Sunday, July 30, 2006

弊傢伙

從日本回來後,對日本的感情越厚。早兩日幻想由於現在攞五日就有九天假期,何不在十一月找幾天到京都看紅葉去。S說我太過分,但想想看,如只是留在京都大阪一帶,無需購買火車證,單是機票酒店,開支應不會太大,況且十一月底日本又有一天假期,入住東橫 inn 又可多省下數千円。正當大發好夢之際,在信箱收到新鮮熱辣空運抵港的東橫 inn 宿泊券,莫非是向我暗示是時候再闖東瀛?

15 comments:

lau2tang said...

大阪洗費相對平很多,你的想法行得通!想做就去做啦!唔係到時會後悔嫁!就算留在香港都要洗錢啦!

supageti said...

咁快又收到宿泊劵?

係囉,想做就去做啦!搭 Air India 來回大阪好平咋!^^

Anonymous said...

去去去!!!

largeheadboy said...

今日突然醒起十一月最後一個星期可能要陪老細去海南島開會,撞正十一月底日本那天公眾假期兼京都紅葉高峰期,或許要改去賞櫻了!

係呀,真係無諗過咁快收到宿泊券,半個月還沒有!效率突然提高!

Ellen老師 said...

嘩~~

又去旅行!
真過份呀!^o^

lau2tang said...

大頭仔,
大阪的紅葉大都要十二月頭先有睇頭喎!試試改日期出發啦!

largeheadboy said...

上過 るるぶ check 過,京都的紅葉好似是在十一月中開始,十二月或許會遲了一點!希望大老細唔駛我去啦!

supageti said...

哈哈 ~ 海南島(博鰲?)都唔錯吖!公費旅行喎!

largeheadboy said...

博鰲呢 d 高層次野邊度輪到我丫!好似係去三亞,開一啲唔知做乜野嘅會!

lau2tang said...

三亞風景優美,唔差啫!

supageti said...

講風景,梗係三亞好啦!去博鰲肯定悶鬼死!

supageti said...

大頭仔:你都要努力攪埋 d 遊記啊!

largeheadboy said...

我好努力架啦,呢個禮拜應會有 part 3 (day 6 to day 8),包無爛尾!
講真丫,個遊記會唔會太長太悶呀?

supageti said...

文字唔算長,不過 blogger 既 format 長長窄窄,你 d 相又多,所以好似好長咁,如果想簡短 d,可以考慮唔落咁多相,改為加 link 去相簿 ~

largeheadboy said...

咁都好啲!唔加 link 了(好似講緊粗口),我就係鍾意文字和相片放在一起的樣子。