Tuesday, May 08, 2012

第九章︰黄金崎不老不死温泉

去年三月發生東日本大地震前,已經訂妥機票又在訂房網站預訂好黄金崎不老不死温泉的住宿,一心想在遊過五能線後就來到這邊一面泡着溫泉一面看夕陽。地震發生後,機票取消了,沒多久後連住宿預約也一併取消。


到了五月,地震過後的混亂情況看似紓緩了不少,幅射的威脅也好像沒有先前估計的嚴重,航空公司開始推出特價的東京機票。機票不用一千元,試問誰又能夠抵擋得住引誘?最後訂了原本計劃出發的那個星期的機票。至於到哪裏去?就繼續圓三月時的夢吧!


這天走過五能線上的多個地方,接近五點鐘坐 Resort 白神號來到 WeSPa 椿山駅,然後接上不老不死温泉的送迎巴士。


終於,終於來到不老不死温泉了!


有人說這邊的交通不太方便,但可能我們這次不算是專程來浸過溫泉就走,還有在附近地方玩,所以又不覺得這裏特別隔涉。


能說得一口流麗英文的服務生小姐引領我們到房間,然後跟我們預約晚飯時間。這天太陽在 7:15 下山,我們就說想看過日落才吃飯,所以就提議八點鐘。不過服務生小姐說八點鐘太晚,唯有改為七點半。


時間尚早,浸湯之前先到旅館周邊走一走,了解一下周遭的環境。看來不少人都是開車過來。


走上旅館外面的小山丘,原來可以遠眺整個露天風呂,可謂一覽無遺。左邊的是混浴,右邊被石牆隔開的就是男生止步的女湯。各位女士又或者各位男士,千萬要慎防有人偷窺呀!


回到房間休息一會,六點多就帶齊裝備出發到露天風呂去。


在大浴場沖洗過後再穿回浴衣,走一小段路就是露天風呂。我想大概沒有人會忘記穿回浴衣,裸着身體走到露天風呂吧!


這個時候混浴那邊已經有幾個大叔在欣賞着夕陽。


露天風呂明文規定禁止攝影,初時我也不敢太過放肆,只有很克制地拍過幾張日落的照片就把相機收回,當然也不會把鏡頭對着其他人。不過,之後看到有人大刺刺地拿出相機拍過不停,我就有樣學樣了。


走了不知幾多公里,就是為了這個日落。


泥黃色的泉水,據說含有豐富鐵質,難怪雪白的浴巾放進水裏去只一會兒就給染得黃黃的,怎樣洗也洗不掉。


這個很可愛的女孩和爸爸一齊來到混浴這邊,女孩當然不會感到有什麼,只是我們幾個大男人反而有點不自然。


大家一齊靜待太陽沉進日本海。


日落看得多了,不過一絲不掛的看應該還是第一次。


太陽消失在水平線後,其他人陸陸續續離開,大概都是趕去吃晚飯了。


又來到賣肉的時候。


大抵是恐防有人摸不到溫泉走到大海裏被海浪捲走吧,露天風呂日落後就會關閉不再讓人使用,要浸湯的話就只有到室內的大浴場去。


浸溫泉時沒有帶手表當然不會知道時間,猜想到達夕食的會場應該比預約好的時間晚了一點,但是沒理由就因此取消了我們的晚飯啊!一問之下,原來我們改在向海的大廳進餐。


いただきます!


這個時候電腦應該在前往東京的宅急便途中,沒有電腦這晚就早一點睡吧!

26 comments:

小彭 said...

嘩, 肉照呀!

largeheadboy said...

小彭︰都有啲睇頭啊呵 ^^

Jackson said...

上次去浸, 日本人個個攞手機出嚟狂影..... 我好無奈要浸到差啲中暑.... 因為好多女士衝入嚟......

Wendy said...

上次去浸, 有個日本嬸嬸楂住長鏡走入嚟影添呀..

紅米奇 said...

得膊頭咋, 應該學下籮霸嘛...呵呵呵
你就好, 咁少人浸, 我果次大混戰一樣, 我唯有去女湯果邊, D嬸嬸仲對我好好, 比乾毛巾我抹鏡頭TIM :P

卡臣 said...

唔該裸多啲

largeheadboy said...

