Monday, November 12, 2007

知足常樂

一杯半滿的水放在面前,你會慶幸自己仍然有半杯水,抑或是自怨自艾只有半杯水?

星期日到了銅鑼灣黃金廣場的一門午飯,點了兩客午市定食,另加厚燒玉子。由於沒有太大期望,而且尚算價廉物美,這頓飯吃得很愜意。



錯有錯着,原本沒有點的炸物定食應該比燒豚肉定食好吃得多。

到了維多利亞公園,在草地球場上舉行的書展買了些心頭好。雖然有些書買貴了,但十元八塊,我總算還負擔得到。當然,下次要精明一點。



在陽光下走了一圈又一圈,之前的涼意一掃而空。

走在街上,看見便利店的扭蛋機有很可愛的鬆弛熊 rilakkuma Q版扭蛋機,便不由自主地把一個又一個金銀潤餵進去。扭了七個,得到五種不同款式,現在就只欠缺一款,成績非常好。



別小看這些微你的扭蛋機,我是花了整晚才把它們砌好。

晚上到了九龍城,街市頂樓的泰國食店是近幾個月的飯堂,這裏的鐵板蠔仔煎蛋更是我們必點的菜式。可能是季節關係,也可能是心理作祟,總覺得這陣子的蠔仔特別肥美。



知足常樂這句老生常談的話,你又領悟了幾多?

21 comments:

lau2tang said...

我第一次聽半杯水這故事,是舊上司臨退休前最後一次主持校務會議,在會上有感而發,向大家留下這番感性的說話!雖然已是四年前的事,但到現在仍瀝瀝在目!

Ellen老師 said...

這樣豐盛怎能不知足呀~~

半杯水故事最近好似聽過,但唔記得係邊。

largeheadboy said...

哈哈!你地都好快手呀!^o^
半杯水的故事我以為是老掉牙的故事,不是經常都有人會講嗎?
對,能過這樣的生活,兼且有你們給我大量旅遊資訊,我怎會不知足?

Ellen老師 said...

咁你識做啦~~~哈哈~~~

光.軍 said...

見到你咁滿o既行程.領哂啦!有咩好書買到?

lau2tang said...

唔一定收到嘢先知足嘅!
施比受更有福!
你派零食時都派得好開心啫!

lau2tang said...

一門的玉子是我在港食過最好的!
有少少掛住佢添!

largeheadboy said...

ellen︰不過因住期望越高失望越大啊!正所謂,知足常樂丫嘛!^o^

光.軍︰尋日真係走了很多地方,累透了,不過覺得得值得。
就是買了相中右下角那幾本多公仔少字嘅書囉,不過我諗我都係擺嘅多……

劉鄧︰我今日專登跑到尖東的便利店才買到那青檸軟糖,不過我覺得好開心囉!

largeheadboy said...

對,劉鄧,玉子即叫即燒,熱騰騰的端到面前,真的很好吃啊!銅鑼灣,你都一程車啫!

Ellen老師 said...

除左青檸軟糖,差D唔記得盒375維他朱古力呀!

Anonymous said...

一門既玉子以香港水準算係幾好~
relaxuma晌日本都好似幾hit,今次去大阪可以掃過夠~
http://www.san-x.co.jp/relaxuma/top.html

largeheadboy said...

ellen︰好彩你幫我攞咗一盒,重到我吖!^p^

roy︰網上話一門服務差,我又覺得都可以吖,可以再去啊!
我上次在高山都買了地區限定的鬆弛熊電話繩,很可愛!好,大阪睇鬆弛熊,京都搵叮噹!

Anonymous said...

半杯水的故事... 忘了有否聽過... 要久不久就拿出來再說一次. 提醒自己也好, 勉勵別人也好.

maymay said...

有半杯水我已經好開心!
隻熊仔又幾得意喎!
呢期見到乜都唔敢買,費事搬多樣野!
你幾多號出發?

Anonymous said...

原來 Bunny Suicides 也有中文版,內地的出版界真不得了 !

本奈良美智好似幾正喎 !

largeheadboy said...

小彭︰這些警世小故事的背後,往往都隱藏着很大的道理。

maymay︰有水飲我都好滿足了!^o^
呢隻熊仔真係好可愛,我呢兩年都有買佢嘅月曆,遲吓過去又要找找看。我 29 號飛呀!
裝修真係好煩啊呵!

tmc︰真沒想過 Bunny Suicides 也有內地版!奈良美智就係台版,應該會幾好睇。

Ellen老師 said...

乜唔係飲375維他朱古力咩~~
我留番聽朝早餐飲~~

largeheadboy said...

ellen︰係喎,話時話,你地會唔會沒收啲細路嘅 mario 萬字夾架?

Anonymous said...

咦, 首尾呼應喎,在中間你可以食到咁多好野食, 該滿足了。
以前對半杯水故事都有些感覺, 現在好似沒有思考了, 只有反應話:「哦, 仲有半杯水」, 跟住一手拿起飲埋佢, enjoy 佢。

Ellen老師 said...

若果沒收到就比你呀~~~

largeheadboy said...

galaxy︰結構好完整啊呵!^p^
其實要是有半杯水在面前,我會覺得唔係好夠喉,一杯滿便最好了。不過有半杯始終比什麼也沒有好。

ellen︰唔係唔係,冇咁嘅意思!沒收咗佢地好慘架,啲萬字夾咁靚咁可愛!