Thursday, January 10, 2013

20121229︰名古屋到着

十二月初才從日本回來,心想下次再遊東瀛應該起碼是半年後的事。

可累積的假期快要到頂,趕快申請在聖誕前後多放幾天,因為之後應該有一段日子不太方便放假。

然後當我靜心等候悠長的聖誕假期來臨之際,卻令人措手不及地殺出了非常優惠名古屋機票,出發的日子還好像衝着我而來,橫跨新年,跟我的假期更可說是配合得天衣無縫。與其留在香港跟強國人四處擠,倒不如飛到日本過新年。結果,這趟年末年始之旅就在毫無先兆之下啟動了。



買了機票後隨即着手計劃行程和預訂住宿,有想過到三重県的賢島,不過團長說那裏比較沉悶。也有想過到京都敲鐘送舊近新,不過京都的旅館大都一早已經爆滿。事實上,離出發日子只有個多星期,基本上哪裏還有住宿就決定我到哪裏去。


經過一番搜尋和研究,目的地最後決定為離名古屋不算太遠岐阜県的高山和奧飛驒,除了那裏還有價格尚算合理的住宿之外,那一頭我曾經去過,功課不用做那麼多,這對於預備時間不多的我來說非常重要。當然,美味的飛驒牛和下着雪泡露天風呂也令我決意再闖高山。


出發那天的早上,手機傳來短訊,告知航班會延遲大約四十分鐘,不過我沒有因此而遲了出門,因為我可以有更多時間享用這碗魚蛋粉。


飛機最後比原定的時間十點半晚了一個鐘頭才起飛,幸好一切順利,三個鐘頭左右後就降落中部國際空港,我們還趕得上五點前開往名古屋的特急列車。


來到名古屋,第一件事是先到名鐵的服務中心領取之前在網上預約往返高山的巴士券,以及購買連這次將會投宿的溫泉旅館也建議我們買的奥飛騨まるごと・バリューきっぷ。這張票券賣 5,000 円,可以在兩天內自由乘坐高山與奥飛驒之間的巴士。要知道,單程車資就要 2,100 円了。令這張票券更加不可不買的,就是它還包含價值高達 2,800 新穗高纜車往復車票。


以往每次到名古屋,都貪方便住進東橫 INN,其實名古屋駅周邊也有不少旅館,房租每每比東橫 INN 還要便宜。這次就住進開業才四年的 Daiwa Roynet 名古屋駅前,離近鐵名古屋駅才五分鐘路程,對不坐新幹線只坐巴士和近鐵的我們來說尤其方便。碰巧這幾天旅館推出年末年始方案,房租比平日便宜了一截。


我對這家旅館大致上十分滿意,除了地點很好,房間也算很大,有 18 平方米。唯一要投訴的,或許就是旅館的大堂位處二樓,出出入入要坐兩趟電梯,有點兒不方便。噢,還有還有,在第一晚入住時,掀起被子竟然發現床上有一條曲的毛髮。


不要以為之後我們找個地方吃過晚飯就回旅館休息,就這樣結束第一天的行程,這樣實在不太像我的風格。


即使已經是六點半,我們還有行程要趕。之前因為航班延誤了一個鐘頭,令時間更加緊迫,安頓好後我們就立即走到近鐵車站,坐電車到近鐵長島駅,因為冬季限定なばなの里冬華の競演正在熱烈開催中。

21 comments:

Jackson said...

神人先可以咁好精力..... 佩服.

小妹 said...

究竟個魚蛋粉幾點開始會出既呢?上兩次都遇唔到!

largeheadboy said...

jackson︰正正因為咁,所以我至可以一攤上張床唔駛三分鐘就打晒鼻鼾~

小妹︰名古屋大使好似提過話朝早七點就有供應,咁我幾乎每一次都有得食喎,係見過夜晚十二點就沽清收檔囉。

l.minor said...

利害~又好真實嘅旅程~

TY said...

好厲害, 永遠都好充實既行程!

卡臣 said...

浸緊溫泉嗰個係咪你

小彭 said...

我都想快D寫遊記啊, 不過連相都未抄呀我!

下次食雲吞麵啦, 唔好食魚蛋粉喇! 根據以往經驗, 魚蛋粉供應時間好似係7-11的.

ROY said...

依日完左架喇?無講食乜晚餐既?

naruto said...

鬈曲的毛髮...儲起佢

largeheadboy said...

minor, TY︰我都覺得自己好厲害,一兩日就定好行程兼訂埋地方住,而且行程仲超級充實添呀!

卡臣︰我哩,身形邊有呢位大叔咁好哩~

小彭︰加油,快啲寫呀,市面對遊記尤其係爛尾嗰啲好大需要架!
相哩,我第一件事就 backup 咗佢先,巧珍貴嘛。
雲吞麵係咪要自費架,唔啱我喎~

roy︰呢日仲有架,希望過幾日整到出嚟喇,不過唔算食得好好架。

naruto︰儲起佢送畀你?:p

naruto said...

我唔要毛,我要飛驒牛奶

maymay said...

我要金運寶寶

Cat said...

半個鐘既決定,個旅程都可以咁充實既?
一條鬈曲的毛髮??會唔會係自己架??
枱面果包係咪生果黎架?

largeheadboy said...

naruto︰飛驒牛奶要等等,下一日成樽畀你~

maymay︰下次運畀你呀,唔會唔記得架喇 :p

cat︰喺日本咋,去第二度有排做功課呀!
茅理由喎,一揭開張被就見到條毛,除非前一晚我嚟瞓咗先喇~
嗰袋蜜柑嚟架,呢期除咗士多啤梨,蜜柑都大造呀。

ayclui said...

羨慕死人啦...之前果個遊記可以爛尾, 但呢個唔好呀, 因為我好鍾意高山飛驒o架~

Ah ming said...

重點是:下着雪泡露天風呂....

largeheadboy said...

ayclui︰其實無一個遊記我係想爛尾架,寫好晒三五七年如果仲未世界末日攞返嚟睇好開心架!我會努力架喇!
高山我都好得架,有機會我都會再去。

ah ming︰今次住兩間有得浸嘅旅館浸嘅時候都有飄雪,好正呀~

佛爺 said...

又唔係貓毛,唔洗驚喎!嘻嘻!

名古屋的房間,好似大過東京.

largeheadboy said...

佛爺︰就係唔係貓毛我至驚呀!
名古屋都有同東京一樣咁細嘅房,不過價錢應該平過東京囉~

Anonymous said...

I was also in Japan end of the year: 熊本,阿蘇,別府,由布院(I love this place),福岡. Cheers, Ricky

largeheadboy said...

ricky︰we were close!!! Should have told you we were going there, probably you would join us at nagoya!
福岡由布院其他人講都話好得,不過我仲未去過,下次喇下次......