Wednesday, January 16, 2013

唱片店

還記得上次到唱片店買的是什麼唱片嗎?我的是林憶蓮的蓋亞,而再對上一張則是猪苗代湖ズ的《I love you & I need you ふくしま》。兩者都有個共通之處,就是到了今天還沒有折封。







時代變得太快,現在大家都很少走進唱片店買唱片。取而代之,大家只會在網上下載歌曲,不管來源是合法還是非法,然後互相轉載或灌進手機裏去,方便快捷,一勞永逸。歌曲已經再沒有一個實體,而只是一個可以隨時複製隨時傳送隨時刪除的檔案。

從前我們會逛唱片店,看看期待以久的唱片推出了沒有,又或者在成千上萬的唱片堆中慢慢尋寶。把唱片買回家後,又會立即把它放進唱機,然後很興奮跟着唱片附上的歌詞和唱。那些日子,你還記得嗎?

初中時,我把每天的錢飯省下來,在午飯時跑到學校附近的唱片店買下 Michael Jackson 的 Thriller,那亦是我人生的第一盒卡式帶 。

某個農曆假期前的最後一個上課天,心急如焚的我回家前到西灣河太安樓下面的唱片店看看譚詠麟的《暴風女神 Lorelei》推出了沒有。

我還會跟同學鑽進牛頭角街坊商場內有唱片租的小店,然後把不同唱片內的心頭好翻錄到卡式帶,自製一盒又一盒精選合輯,放進自己的 walkman 之餘,也送給喜歡的人。

那個時候,香港街頭巷尾都是唱片店,然後唱片店越開越大,越開越有規模。漢豐、精美、節拍、Rendezvous、搖擺廊、Tower Records、HMV、新星堂……你去過哪幾家?

時而世易,今天唱片店買少見少,不管大的小的香港的外國的。

倫敦 Piccadilly Circus 巨型廣告招牌旁邊的 Tower Records 一早已經結業;牛津街的 Virgin Megastore 後期變成的 zavvi 最後也關門大吉。



早幾年到東京,一定會逛新宿高島屋 12 樓的 HMV,但三年前它已經變成無處不在的 UNIQLO。至於位於渋谷樓高幾層的另一家分店不久之後也光榮結業。



現在,只希望渋谷的 Tower Records 可以繼續撐下去。


當然,我也很希望 HMV 能夠捱過這關。

逛唱片店不單只是為了買唱片,而是一種習慣,是生活甚至回憶的一部分。沒有了唱片店,音樂就不再一樣。

20 comments:

naruto said...

我以前個個月買幾隻,今年買得一隻,係連down都無㖭呀,無乜歌想聽呀,新歌真係無乜幾隻好聽

largeheadboy said...

naruto︰禮拜日睇勁歌總選,金曲金獎王苑之嗰首我都係第一次聽。我依家 iphone 啲歌最多都係十幾廿年前嗰啲~

ayclui said...

新歌真係無乜幾隻好聽 X 100
D新人我全部都唔識~
我記得以前放學仲會去信和買偶像相添呀~

卡臣 said...

我2000年前都有買CD, 而家....唉
SORRY呀 HMV

Jackson said...

咁你要多謝/blame Steve Jobs 改變了整個行業

今天還沒有折封

我把每天的錢飯省下來

largeheadboy said...

ayclui︰嗰晚頒女新人,有幾個女仔企埋一齊,有隊組合有啲係個人歌手,但係個個都一樣樣囉。
你當時買邊個啲相架?信和我都好耐無行咯~

卡臣︰你仲無買 cd 耐過我。
以前我真係會去 hmv 買碟架,因為貪佢有印花卡,儲夠幾廿個印花有 cd 送~

jackson︰其實又唔關晒佢事嘅,網上非法下載應該係致命傷,當然歌嘅質素都有關係~

l.minor said...

我都好耐無買過CD,只係X法下載,

至於而家我只聽外地的歌手,好小好小聽香港lu

TY said...

我keep住有買碟架!!! 最近買左林憶蓮, 盧凱彤同埋林二汶.... 仲有買adele隻live bluray, Amy Winehouse隻DVD架!!!

真心想講, 其實入到去HMV, 我以為去左KPS! (唔知大家又記唔記得KPS係咩呢?~)

laulong said...

唉,時代的巨輪!

Ah ming said...

小弟上次在舖頭買碟是上年六月中日遊時……
不過來緊一,二,三月都有碟會訂..
(快破產!!!)
都是經唱片店訂碟.

largeheadboy said...

minor︰之前我都會X法下載,不過呢一年直頭無乜歌手令我咁樣做,連我最喜歡的 eason 都沒有,唉~

TY︰好喎!仲有咁努力買碟!同排試過喺 itunes 買歌,第一首係 adele 嘅 someone like you。
KPS 當然記得,尤其係佢地臨執笠嗰陣時嘅燃燒套票行動,日日要睇幾套片呀!KPS 都好值得懷念。

laulong︰沒法子,有啲野真係隨住時代變而淘汰,之前嘅 kodak 都係~

ah ming︰訂多啲碟促進唱片業同經濟呀,要 keep 住訂呀!

l.minor said...

2012年有個歌手唔知你有冇留意(其實佢出道好多年),曲婉婷,記得之前重要每晚睇深夜節目時,狂賣廣告,真係想問咩野料呀!不過原來佢d歌勁好聽,重要係香港開咗concert,聽佢唱live完全係一種享受~

有興趣上網聽下佢d歌

largeheadboy said...

minor︰曲婉婷完全未聽過呀。真係 ok?咁要搵嚟聽下至得~

l.minor said...

我覺得堅正~

l.minor said...

如果搵唔到出聲,send俾你

largeheadboy said...

minor︰喺 youtube 聽咗一兩首,ok 喎,原來春嬌與志明佢有份唱架,首 drenched 好好聽,好介紹~

galaxy said...

對對對, 講得o岩。
我仍然是屬於買CD的那輩人。

largeheadboy said...

galaxy︰你都仲有聽歌買碟啊,真係好啊!記得你鐘意 the cranberries~
其實行唱片鋪都係一種樂趣,所以希望佢地捱得住,畀我地得閒就去巡下。

galaxy said...

當然有聽啦,唯一可以抒發情感的嗜好。 我都有買林憶蓮的蓋亞。
好記性 ! 她/他們已重組了,有點欣慰。

largeheadboy said...

galaxy︰我依家連歌都無乜點聽,好多歌淨係識歌名。
諗諗下,the cranberries 出道咗都廿幾年,唔認老唔得喇~