Sunday, May 13, 2012

小裝修

我的家,很久沒有收拾得這樣乾淨了。


不是轉性,而是繼兩年前大裝修後現在需要來一次小裝修。

埋在牆裏的水管滲水,令到牆身發霉發黑;大門裝得不穩固,隨時有倒下來壓死住客的危險;廁所的趟門趟得很不暢順,關上了住客就有可能被困在廁所叫天不應叫地不聞。除了這些問題,也想乘機修修改改一些東西,令這個窩居感覺舒適一點。整個工程,師傅說應該十天就可以搞好。


這次不會租住劏房,只會回到娘家小住幾天。早幾天跟娘親說下個星期會回來暫住,從她的表情我知道她很高興。

為了這次小裝修,打消了五月外遊的念頭。不過錯有錯着,這個月公司突然殺出一件既艱巨又趕急的工作要處理,買了機票恐怕也很大機會要被迫取消行程。

小裝修明天就要開工,一眾親愛的鄰居,這十天又要騷擾你們了!

25 comments:

supageti said...

陪陪媽媽也是好事。

祝一切順利。

紅米奇 said...

裝修大吉, 即十日完工後又可以有藉口食餐入伙酒, 又可以大擦一餐啦

naruto said...

咁邪,我又係27樓喎

largeheadboy said...

意粉︰希望呢幾日忍下啖氣唔好同娘親頂咀激親佢喇,始終我寄人籬下嘛~

紅米奇︰咦,係喎,完全無諗過又可以搞入伙酒喎,我剩係諗住過埋呢個五月睇下六月有冇機會走一轉日本咋 ^^

naruto︰有幾邪?阿 peter、paul、mary 同埋好多好多人都係住 27 樓喇~

Cat said...

又有住家飯食啦!

the inner space said...

27樓但無分ABC座
是一單位高樓
沒有左右鄰居
景色一定絕佳

largeheadboy said...

cat︰老實說,我娘親嘅住家飯好唔得,我寧願出去食或者加料囉~

the inner space︰我都想住晒成層呀!我地呢度唔知係保障私隱定係乜,唔會寫埋邊個單位裝修,咁呢幾日啲鄰居應該估究竟邊伙人咁克人憎搞裝修。

lau2tang said...

大頭,
十日啫!畀的忍耐力啦!

l.minor said...

我屋企都有d小工程,最後自己攪到一榻糊塗

佛爺 said...

你屋企好整潔喎!

ayclui said...

之前個師傅手藝麻麻? 住兩年後牆裏的水管就滲水? 門框又爛埋...你今次唔係又叫同一個師傅呀化?

galaxy said...

兩年就要重修 ?!
係咪之前的裝修有問題 ?

largeheadboy said...

劉鄧:我會架喇!頭先返去睇咗今日師傅做過啲乜,剷哂牆同扑埋個企缸,拆野固然快,希望之後都係咁快就好 lu~

l.minor: 自己搞好有難度喎!咁依家搞好哂未?

佛爺:要清場比師傅開工嘛,平時我屋企同垃圾堆無乜分別架!

ayclui: 表面睇 ok, 但係認真睇就見到啲手工好差囉。之前個師傅搵唔返喇,搵到都唔搵佢整喇~

galaxy: 之前啲手工差到冇朋友,講起都一殼眼淚呀!當時趕住返嚟住好多野都焗住收貨,但係依家漏埋水就真係要執好佢

TY said...

唉。。。我都飽受漏水之苦。。。
不過你十日好快者。。。眨下眼就過啦!

largeheadboy said...

TY︰漏水好長手尾,幾煩都要搞架(識得話人唔識話自己,我都拖左成年喇)~
眨下眼,過左一日喇!

卡臣 said...

回娘家也不錯啊! 珍惜一吓

laulong said...

陪陪伯母,伯母更開心!

Ellen老師 said...

你屋企都好多大櫃喎....獨居老人有無咁多野放呀!

largeheadboy said...

卡臣︰不過我呢幾日早出晚歸,都唔係好見到佢~

laulong︰始終有人陪,多個人喺度會好啲,我明白嘅~

老師︰咁至奇怪,個個都放滿晒野個喎!

小彭 said...

d櫃打開係咪全部都係報紙膠袋鐵罐個d呀!

我一直都逃避緊裝修, 不過最近都要換緊d家俬同電器, 肉都赤晒!

Ellen老師 said...

個個都放滿晒過期野囉....

largeheadboy said...

小彭︰櫃入面住咗鬆弛熊成棚熊呀
有啲野無得避點都要面對。或者咁諗,換傢私電器有得簽卡賺分,我都想問下裝修師傅收唔收卡~

老師︰過期野搵極都有清極都清唔晒~

the inner space said...

十天已過還未見新文,
Delay delay 延誤,
裝修師傅臨尾至講數,
是很常見的議價技巧,
是絕對絕對不能姑息,
希望大頭兄早日歸位!

ayclui said...

係啦, 收咗貨未呢?

largeheadboy said...

the inner space、ayclui︰謝謝關心,上個禮拜四已經返咗去瞓,係仲爭少少手尾要整埋佢咁囉~