的選擇不算特別多,只要有一碗熱飯再加上一隻雞蛋我就心滿意足了。


有現烤的燒魚,當然要吃過一條又一條。


吉祥やまなか有兩個大風呂,昨天浸過白鷺の湯,現在輪到菊の湯。


菊の湯是半露天風呂,景觀應該沒有白鷺の湯開揚。不過這一刻一面浸在熱湯一面欣賞外面紅紅黃黃的景色,什麼都不打緊了。


旅館還有小小的足湯,不過我們沒有時間享用。當然,有時間的話我寧願到大風呂那邊再浸過夠。


旅館沒有用紅地毯歡送我們,反而零零碎碎的落葉更得我心。

24 comments:

Cat said...

嘩!見到真人啦!睇比例又唔覺個頭好大啫!

第五張個環境好靚呀,好似世外桃源咁。

紅米奇 said...

行山好健康呢, 莫非山中溫泉有獨特之處, 而另大頭哥現身, 咁呢篇要睇多2次先 :P

Jackson said...

嘩嘩嘩嘩嘩!

largeheadboy said...

cat︰其實我之前都有露過面架!不過有啲野唔可以信表面,我真係唔係好合比例架~
嗰陣時啱啱天光,周圍好靜,成個世界就好似得返我地咁,好正。更正嘅係之後有早餐食。

紅米奇︰我見呢排我呢度人流稀疏,咪諗住搏一搏犧牲一下美色谷下收視咁囉,多謝晒呀!

jackson︰嘩嘩嘩,有乜咁大驚小怪,未見過x仔咩?

l.minor said...

你呢篇d相好多都影得好靚呀!有幾張要貼堂果隻呀!

大頭哥你又再出鏡

紅米奇 said...

咁呢個樣發咗Chok功未呀, 個頭微微向下, 比多2錢眼神, 可能仲Chok, 人流再現高峰, 信我, Chok者得救

largeheadboy said...

l.minor︰嘩,tum 得我真係開心呀你!好,整多一篇又有我出鏡嘅醒下你。嗰陣時着住嗰件衫依家應該唔啱着~
http://largeheadboy.blogspot.com/2009/06/blog-post_22.html

largeheadboy said...

紅米奇︰唔係講笑,真係有啲勁 chok 碌架,不過費事搞到呢度太多人逼入嚟好似上個禮拜上唔到 hku 個 popvote 個網咁喇 :p

卡臣 said...

終於見到真身啦!哈哈!掂呀!

我誤會題目是「中山溫泉」

naruto said...

你每篇都放一張自己嘅相,相信呢個blog嘅觀賞人數同留言都會大增呀

ps:呢個旅程仲有幾篇呢?

TY said...

哇哈哈!大頭先生都唔係咁大個頭者!
繼續寫埋餘下既遊記呀!努力!

largeheadboy said...

卡臣︰真係掂?^^
突然間返咗去大陸,你話中日幾友好哩~

naruto︰真係呀,大家幾踴躍,好耐未試過咁熱鬧喇呢度。
呢次去咗八日,依家去到第六日,應該就埋尾架喇!

TY︰頭大想頭仲大囉~
跟住開始返東京,無乜特別野,希望唔會爛喇今次。

laulong said...

真係大頭哥,聪明仔 :)

l.minor said...

為咗件衫,要減番佢

ayclui said...

大頭: 好o野又有遊記睇~ 仲有兩日, 比心機寫埋佢唔好爛尾啦~

酒店嘅早飯好似係自助餐喎, 啱哂你啦~

largeheadboy said...

laulong︰乜睇我個樣就覺得我好聰明呀?咁又啱喎~

l.minor︰咁嘅話要下好大決心喎!不過夏天到,點都要盡下人事減一減。

ayclui︰特登趕埋畀你睇架呢篇!你要去埋我無去嘅地方,例如蟋蟀橋呀~
係呀,仲出咗去攞野食好多轉呀!:p

佛爺 said...

那兒是否北海道?秋天也見你穿羽絨。

小彭 said...

查實呢日你即係幾多點起身呢?

largeheadboy said...

佛爺︰呢度無北海道咁北,不過近日本海食正西伯利亞呀中國大陸呀吹過嚟啲冷空氣,十二月已經幾凍架喇。

小彭︰六點幾就起身喇,晨完運八點返到去食早餐,之後趕去浸多轉,十點鐘坐車走人。

佛爺 said...

冷空氣經過海洋,沾上了海水,咁就會好潮濕,更加覺得凍,係咪?

ROY said...

條橋好似同個環境唔係好夾咁喎,仲有無啦啦起成"S"型?

largeheadboy said...

佛爺︰應該係卦,所以呢頭不嬲都係日本好大雪嘅地方。你嘅地理知識都唔錯喎 :p

roy︰再行遠啲有條用檜木造嘅蟋蟀橋,嗰條就古舊好多喇。其實呢條橋好型仔架,喺下面睇好似成條飛龍咁架~

佛爺 said...

largeheadboy:

我孩提時代,家裡的寫字檯貼著一張世界地圖,所以小學時已經認識大部份國家的位置,和知道時區與經緯線等。

largeheadboy said...

佛爺︰好厲害啊!我細過都鍾意睇地圖,之後大個啲開始會買書,首先都係中國地圖,然後就世界地圖。依家好多人對一般地理知識都好貧乏啊~