Jackson︰開 party 咁喎,我呢次大家都好克制,全部都好專心睇日落,係得一個阿叔同埋我狂影咋。
係中暑定流鼻血呀?女仔浸混浴係咪可以用大毛巾架?

wendy︰好耐無見!
長鏡咁誇張?有冇帶埋腳架呀?

紅米奇︰我驚露籮會反光光得濟見唔到個太陽嘛 :p
你冬天浸所以係咪會多啲人呢?我呢轉女湯嗰邊人丁仲單薄,啲人都唔知去晒邊~

卡臣兄︰你啲口味唔單只重仲好奇突喎 ^^

Jackson said...

留意我係寫"女士"... 係一班阿嬋入嚟, 個個一句 すみません 就影個湯+人, 完全唔理人的感受, 我無奈在 33度高溫 42度熱湯下浸到頸..... 唔中暑就奇!

佛爺 said...

什麼叫風呂?

男士比女士偷窺,是奉旨架!嘻嘻!

lau2tang said...

唔知8月會係幾點鐘先日落呢?
混浴,係咪可以圍毛巾架?

Jackson said...

lau2tang,

http://www.sunrisesunsetmap.com/ssmap/year.php?lat=40.614343371074085&lon=139.86230850219727&tz=Asia/Tokyo&year=2012

TY said...

呢個景都幾吸引喎....
咁淨女士果邊係咪都係呢個景?!

naruto said...

金魚佬又偷拍妹妹,今次仲要裸果隻

其實D水係咪你賴野攪到啡色咋?所以果張相得番你一個,其他人包括妹妹掩鼻狂奔走哂

ROY said...

依個正呀跟~~
其實咁影相部相機用乜易整濕晒?

lau2tang said...

Jackson,
唔該晒!
我去嗰日未夠七點就天黑,真好!浸完就可以食飯。

joeyee said...

個日落湯好靚,
好有幸福的感覺.
正!

largeheadboy said...

Jackson︰哈哈,咁密實,好搞笑呀!其實駛乜理啲阿嬋啫,起身上水無有怕呀 ^^

佛爺︰根據 wiki,風呂即係 bathtub 喎~
男女平等架嘛應該,無理由我地男仔要畀女仔裝架嘛!

劉鄧︰我見過話女仔係可以圍毛巾去混浴架~

jackson︰厲害呀,咁都畀你搵到!原來當其時四點幾就日出,大早就早啲起身去玩喇 :p

TY︰女仔嗰邊應該差唔幾,係一道牆之隔之嘛。

naruto︰係妹妹自己走埋嚟金魚叔叔度咋~
賴野咁正?可以敷埋面做 mask 喎!

roy︰實有小小整濕部相機架,起碼對手一定濕,要小心啲囉,我反而驚跌咗部機落水咋~

劉鄧︰咁你訂咗房喇?記得 download 北東北旅遊卡,房租有九折架!

joeyee︰係呀,日落睇咗一個就少咗一個架喇,所以要好好珍惜眼前嘅~

Jackson said...

其實我每次住到海邊的旅館, 都會根據地點去搵定當日的日落日出時間先.

好準的

lau2tang said...

一早上官網訂咗啦!
係咩?北東北旅遊咭有九折咁筍?
咁我一定要記住呢樣咁重要ge嘢囉~

largeheadboy said...

Jackson︰都係喎!下次我又試下咁先~

劉鄧︰點解唔去 jalan book?官網平啲咩?
不過北東北旅遊卡個網頁好似好耐無更新過,唔知優惠仲有冇效,不過即管 print 定先囉~

ayclui said...

我o黎啦~
大頭你張肉照都唔係好肉啫~
個夕食好似唔太飽喎?

Cat said...

肉照唔夠肉呀!

largeheadboy said...

ayclui︰咁你仲想睇乜?即管出聲 ^^
應該飽架呢餐,因為我食得好滿意無乜投訴囉~

cat︰女仔人家矜持啲好喎 :p

lau2tang said...

我訂的時候,Jalan矢未有得訂!
官網仲貴少少添!不過唔改囉,因為Jalan嗰日無房。

supageti said...

浸左係咪真係不老不死嫁?

largeheadboy said...

劉鄧︰你去啲日子應該好旺,睇怕 jalan 都未必有房吉返出嚟~

意粉︰你等多三五七年我再話你知喇~