Tuesday, June 27, 2006

下星期便出發了,這個星期要買火車證(九二折不是 41492 嗎?為何要收我 41500 ?)、兌日元(要分三日到銀行,多過 150,000 佢地會收手續費!)、買保險($156 十七日其實真的很相宜了!),好像有很多東西要辦 —— 其實,我是很享受旅行前的忙碌。

這兩天午飯時候經過香港公園,看見很多拍友在拍荷花,擠滿了水池邊。他們很專業,什麼長短火全部出動。幸好上星期五趁荷花展未開始時已用我的新傻瓜機試拍了一兩張,不用給他們取笑。








其實,說這些相是在富良野拍的,應該都會有人信!

12 comments:

supageti said...

影得好靚吖!

supageti said...

But 富良野無荷花嫁播,嘻嘻!

lau2tang said...

你就好喇!分三天便取到需要的日元。我取日元要分開八個星期啊!因為我工作的地方沒有渣打分行,我要隔個禮拜短週才可以到銀行提取。取之前一天還要打電話到銀行預訂。雖然麻煩,但我又唔想蝕差價畀銀行,真是婆仔性格!
旅行前有很多事前準備呢!例如買定各式各樣的藥傍身,執行李,找哂要付的信用咭咭數啦,還有將手頭不能完成的工作清楚交代給同事等等!想起也覺煩!

largeheadboy said...

supageti,
呃唔到你添!

劉鄧,
我都係渣打喎!我尋日打電話訂,今日下晝就有貨。我有個日元戶口,一見啲 yen 低就入啲,所以可以臨出發先攞錢!八個禮拜?你係唔係攞成一百萬 yen 過去搏命呀?

lau2tang said...

八個星期內,我去了四次,取了六十萬yen!我去嘅係鄉下地方,回程又唔停東京,邊有得搏命吖!

largeheadboy said...

咁你又帶成六十萬 yen 過去?我知晒你嘅地步架,因住比我打刧呀(笑!)!我地兩個人都係帶四十零萬咋!

supageti said...

劉鄧:點解你三個人去,要你一個人攞錢嫁?

Anonymous said...

大頭仔, 你晌邊度買火車証, 是收yen的嗎?

上次去日本, 朋友拎yen時又係要俾手續費(hsbc), 佢要拎60萬... 手續費 ~ 其實只係幾百yen! (其實網上個rate已經幾好, 夠cover d手續費)

largeheadboy said...

係啦,咁劉鄧,佢地有冇比番手續費你?

largeheadboy said...

小彭, 我是在 japan travel agency 買 pass ,他們的確只收 yen 。我今日嘅 blog (要賣賣告白!)有佢地個網址。

幾百 yen 都係錢嘛,我寧願逐日去銀行排隊攞錢了!

Anonymous said...

影花部相機都唔錯喎...

largeheadboy said...

貝拉,
我都覺得唔差,希望到時影得好啦!