Thursday, August 09, 2007

蝴蝶

風打不成,不但要繼續上班,還要給折騰了一個晚上。

半夜被風聲吵醒了多次,大風不斷呼呼地把窗簾扯出窗外,整晚給弄得半睡半醒。將近日出的時候,我終於忍無可忍,關上窗開着冷氣機,才能安靜的多睡一兩個小時。當然,一個接着一個的惡夢也令我整晚都睡得不好。

在網上查看已經漸遠的帕布的路徑時,發覺同時有另一個風暴正吹襲台灣。這風的名字很美麗,叫做蝴蝶,令我想起王菲的一首舊歌。

剛剛在昨天慶祝生日的王菲的這張專題《只愛陌生人》我很喜歡。當年比較喜歡《蝴蝶》的廣東版《郵差》,始終廣東版的歌詞比較淺白易明,而且也來得親切得多。今天再細看《蝴蝶》的歌詞,原來又是那麼淒美動人。



蝴蝶果然飛不過滄海撲不過天涯,在跨過台灣海峽之前,它可能便已經消散得無影無蹤。

15 comments:

supageti said...

又一號風球喇 ~~

*s* said...

今早上班,差點是「風流總被雨打風吹去」

supageti said...

八號風球喇,今晚開冷氣罷啦 ~ ^_^

貝拉 said...

你地呢邊已掛8號了 ^^

largeheadboy said...

意粉︰估唔到咁都有八號!你回家路程順利吧!剛回到家裏,感覺像走難!今晚真係要開冷氣喇!

*s*︰早上上班時風雨不算大,是我比你早吧!
“風流總被雨打風吹去”,唔,麻煩解釋一下吖唔該。

貝拉︰你地掛了沒有?照理你地更加應該掛八號啊!

supageti said...

我成三點先走,如常十分鐘就番到屋企,睇左隻 DVD,之後睇電視見到地鐵站既情況,真係該煨,就覺得自己好幸運 ~

galaxy said...

我反而在打風落雨時睡得最好。

largeheadboy said...

意粉︰今日收工真係恐怖,未見過月台多人成咁,要等咗幾班車先上到。我都興幸自己早走了,睇返電視原來遲些仲恐怖!香港真係點搞呀,電話又打唔通!

galaxy︰啲風呼呼聲都好嘈架!不過落住雨涼啲應該都幾好瞓!

supageti said...

固網電話好少少,手提電話由天文台話將會改掛八號之後一直近乎癱瘓 ~ >_<

Ellen said...

柏布打到香港啦!
台灣又有1個颱風吹到啦!

largeheadboy said...

意粉︰係呀,我尋日要去到三點幾手提電話才有訊號啊!

ellen︰台灣呢排咁多風打嘅?

supageti said...

我個台好少少,一路都有訊號,但就只係間中打得通囉 ~

台灣同日本近年都好多風。

largeheadboy said...

因為暖化,整條熱帶高咗
呢幾年菲律賓都少打了風……

光.軍 said...

蝴蝶的力氣再大都不能走過大海, 但這個牠得! 蝴蝶讓我流過不少淚水.. ..

largeheadboy said...

光.軍︰過去是成長的一個部分,不過過去了的就讓它過去吧,前面會更美好的!^t^