Sunday, September 16, 2012

20120901︰富良野菓子工房 Furano Délice

六點幾起床,七點鐘到大堂吃早餐,八點鐘前辦好退房手續和把行李宅急便到幾天後會到的千歲,這天早上的時間很是緊迫。


旅行不是應該要悠閒一點,幹嗎這樣趕急?原因不就是因為我們要坐上今天第一天營運的富良野紅葉臨時特急列車,而之前我們還要到票務處買下期間限定的富良野.美瑛周遊券


相對於北海道的鐵路周遊券,這張富良野.美瑛周遊券價錢算是非常便宜,連續用四天才賣 5400 円,除了往返札幌和富良野地區之間一次,也可以在四天內任坐富良野地區內的電車。可惜我們不會回到札幌,所以返回札幌的那一程我們就白白浪費掉。


價錢便宜就要付出代價,這張周遊券不可以坐指定席,所以我們又要再早一點到月台排隊。要是坐不上這班車,整天的行程就會大亂了。


富良野紅葉臨時特急列車其實沒有什麼特別,充其量只在車廂內擺放了一些觀光指南,但列車到站時大家還是很雀躍地拍過不停。


前一晚睡得不多,理應在車上補補眠,但來到北海道心情格外興奮,加上窗外的田野風光很是吸引,這一程車好像沒有怎樣睡過。


富良野紅葉臨時特急列車經滝川到富良野,需時兩個小時,比一般前往富良野的方式經旭川再轉普通列車省了一點點時間。


十一點,終於來到富良野駅。九月的富良野花期已到了尾聲,遊客沒有之前的多,感覺好得多。


接上富良野巴士薰衣草號,隨即向第一個目的地位於富良野 Prince Hotel 旁邊的菓子工房 Furano Délice 進發。


Furano Délice 這家嚴選北海道食材的甜點店,牛奶布丁雙層芝士蛋糕 double fromage 都是他們的名物,特地跑過來也是值得。


這裏的蛋糕全部都很吸引,有挑選障礙的人一定遲遲下不定主意,因為每款蛋糕都很想吃啊!


下次再來不知會是什麼時候,所以我們像蝗蟲一樣狂風掃落葉地掃了這一大堆。


這裏也有飲品可以點,不過一杯咖啡的價錢比一件蛋糕還要貴,理性的我們當然知道應該怎樣做,況且這裏有冰水無限供應。


Furano Délice 每個月都會推出特別味道的 double fromage,九月的是帶點酒味的ワインのドゥーブルフロマージュ。雙層芝士蛋糕一軟一硬,加上底層的提子乾,實在好吃到不得了。


牛奶布丁很香滑,是之前沒有體會過的味道。


至於另一名物原味的 double fromage,可能到吃它時已經有點飽滯,沒有之前吃第一口酒味雙層芝士蛋糕時的驚喜,不過還是超好吃。


這裏的環境很不錯,如果早幾個星期來,應該還可以欣賞窗外面的太陽花和薰衣草。


我們笨了,躲在又悶又焗的室內,早應走到外面的平台享受涼風和新鮮空氣。


這個時候大概是蜻蜓交配的季節,隨處都可以找到牠們的踪影。


之前想過吃完蛋糕有時間的話可以到 Prince Hotel 的 Ningle Terrace 逛逛,又或者坐坐那外國遊客免費的登山纜車,不過不知不覺我們在這裏呆了近一個鐘頭,為免之後沒時間逛花田,還是坐 12:41 的巴士離開好了。

25 comments:

maymay said...

酒味的ワインのドゥーブルフロマージュ.....實在令人無法抗拒!

卡臣 said...

嘩! 好TVB呀! 好味呀~~好香呀

Cat said...

引死人囉,夜"ma ma"出甜品。
咁多件真係得兩個人食?

小彭 said...

