Sunday, January 11, 2009

家好月圓

我的家基本上跟垃圾站沒有兩樣,什麼東西也亂七八糟,這天要穿什麼衣服就隨便從垃圾堆找就可以了。旅行回來後,情況更加惡劣,衣服手信書本雜物堆積如山,試過連打開大門也有困難。


這天睡醒過來,決心徹徹底底把家居打掃乾淨,順便扔掉積存家裏經年重達 52 公斤的舊雜誌,好讓減輕過年前大掃除的壓力。經過幾小時工作,被淹沒多時的地板終於重見天日了。


忙碌了大半天,晚上到了 Ruby Tuesday 慰勞一下自己。隨便點了小食拼盤、漢堡包和沙律,已經飽得捧着肚子走。現在用 AE 卡找數,還有六折優惠,挺划算的。


回家途中,看到這幾天尤其圓大的月亮,連忙拿出相機立此存照。


舉頭望着明月,又不禁想起故鄉來。

40 comments:

ROY said...

尋晚返屋企唔記得睇下個月亮添...

近期咁興ruby tuesday既? 好似話遲d會約去食番餐喎(有半價~)

supageti said...

故鄉?即係 ben 樹呀?

Ellen老師 said...

咁叫執左啦?
算吧啦!要亂你先搵到野呀!

largeheadboy said...

roy︰今晚都一樣咁圓咁大啊!我諗聽晚都唔會差得幾遠。
我今日執屋,咁啱見到張話 ruby tuesday 有優惠嘅宣傳單張,所有咪即刻去囉!遲啲,暫定嗰日我唔得喎~

意粉︰故鄉咪係我朝思暮想嘅地方囉。我心繫故鄉呀!^o^

老師︰叫做執咗好多架喇,起碼依家出門口唔駛“檻”過一堆堆障礙物喇~
係呀,你見唔見到你個袋呀?:p

supageti said...

大哥:唔該查下辭典故鄉點解先啦 ~

Ellen老師 said...

好可怕,我的袋要跟ごみ1齊!

largeheadboy said...

意粉︰我嘅故鄉咪係廣東省高明縣囉,喺佛山附近架!^t^

老師︰你個袋已經發光發熱,造福他人架喇,你以後要對佢好啲呀,唔好嫌棄佢呀~

supageti said...

你到底有無番過故鄉先 ~~

ROY said...

我年年都要去一次大頭故鄉喎原來...

maymay said...

堆填區!!!
老師:都叫左你攞番個袋先架啦,家陣冇眼睇咯~@_@

lau2tang said...

你好似係將床邊周圍ge嘢,搬咗上床咋喎,咁都叫執咗?

Ellen老師 said...

你見到有床咩?唔係化~~~

小彭 said...

我都係住晌垃圾站個喎!

largeheadboy said...

意粉︰細個每年過年都會返鄉下架,不過都成十幾廿年冇返過去 lu~

roy︰係喎,我記得你話有個客喺嗰頭,咁下次上去麻煩你幫我抬部等離子電視上去畀我啲親戚吖!^t^

maymay︰我都唔知點解間屋咁多嘢,清極都清唔晒,早幾日用咗成半個鐘至清到張枱嚟打邊爐。
老師個袋依家食好住好,可能唔捨得走呀!^g^

劉鄧︰乜呢度似睡房咩?不過細個屋企細真係試過張床日頭放嘢,夜晚瞓覺就搬返走啲嘢,晚晚如是。:p

ellen︰係喇,團長係咪呢排編行程編到有啲眼花呢?

小彭︰係呀係呀,我記得你好似講過話你屋企都一箱一箱嘢咁呀!
其實呢排咁凍,用紙皮都好擋風架!哈哈!

lau2tang said...

吓~放到咁係個廳唔係房呀~
該煨囉~

紅米奇 said...

大頭我信你架, 你真你執左架
執左係鏡頭後面吖嘛 ^^
你不如自荐去拍宜家廣告 XD

歐巴桑 said...

其實帥哥已經比大叔好啲囉:-p

小妹 said...

唔..其實不如加多個衣櫃丫,睇落夠位喎.

largeheadboy said...

劉鄧︰我個睡房有咁寬敞就好啊~
聽日我又要喺嗰堆衫搵件冇咁“巢”嘅衫返工啊!

紅米奇︰真係有執架,仲清潔埋家居添,不過做極都做唔完仲未執晒之嘛!
依家仲有宜家幫你執屋的節目嗎?我第一時間去報名呀!^t^

歐巴桑︰好在大叔有你幫手吖嘛,正如我一樣,都係被整懶晒~ ^_^

小妹︰嗰個吉位係大門嗰位嚟架,可以的話我都想放多個櫃啊!所以我成日話要裝修,重新搞返好間屋,不過又唔知會拖幾時~

Ellen老師 said...

