Saturday, July 14, 2007

周末運動日

今天又是我們不定期的羽毛球運動日,地點選了長沙灣室內運動場。

很喜歡打羽毛球,可以藉此機會跟網友聯誼一番之餘,又可以舒展一下漸硬的筋骨。你可知道,運動對人十分重要,尤其是那些已經步入中年,兼且皮帶扣已扣到最鬆的人。



咦,某網友果然無論上面和下面都入了鏡喎!唔知駛唔駛打格呢?

喜歡打羽毛球的另一個原因,就是可以讓自己盡情出一身汗,完全無需理會汗臭會影響到身邊的人。打完波後,即時來個冷水浴,那一刻,你彷彿可以感覺到身體的每一個毛孔都在呼吸着。最後再噴上些止汗劑,整個人頓時煥然一新。



家裏的三支止汗劑,分別購自三個我想念的地方。

其實,周末羽毛球活動最令人期待的地方,就是之後的飯局。在街坊的指點下,我們到了附近的一家酒樓,還剛剛好可以享用他們的下午茶優惠。對於一心只在乎傾計的我們來說,食物好吃與否都不太重要,不過這家酒樓的點心確實很不錯。



我們天南地北,扯東扯西,不知不覺便談到十畫還沒有一撇的日遊計劃。唔,難道我真的要在年底之前考個車牌回來?

25 comments:

某某 said...

大頭:你都好姿整下喎。

小妹 said...

噴了Gatspy後,大頭會變成木材拓哉一般的有型嗎?

Ellen said...

大頭

「家裏的三支止汗劑,分別購自三個我想念的地方。」
萬寧都是你想念的地方耶~~hehe~~

你考了車牌,就可以多架車載行李啦!

咩十畫還沒有一撇的日遊計劃呀?出左行程表啦~~有希望~~有希望

lau2tang said...

大頭仔,
你錯了,十畫已有一撇!還欠多少東風和一位有車牌的男士啫!

supageti said...

大頭咁鍾意食野梗係要做多 d 運動啦。

小妹,唔駛估喇話,呵呵!

Roy said...

究竟大頭晌萬寧發生過咩事令佢想念呢?

拿拿臨星期一就去問下學車事宜~奸爸爹

大頭仔 said...

某某︰唔係姿整呀,係有需要呀!我很大汗,沒有它,出到街個人會冇晒自信心啊!

小妹︰老實講,噴唔噴都一樣咁有型架喇!^t^
最多今日畀你驗證一下囉,哈哈!

ellen︰萬寧好,怎樣也比屈銀紙好!
好灰呀,只有行李坐我架車!
出 post 時還未知某男團友和某女團友做晒功課,依家真係有一撇喇!有希望有希望!

劉鄧︰估唔到大家咁勤力,我都要做番啲嘢先。各位團友入住啲錢去我戶口度先,日圓再見 6.33 我就幫大家入貨吓!^t^

意粉︰我每星期至少有兩日打波架,所以先至有依家咁 fat ,噢,sorry ,是 fit 咋!
係喇,我都係咁話,唔駛估喇話!^r^

roy︰萬寧係因為佢當時有特價吖嘛!^u^
真的要去學車嗎?好大壓力喎!況且得半年時間都冇……

cityphone爸爸 said...

某網友是不是指被「遙舉球拍半遮面」的那一位?

supageti said...

唔只上面下面,仲有前面,哈哈!

大頭仔 said...

phone 爸︰果然給你一看便看到了,有些人仲以為是“全身墮進網中人”添!哈哈!

意粉︰走唔甩了,依家上面下面仲有前面都露晒出嚟 lu !某網友要小心仇家啊!^t^

joeyee said...

原來大頭仔吾止係"行家", 仲鐘意打羽毛球! ^^

大頭仔 said...

joeyee︰死喇,原來我“行家”之名咁響架!不過行多啲好啊,總算是種運動啊!
我每個禮拜都有一日在午飯時候跟同事打羽毛球架,不過就趕得多了。

galaxy said...

大頭, 做下運動好丫。
另外你那三支是屬於止味劑, 即係話你仍然會出汗, 但噴左佢, 可以遮蓋出汗後的體味。
止汗劑是 Anti-perspirant, 搽左佢就真係減少或防止出汗。

maymay said...

長沙灣依個場好似唔錯喎,幾新淨咁呢!
下次仲想唔想再book呢到呀?

largeheadboy said...

galaxy︰係呀,原來有止味劑和止汗劑的方別架!唔怪得我仲狂流汗喇!等我去找吓止汗劑先!
我都算好喜歡做運動,只是有時不易找到拍擋啊!

maymay︰你唔好畀張相呃呀,個場其實好舊,仲得四個 court 咋!而且更衣室很少啊!不過整體都可以的!下次你一定要復出啊!

Roy said...

長沙灣好~近我嘛:p 更衣室又有冷氣

maymay said...

大頭:家中問題已暫時解決,maymay可以重出江湖了!818來一場決戰如何?

大頭話個場好舊、萊少就話更衣室有冷氣好正,咁即係點呢?仲book唔book呢度?

大頭仔 said...

長沙灣冇問題呀!下次之後仲可以去埋松記喎!
劉鄧話佢會卜 818 ,唔知成事沒有呢?其實如果有場,28 號都可以來個準決賽喎!今日 lunch 打了大半個鐘,唔係好夠喉!

lau2tang said...

28號上午我要上班,如果有埸都要兩點後才可以!
至於818,乜唔喺聽朝早先可以book 咩?

maymay said...

818未有得book架,我們祇能預早30天book場。
嗰日打完波,跟手夜晚擦番餐勁嘅!呵呵!

大頭仔 said...

就算 728 唔得,804 都可以喎!劉鄧 805 才起行嗎?
818 聽日至 book 呀原來,咁你地話事喇,去邊我都冇問題。長沙灣都可以喎,之後去佐敦好方便。

maymay said...

728我有約呢,而且剛check過,交通適合的場已經full哂喇!

maymay said...

804都check過~full哂!
各波友請check e貓吖唔該!

大頭仔 said...

謝謝 maymay!

Roy said...

勞煩晒maymay~