Tuesday, September 16, 2008

我的悲慘世界告一段落

從沒想過旅行回來還有那麼多手尾,不過到了這天一切都算有個完結。



那天英航由倫敦回香港的航班取消了,我們被迫滯留在希斯路機場,度過了很不好受的十多個小時。回到香港,拖了近一個月才決心寫個電郵投訴英航的不是,除了是想取回賠償,更想的是吐一吐心裏的不快。

英航那邊很快就回覆,說可以提供每人 100 美元的代用券購買他們的機票。天,從那天開始,我就發誓不會再坐英航,況且,一年內我也未必會在再訪歐洲,這樣的回覆我們當然不會接受。之後,他們再送上 30 英鎊,讓我們在網上購買他們的商品,多除少補。我在想,難道到了這天,我們還要再給錢他們賺嗎?不過,看來要從他們手上取得現金賠償,恐怕也是不太可能。

正打算放棄跟他們糾纏之際,開始陸陸續續收到手提電話的帳單和信用卡月結單。幾個打回香港跟家人報平安和向公司請假的電話花了我們百多塊。百多塊,我們還承受得到。

然後過了幾天,信用卡月結單來了,兩個當晚打到英航訂票中心的電話竟然收了我們九百多塊。那一刻,我們彷彿再次陷入不見天日的悲慘世界裏。九百多塊說多不多說少不少,但想到花了這麼多錢原來並訂不到最理想的回程航班,我們之後還是要親身到櫃檯排隊,才訂到早一天回香港的航班。換句話說,那九百多塊其實是白花的。

我覺得實在太過分了,於是連忙再向英航發電郵。這次他們很爽快,也可能知道我們死纏難打不太好惹,一口氣就答應支付我們當天滯留在機場的所有開支。這天,再收到保險公司的賠償支票,一切一切真正告一段落。



我們在羅馬許願池許下的願望,也算是成真了。



這次歐遊總算劃上了句號,或者應該是時候展開另一段旅程。

50 comments:

意粉 said...

有賠償都好吖,算啦,唔開心既野忘記左佢啦。^^

largeheadboy said...

其實真係忘記得一乾二淨架喇
弊在收到嗰九百幾蚊電話費真係人都顛
有賠償的確比什麼也沒有好~~

maymay said...

賠番錢咪好囉~
不過真係又辛苦又激氣呀呵~

joeyee said...

咁睇黎英航都ok丫,
換轉國泰, 可能會black list左你.

歐巴桑 said...

告一段落就好咯
下次想去去邊樹啊^^

小妹 said...

^^ 黎送棵“蔥”過你架.
開學喇, 要俾心機讀書哦!

意粉 said...

咦 ~ 開學[托眼鏡]~ 有無去文武廟上香呀?^0^

lau2tang said...

有得賠都好過無啦,要唔要勁食一餐消吓氣呢?

小彭 said...

悲慘世界告一段落就要生生性性做人喇, 唔好再誤入歧途喇!

嘩, 今晚食食下飯, 真係以為自己去左福岡呀, 真係講你都唔信呀! 你學識あいうえお未呀? 加油呀!

largeheadboy said...

maymay︰有得賠總叫做好過冇,雖然我想賠多好多好多!

joeyee︰乜 cx 會 blacklist 人咁惡架?
經過今次教訓,我點都唔會再坐 ba ,實在太令人冇信心了,而且啲人啲嘴臉差得很過分!

歐巴桑︰除咗嗰度,暫時都諗唔到仲有邊度地方好去 lu~~ ^_^

小妹︰最好送埋叮噹嗰塊可以吸晒本書內容嘅麵包過我,因為實在太多太多嘢要記喇,我年紀又大~~

意粉︰今日放咗工即刻仆去食嘢然後返學,仲邊有時間去上香喎!

劉鄧︰我成日都有勁食架喇!有得食我無任歡迎架!^t^

largeheadboy said...

小彭︰あいうえお個あ好難寫,仲有好多個都寫唔掂,聽日要火速買本 copy book 先!
福岡係ふくおかし,今晚呀 sansei 都有講~~
誤入歧途,正呀,謝安琪嗰首!

意粉 said...

ふくおか呀,帥哥 ~

largeheadboy said...

意粉︰抄多咗個 shi 添!令我諗起 shio ramen 添晨早流流~~
仲未識打日文啊!

意粉 said...

打日文(大概)= 打羅馬拼音,超容易!

但係 ~ 你都係抄熟背熟五十音至諗第樣啦 ~ ^^

lala said...

我以前公司可以用速成打日文,打”難””A”,就會出哂成個あ行,屋企反而唔得,要研究 ......

意粉 said...

用 window XP 或者 Vista,只要去控制台 - 鍵盤及語言度加番日文輸入法(Microsoft IME),就可以用羅馬拼音打日文。

rempei said...

嬲完就算喇~~計畫黎緊的旅行吧!

largeheadboy said...

意粉︰用羅馬拼音打日文?即係あいうえお、いちば、すみませ咁?
嘩!呢堆日文我自己打架!^_^
咁個 n 點打呢?

lala︰我都係喎!公司打難 A 真係出晒成行日文,屋企又唔得!

largeheadboy said...

rempei︰今日有新進展喇!hehe!