唔明~~點可能個廳擺咁大堆衫呀?係廳換衫?

好彩唔係政府屋,如果唔係實扣滿分,無屋住!

naruto said...

原來你住堆填區

largeheadboy said...

老師︰返到屋企就除衫好正常吖,所以你唔見嗰幾日喺日本我一入到間房就即刻除外套呀冷帽呀頸巾呀~
我間屋哩,遲早好似嗰啲一開門就成排垃圾堆晒出嚟嗰啲~

naruto︰似架,間唔中仲會唔知喺邊度傳來陣陣惡臭,哈哈~

maymay said...

睇怕你起床都唔會摺被,間房應該恐怖過個廳,
都唔知你執左d乜,喇叭上面個白色袋野,祗係由左搬去右,
除左外衣唔該順手掛起佢,
除褲前唔該先除皮帶,條褲一係攞去洗,一係摺埋佢放入衣柜,
手袋唔該放入房,
買番黎嘅野,屬於廚房嘅就放入廚房,屬於睡房嘅就放入睡房,
垃圾都要分類啦,屋企唔堆填就唔會變堆填區,
大個仔架喇,仲要人話!

maymay said...

有一樣要讚嘅,個月光影得唔錯,
隻手幾定~^^

supageti said...

帥哥犀飛利呀 ~ 搞到師妹打咁大篇野,哈哈 ~~~ 會唔會係依樹最長既留言呢?

largeheadboy said...

maymay︰謝謝你的肺腑之言~
我剛剛搬嚟呢度住嘅時候真係好似你咁講咁樣做架,不過住住下越嚟越多嘢就開始冇咁整齊喇。
每個人習慣又唔同,着過嘅衫我唔會放返落入衣櫃,咁樣會“污染”咗乾淨嘅衫架嘛~
所以我諗如果大裝修,我會搞到間屋有個地方畀我放着過但又可以唔駛咁快洗嘅衫。
唔,我呢,不嬲都摺被架,朝早趕住出門口,邊有時間啊~
咁樣,你會唔同我去旅行呢?^t^

師姐︰師妹都係對我好,我要專登過日本買多盒牛肉報答佢先~

Ellen老師 said...

會同你去旅行,但唔再同你1間房啦!哈哈!

largeheadboy said...

老師︰連你都嫌棄我~

lau2tang said...

放心,仲有我!
要唔要我搵多個仲亂七八糟ge團友同你一間房呢?

lau2tang said...

btw,我都有個衣櫃是專放著過但唔需要即時清洗的外套,始終,放入櫃會整齊好多。

supageti said...

終於同帥哥有一樣野啱 key ~ 著過既衫我唔會再放番入櫃,除左覺得會污染啲乾淨衫,仲會污染埋個櫃,哈哈 ~ 不過我會用衣架掛起,好似住東橫 Inn 咁 ~ ^^

maymay said...

下巴輕輕,你係"專登"飛去日本買俾我至好呀~

Ellen老師 said...

同帥哥1間房~~好處就是平房租,呢個理由都說服到老師跟你同房!不過,改少少陋習就更好啦!

lau2tang said...

睇呢要訂啲一間房,但可以分兩邊楚河漢界ge地方先行得通囉~

rempei said...

有咁多雜記掉,好心益下我先啦~~

largeheadboy said...

劉鄧︰訂東橫 inn 的 business twin 囉,我覺得好正呀個間格,有自己嘅天地,亂放嘢都冇所謂~ ^t^
放乾淨衫嘅衣櫃都滿晒,仲邊可以搵另一個衣櫃放污糟衫呀!

師姐︰我都有喺房門後加咗個衣架,但冬天太多外套,一早就冇晒位喇!
其實,我同你仲有好多嘢都好夾架!^_^

maymay︰過年前啲 package 價錢超吸引,一係你都去走一轉喇~

老師︰之前夜晚黑臨瞓前大家走到對方間房吹吓水幾開心呀,我知你一定唔會嫌棄我嘅~
啲嘢亂放就真係改唔到喇~

薯嘜︰遠至 2002 年嘅《飲食男女》都有架,其實我都唔係好捨得掉咗佢地,啲旅遊介紹都好好睇架,雖則我未必會睇返。仲有啲未掉架!

supageti said...

例如呢?

largeheadboy said...

例如呢~~例如呢~~我地都心地善良、樂於助人、見義勇為、勤奮向上……(仲駛唔駛繼續數下去呢?)

supageti said...

你講既我樣樣都唔中,證明你唔多認識我喎,哈哈 ~

largeheadboy said...

師姐︰噢,原來我一直都睇錯咗你~ :p