the boring, routine but sometimes funny bits and pieces from the world of largeheadboy
Sunday, July 30, 2006
弊傢伙
從日本回來後，對日本的感情越厚。早兩日幻想由於現在攞五日就有九天假期，何不在十一月找幾天到京都看紅葉去。Ｓ說我太過分，但想想看，如只是留在京都大阪一帶，無需購買火車證，單是機票酒店，開支應不會太大，況且十一月底日本又有一天假期，入住東橫 inn 又可多省下數千円。正當大發好夢之際，在信箱收到新鮮熱辣空運抵港的東橫 inn 宿泊券，莫非是向我暗示是時候再闖東瀛？
Subscribe to:
Post Comments (Atom)
15 comments:
大阪洗費相對平很多，你的想法行得通！想做就去做啦！唔係到時會後悔嫁！就算留在香港都要洗錢啦！
咁快又收到宿泊劵？
係囉，想做就去做啦！搭 Air India 來回大阪好平咋！^^
去去去!!!
今日突然醒起十一月最後一個星期可能要陪老細去海南島開會，撞正十一月底日本那天公眾假期兼京都紅葉高峰期，或許要改去賞櫻了！
係呀，真係無諗過咁快收到宿泊券，半個月還沒有！效率突然提高！
嘩~~
又去旅行！
真過份呀！^o^
大頭仔，
大阪的紅葉大都要十二月頭先有睇頭喎！試試改日期出發啦！
上過 るるぶ check 過，京都的紅葉好似是在十一月中開始，十二月或許會遲了一點！希望大老細唔駛我去啦！
哈哈 ~ 海南島（博鰲？）都唔錯吖！公費旅行喎！
博鰲呢 d 高層次野邊度輪到我丫！好似係去三亞，開一啲唔知做乜野嘅會！
三亞風景優美，唔差啫！
講風景，梗係三亞好啦！去博鰲肯定悶鬼死！
大頭仔：你都要努力攪埋 d 遊記啊！
我好努力架啦，呢個禮拜應會有 part 3 (day 6 to day 8)，包無爛尾！
講真丫，個遊記會唔會太長太悶呀？
文字唔算長，不過 blogger 既 format 長長窄窄，你 d 相又多，所以好似好長咁，如果想簡短 d，可以考慮唔落咁多相，改為加 link 去相簿 ~
咁都好啲！唔加 link 了(好似講緊粗口)，我就係鍾意文字和相片放在一起的樣子。
Post a Comment