Like!

largeheadboy said...

maymay︰呢隻蛋糕有冧酒提子 feel,一定好啱你~

卡臣︰芝士蛋糕仲好有芝士味同蛋味添(呢個係麗梅姐 feel)~

cat︰得兩個人食咋,當埋晏晝架呢餐,所以搏命啲囉 :p

小彭︰jet lag 呀你?
好掛住個 double fromage 呵~

欣宜 said...

蛋糕睇相都流晒口水呀,
但無你之前講D肉照既^^

Jackson said...

最尾有冇 order 多一打?

TY said...

一早食咁多甜野?!!!! 會唔會甜得滯呀?!

joeyee said...

無去富良野, D蛋榚吾好食吾好食吾好食.......

Jackson said...

去了三次 フラノデリス, 啲蛋榚好食好食好好食.

ayclui said...

問題1: 點解咁快寄行李去千歲嘅? 我好唔慣同我隻"大豬" 分開o架...

問題2: 一早溜溜邊食得落咁多蛋糕o架? 一件到係勉強咋...(可能我唔like 芝士蛋糕)

largeheadboy said...

欣宜︰唔好咁心急,咁食蛋糕又無理由要露肉架嘛~

jackson︰頭開都有諗過,不過食完咁多件好“漏”,旋即打消咗呢個念頭。

TY︰都唔早架,成十二點咁濟,雖則確係食到個人滯下滯下咁 :p

joeyee︰你好似話唔係咁好蛋糕吖嘛!不過就算唔好都應該食下囉,正如 jackson 兄所言,啲蛋係係好食好食好好食囉。

ayclui︰
答案1︰呢幾日周圍走,抽住個喼好唔方便囉,跟住睇落去你就知我無理由唔同佢分開架喇。
答案2︰食得落架,你買一打過我我即刻食畀你睇。係最尾嗰件食到覺得好“漏”咁囉~

紅米奇 said...

甜品,蛋糕... 好食成咁, 無話可說
小食多滋味, 何況你話你都掃咗堆 ^^

小彭 said...

我都未返黎,食芝士都食到驚呀家下。頭先食食下芝士火鍋,就有隻沖落個鍋內自殺。

多芝士(同牛c)的地方,就多烏蠅。

largeheadboy said...

紅米奇︰我呢啲唔算少食多滋味,係多食壞肚皮啊!不過值得架~

小彭︰仲以為你返咗嚟添~
加料喎!多烏蠅代表大自然味濃厚啊!快啲去食返刺身拉麵喇!

佛爺 said...

看見你的蛋糕甜品,我的嘴巴突然吻上了LCD顯示屏!嘻嘻!

ROY said...

真食好好味架?
睇唔到...睇唔到...睇唔到...睇唔到...睇唔到...

largeheadboy said...

佛爺︰有冇抹一抹 mon 上面啲塵至咀落去呀?

roy︰我覺得好味過小樽嘅 LeTAO 喎~

l.minor said...

我都想問你LeTAO好食定佢好食,LeTAO巳經好好食架lu喎!?

富良野我都未去過,要搵個夏/秋天去一轉先!

largeheadboy said...

minor︰LeTAO 係好好食,而 Furano Délice 係好好好好食囉!有機會你都要試下呀~
富良野冬天都好靚,都去埋喇 :p

l.minor said...

我重以為富良野冬天係無人去tim

largeheadboy said...

minor︰都有人去睇雪景,搵次我都想去,不過無車就仲唔方便囉

the inner space said...

冰天雪地去富良野不宜自駕遊
搭火車去都是不錯的選擇可行

the inner space said...

另外講開用火車證,
攜帶的行李背囊,
我一向落車就放在車站locker內先,
行完玩完就返去提取囉,
當然存在邊一個站的locker,
就要事前要決定好,
若要入住酒店旅館就要較啱時間,
哎呀個個人都識架喇,
恕我多手,哈哈哈!

largeheadboy said...

space︰咁又係,雪地揸車確係好危險,尤其係我地好少喺呢啲環境下揸車~
我就反而唔係好常用 locker,非不得已至用,慳返嗰一千幾百買野食嘛~