意粉 said...

ん 咪照打個 n 字囉 ~

rempei said...

有咩新進展? 英航怕左你,請你去日本包食宿玩1個月?

意粉 said...

係 いちばん、すみません 至啱 ~ ^^

largeheadboy said...

意粉︰我知道要加個ん,但係打唔到佢出嚟,齋打個 n 佢唔曉自己變ん,唔通要再打個唔關事嘅 k 至得呀?

rempei︰係就發達喇!聽日應該會 check 下聖誕的機票~~ ^t^

rempei said...

哦~~~原來講呢樣~~~
真係要快快搞搞佢,否則劉領隊可能飛起你喎!你到時唯有送機!

lala said...

因為我九成以上都係用英文同中文打字,如果加多個日文,Ctrl+Shift轉語文時多左一楷就有o的煩同唔慣.

速成”難+AIUEO”真係可以打日文,不過o的人咁答:

http://hk.knowledge.yahoo.com/question/?qid=7007032600263

而家幾粒字我寧願copy and paste.

意粉 said...

大頭:就咁打個 n 字然後㩒 space 就會變左 ん 啦。

Lala:我用 Ctrl + space 轉語文只可以轉換中英文,唔會轉日文。

roy said...

個n要打兩次,即係打nn~

largeheadboy said...

rempei︰領隊編行程好靈活架,隨時飛起我都得呀,嗚~~

lala︰工作關係,公司部電腦轉輸入法有埋倉頡、速成、內碼、unicode,轉到我暈!
我都係寧願 copy and paste,最衰有時搵極都搵唔到~~ >_<

意粉︰公司仲未搞掂個羅馬輸入添,英文轉唔到日文~~

roy︰好,孖 n 同埋 n space + 都出到ん,記住先!^r^

小娜 said...

係噃,可以做少少setting,多謝意粉提醒.

roy said...

轉左日文輸入法之後襟alt+~轉hiragana

考下你先, 細つ "っ" 點打?

意粉 said...

萊少想考邊個呀?咪蝦阿初哥喎。

さっぽろ = Sapporo,收到嗎?大頭 ~ ^_^

意粉 said...

大頭:細つ "っ" 係叫做速音至啱。

邊位知長音點打呢?依個我真係要次次 cut & paste ~ ^^

小彭 said...

長音? 呢個"ー"? 減號囉! (Microsoft IME)

小彭 said...

大頭, 我讀左120小時, 先識打日文, 慢慢黎啦, 乖乖地, 寫番copy book先啦!

意粉 said...

係喎,哈哈 ~ thanks ~

roy said...

我當然係考阿初哥啦~

係咪スーパー依d長音?就咁打"-"(減號)就係~

嘿嘿~考埋你,仲有d細あいうえお(ぁぃぅぇぉ)又點打呢?

意粉 said...

俾你考起喎,其實 d 細あいうえお(ぁぃぅぇぉ)係點用嫁呢?

lau2tang said...

萊少,
咪嚇怕新丁啦~
促音咪照用羅馬拼音打出, 然後按sparebar, 就有得揀大定細同漢字添啦~

意粉 said...

應該咁講:(用番さっぽろ = Sapporo 做例子)個っ係 po 音之前,就打兩次 p 咁就會出個っ。

彭彭堂 said...

其實大頭連50音都未識, 一下記咁多佢個頭會唔會爆架?! (雖然佢咁叻...) 我仲要靠佢去攞年尾獎項同打進日本市場!

意粉 said...

哈哈 ~ [托眼鏡]我地借大頭帥哥既地盤討論下,增加下佢既學習興趣嘛 ~~

原來係促音唔係速音,都係劉鄧強啲,嘻嘻 ~ :P

lau2tang said...

強?我邊有帥哥咁醒,人家下個月就可以講到「洛、洛」聲,我呢,怕且下個月已經忘記得一乾二淨了。

roy said...

testing...

roy said...

呵呵~ 似乎有人好著緊阿大頭哥喎......

意粉,細あいうえお(ぁぃぅぇぉ)除左ぃ(ィ)會多d用到(ティー, ティラミス, ディズニー),其他對我地黎講都好少會用~

劉鄧,有得直接打唔駛打完再揀架~

largeheadboy said...

嘩!冇返屋企一日,大家喺度開班講學呀!^t^
咪睇少我呀!我都識打細啲嗰啲架!嗱︰ぁぃぅぇぉあいうえお~~係咁好叻哩!^t^
其實我係用 word 度揀符號然後揀佢地出嚟~~

Ellen said...

各位~~
查實識打日文字請問有咩用呢?
去日本好似識講有用D喎!係未?

roy said...

用處一:同日本人email聯絡

用處二:book旅館或巴士時有時要用日文作查詢或寫出要求等

用處三:預早向一些觀光網站查問如祭典的安排等等......

largeheadboy said...

係呀
我諗住搵個日本人做 pen friend 架~~

lala said...

日本人做pen friend ... (托眼鏡) ... (唉,做人太聰明真係唔係幾好 .......)

largeheadboy said...

lala︰咦,我唔明喎~~ ^o^