Sunday, September 09, 2007

這幾天早上起來發覺涼快了不少。在微風中,走往巴士站的路途很舒服,不用流一滴汗。

那天往和民,他們也推出了秋天的特選料理。我們點了鰹魚壽司、鮮蠔釜飯、廣島燒等,最後更多點了一客栗子芭菲。



原來,秋天已經悄悄來到我們的身邊。

不知何故,秋天總叫我想到日本來,想到掉落滿街的栗子、漫天遍野的紅葉、形狀討好的銀杏葉片,以及新鮮當造的美食。



當然還有在紅葉和涼風下泡着溫泉的情景。



秋天雖然短暫,來去匆匆,但在心中從來都是恆久的。

35 comments:

Anonymous said...

最近的早上同傍晚, 天氣真的很舒服! 秋天, 也要好好珍惜呀! (四季都打亂晒!)

綠色的是栗嗎?

Ellen老師 said...

啊~~老師的秋裝早已出場啦!

上星期也到了和民,但沒order這個餐牌的食物耶~~

大頭~~還是來一個深秋遊啦! ^O^

largeheadboy said...

小彭︰習慣赤着身子睡的我現在半夜也要蓋被了。可惜外面天色不太好,否則可以提早去轉郊遊。

對啊,是栗子啊!是不是新鮮掉下來的緣故啊!不過我都見過外殼是啡色的栗子。原來一粒栗子果實是夾有三粒栗子在內,所以有啲栗子兩邊都是扁的。

largeheadboy said...

ellen︰我一年四季都返工係長袖衫一件,只是夏天便將衣袖摺起來。^t^
我上星期去完和民,我依家又想再去了,我仲有某某信用卡呀!
深秋遊,的確好吸引!

Anonymous said...

me with nothing to say, and you're on your AUTUMN SWEATER !

lau2tang said...

咦!張蔵王溫泉相片從那裡抄過來的?
和民的鮮蠔釡飯好唔好味呢?
我好掛住日本蠔啊!

Anonymous said...

現在真奇怪,中秋都未到就秋涼!
昨天所到的商場,冷氣都巧勁呢!

Anonymous said...

真的佷喜歡秋天, 感覺好舒服, 我好怕流汗的..... 秋天賞紅葉真的很美呢!

Anonymous said...

秋天日遊非常正!

仲想問你張溫泉相晌邊樹添~

Anonymous said...

maymay

中午到了沙田新城市廣場,間"城市超級"直頭係間冷房,凍到要即走

Ellen老師 said...

有春夏秋冬,女孩子才可天天穿新裝啦~~
再去和民帶埋我去!得唔得呀~~^O^
深秋遊去邊都得啦~~

largeheadboy said...

yo la tengo︰呢位網友唔好搞事呀,你知你係邊個架!^t^

劉鄧︰張相我自己拍架!前年秋天我就去了東北賞紅葉!我諗我得閒要將我那個仲未埋尾的遊記搬埋過嚟呢度先!
和民的鮮蠔釜飯還可以吧,四十幾蚊唔可以要求太多,有六隻蠔仔咁囉,啲飯都好好味。

maymay︰今日出街都冇乜點流過汗,幾好呀!依家瞓覺仲可以瞓得好舒服添。
一向怕熱的我,商場冷氣越大越好……

貝拉︰今年你又可以去看紅葉了,很羨慕啊!秋天的日本一定要大吃一頓回來啊!

roy︰原來過去四年我有三年秋天都有去過日本。秋天的日本實在很美麗很舒服!
張溫泉相咪就係我地冬日之旅都有 plan 過去的藏王露天大風呂囉!影完呢張相之後我就去咗浸溫泉喇!^r^

largeheadboy said...

ellen︰好呀!下次搵你喇就!(其實我今晚又食完和民)
可惜你放唔到假,唔可以穿秋裝逛日本啊!>_<

Ellen老師 said...

四年有三年秋天都去過日本,你未晒命呀>_<
下月我可以穿秋裝逛台灣耶~~
要穿秋裝逛日本,看來要盡早提前退休啦~~

lau2tang said...

我都感到酸溜溜!
蔵王露天風呂冬天期間是不開放的!

largeheadboy said...

ellen 、劉鄧︰真係有啲晒命架!哈哈!^t^
唔駛一定等退休既,中咗六合彩你地都可以過去賞紅葉架!
冬天去藏王可以搭纜車滑雪啊!露天風呂唔開仲有好多其他溫泉開架嘛!

Ellen老師 said...

咁要中咗六合彩頭獎,兼幾千萬個種,才可以過去賞紅葉耶!

largeheadboy said...

ellen︰希望在人間呀!

Anonymous said...

又或者地球加速暖化,聖誕節都仲睇到紅葉 >_<

Anonymous said...

秋來也秋去...近幾日勁秋喎!實在爽呀!

supageti said...

日本既秋天真係正,一定唔可以錯過!

Ellen老師 said...

大家唔好再提日本既秋天啦~~

Anonymous said...

我覺得今年的秋天, 是由九月一日那晚的一場雨後開始的.

不過...係香港...12月都可以著短袖衫.

我都好想秋天去旅行!

largeheadboy said...

roy︰相信呢日遲早都會出現。不過諗到聖誕節賞紅葉其實都幾怪異。

光.軍︰可惜呢幾日唔算天朗氣清,否則便更加好了。秋天最好是郊遊,我也要準備了。

意粉︰你呢幾年秋天都經常日遊啊!四季之中始終秋天最好。
咦,網上痕搞掂嗱?

ellen︰正如萊少話齋,遲早十二月仲可以賞紅葉架!等多幾年喇!

largeheadboy said...

joeyee︰你還記得九月一日的那場雨!我只記得八月底開始斷斷續續不停下雨。
老實說,現在香港冬天有幾冷吖,舊年我都冇穿過厚外套。
我都好想秋天走一轉啊!

Anonymous said...

哈哈!劉鄧楝水浸樓都起好啦,好彩你仲記得你果座起o左一半o既東北爛尾樓……

lau2tang said...

cityphone爸爸,
大頭仔是大建築商,何只得一楝東北樓,還有一楝起得三分一嘅北海道中部就嚟爛尾樓添!

Anonymous said...

劉鄧

你講o既係唔係日日早出晚歸辛苦過返工o既地盤,北海樓差唔多啦,只差關西樓!

largeheadboy said...

phone 爸︰北海道層樓叫做起好咗架喇,只係擴建部分關西呀中部呀東京呀呢啲仲未動工咋!見秋涼,或者完成咗東北先喇!

劉鄧︰你真係心水清!呢排啲紮鐵工人罷工,阻慢咗復工進度,希望加咗人工之後可以有機會交到樓喇!^t^

Anonymous said...

can you feel the autumn breeze this morning ?

I must put on my AUTUMN SWEATER !

lau2tang said...

今日紮鐵工人復工啦!
大頭你又少了一個藉口了!

largeheadboy said...

yo la tengo︰今朝都唔係好涼啫,唔駛着冷衫呀!

劉鄧︰十月計劃放一個禮拜假,或者趁上次東北遊兩周年時做埋遊記的平頂工程吧!^o^

lau2tang said...

放一個禮拜假都唔走番一轉?

largeheadboy said...

弊傢伙,又畀你挑起我條根!

Anonymous said...

but can't you see that even in summer, many students and OL still wear AUTUMN SWEATER ?