今天在漆黑的電影院裏跟眾多同是穿 the simpsons 上衣的人看到這一幕時，我的眼睛差點兒閃出了淚光。
這齣電影沒有令我失望，笑位不絕之餘，溫情場面也叫人很窩心，沒枉費我一早爬起床走到電影院看早場。當然，票價才 $30 也是另一個叫我前一晚便校好鬧鐘的原因。
隨後到了尖沙咀的彩星大廈，暫時離棄和宴和禪八，走到再高一層的壽司廣，跟萊少上星期一樣，點了吞拿魚壽司定食和不知名定食。唯一跟他們不同的是，我們選了天丼而放棄鰻魚丼。
捧着胖胖的肚子走到旺角朗豪坊，為了跟阿森一族來個全接觸。遲來了一步，免費冬甩已經派光了，唯有死纏着 the simpsons 一家拍過夠。
這天過得很開心，原因是看過了一齣好電影、吃了肥美的吞拿魚、跟 the simpsons 一家人拍過照，還是簡簡單單的 close to you 呢？
19 comments:
哎呀！帥哥出鏡呀！
咦~點解simpson家族多左個咁大個頭嘅成員嘅！
大頭大唔透~~~哈哈！
呀~~點解唔著大頭sam件T呀！
繼ellen出鏡，大頭都現真身喎~
屋企樓下係戲院真好~
無講壽司好唔好食既~
大頭一家人終於出場喇!
前天我也去了壽司廣, $120那一set幾抵食!
意粉︰帥哥間唔中都會出吓場益吓街坊架，哈哈！^o^
maymay︰有個咁百厭嘅細佬都唔係咁過癮架！
ellen︰我要鬆咗好多次踭先至迫到埋去影相架！
穿呢件衫因為多啲顏色冇咁寡嘛！^p^
roy︰我搭車去又一城睇架，因為我要睇英文版嘛，不過我都想睇埋中文版。
壽司點會唔好食吖，睇呢得閒又會翻兜吓！^t^
小彭︰呢個不知名 set 真係幾抵食，碗 soba 都好好味，不過海膽壽司就比較削。>_<
我都有毛管戙,點解呢? 你攪到我都想睇呢套戲呀 ^^
好羅, 有機會見面唔會認錯人了.
好啦,下次見到你唔會淨係得你認得我! ^^
我早前都在UA時代同阿森一家合照o左!
對不知名lunch set好有興趣, 就下個SAT去啦!
我無睇依套戲，但同 husband 去apm palace 睇 Transformers 果陣幫佢影左張，無乜人爭喎。
仲有，apm 個景整得靚 d 喎 ~
貝拉︰你都毛管戙？莫非你也很喜歡這首歌？睇喇，套戲睇完會好開心架！
你都有可能認錯我架，我形象八變架！^t^
jason︰下次在九龍灣或觀塘撞見我就同我 say hi 喇！^r^
小妹︰原來每間戲院都有阿森成家架！我起初仲驚我去嗰間冇添！
咁下個禮拜就靠你查出不知名 set 的真正名稱喇！
意粉︰apm 那個是在戲院外面還是入面架？transformer 搵日都想去睇早場。
在裡面（有戲飛才入到）大堂裡。
大頭：吃了！
昨天買了四款~綠茶紅豆、紅豆白玉、朱古力香蕉、朱古力草苺。
綠茶紅豆勁好味，紅豆白玉烟烟勒勒不錯吃，另外兩款不會再買了！
我好鍾意紅豆白玉的, 看完maymay咁講, 下次一於買佢啦!
小妹：紅豆白玉今早做左我的早餐，我覺得雪左一晚凍凍地仲好食！
其餘的因為有奶油，最好即日食用。
草苺那件一d都唔好食，草苺細粒，不香不甜，得個酸字，仲比其他燒餅貴2蚊，好唔抵！
帥哥, 係咪一早要起身去睇戲, 定抑或套戲笑到咸, 搞到有黑眼圈 ?! 多些休息喎。
意粉︰咁我就 check 吓 apm 有冇中文版睇先！
maymay︰嘩，你講到好吸引喎，咁我就聽你忠告專攻綠茶紅豆喇！可惜這兩天不在金鐘出沒……
小妹︰maymay 是食家，信佢就得架喇！^t^
galaxy︰你咁都睇到！！！
乜我啲黑眼圈真係咁明顯呀？要拿拿臨搵啲茶包先！不過我的黑眼圈陪伴了我很多年了！>_<
Post a Comment