Monday, November 19, 2007

一粒鐘.做什麼?

一個小時六十分鐘,你可以做些什麼?今天一個小時的午飯時間,我就做了以下這些事情。

1. 到唱片店替朋友買了他期待以久的雜誌。令他牽腸掛肚的原因,就是今期隨雜誌附送的一枚免費 cd 。



2. 到精品店挑選了筆 + 記事簿禮品套裝,用來送給剛升職的同事。過兩天,我又有機會吃免費大餐了!



3. 到電器店買了以為不可能在出發前擁有的 panasonic fz18 相機。



剛過去的周末,我走遍港九新界(好好好,我承認是誇張了一點!),始終找不到這部幾乎全港缺貨的 28 mm 廣角兼且具有 18x 變焦功能的相機。怎樣也想不到在絕望的關頭,竟然可以在公司附近的電器店把它帶回家。我深信用這部相機記錄鋪天蓋地的紅葉一定會很震撼,而我手持着這部相機的時候亦會很型仔,雖然我搞不好什麼叫快門先決什麼叫光圈先決。

至於這一個小時最應該要做的東西,我在最後十分鐘內解決掉。

31 comments:

Anonymous said...

咁要趁出發前操練多d部新dc喎~

largeheadboy said...

roy︰一定要呀!等我今晚叉足佢電之後聽日就開始地獄式訓練!^t^

lau2tang said...

買到就好!
不用實習了!
用全能的iA功能,包你張張靚相無失拖。

largeheadboy said...

劉鄧︰你可以放心了!我真係有諗過借你部機,又或者搶咗你嗰部架!^p^
好多好多個 mode,有排試呀!

Anonymous said...

恭喜買左新相機 ^^
又出發了, 真開心!

Anonymous said...

還有隻飯後果,好健康喎

隻 CD 無盒,就放在圓形透明膠圈內 ?

Anonymous said...

一粒鐘內做咁多野? 有無偷雞先...?

部機的MODE唔駛理住,有IA麻.
最緊要對住木村個廣告練好揸機個POST先.
我練左好耐,單眼望EVF時,仲係會不其然地扯高個嘴.一D都唔型女呀...陰功!

Anonymous said...

咩... 咩...係IA呀? 過兩日我又要扮型女先! FZ18又晌我手...

maymay said...

你呢期就風騷啦,又去旅行,又買新相機~~

睇黎FZ18真係熱賣中喎,連小彭都買左,咁我唔買係咪好執輸呢呵?但係個嘴會扯高我又唔多想喎.....^o^

Ellen老師 said...

若果1粒鐘內做完上述工作,還有小小時間,請執下你的工作案頭,好亂呀!唔該!

光.軍 said...

睇嚟未出發先興奮, 應該好似你咁啦! :D 記得影多d相返嚟睇.

largeheadboy said...

貝拉︰一個月前還沒有想過會過去看紅葉,現在就日日追看紅葉情報。世事真是很難預料!依家心情好緊張呀!

bloc party︰今期你做封面喎!^t^
個圓形透明膠圈好似就係 cd 盒喇!不過我沒有仔細研究啊!

小妹︰12:58 出 office ,14:05 歸位,幾分鐘冇計喇!^r^
單眼看 viewfinder 真的會自自然扯高個嘴嗎?哈哈!我都可以型仔,你又點會唔型女?

小彭︰你手上有部機,點會唔知乜嘢係 iA?過兩日要看你的大作啊!要是有埋型女相就更加好!^O^

largeheadboy said...

maymay︰都係風騷依家呢一兩個月咋,諗起遲下要交稅就灰晒喇!
你屋企仲有更 pro 嘅相機,我地呢啲小兒科啊!

ellen︰老師,我枱頭執完一陣又亂過,我已經放棄咗好耐喇!由得我喇~~~

光.軍︰的確係未出發先興奮呀我!買咗部新相機,一闊三大,仲要買多一張 2G 卡,遲下又要決心換埋電腦,部機我怕佢頂唔住張 2G 卡呀!

Anonymous said...

同團團友相機同
危,速找小妹

Anonymous said...

我... 我... 我真係唔知IA係咩... 打左俾小妹問左喇...

跟住我望住部機, 點解無IA... 無錯呀, 係FZ18(我真係望多次個MODEL#)... 原來係紅色字, 我反而留意唔到! 嘩, IA真係好得意喎!

型女相? 我拿拿聲練下揸機先, 仲要叫團友都練下影相先! ^.^

maymay: 唔買係執輸架, 去買啦! (不過我手上FZ18係借返黎架咋!)

largeheadboy said...

phone 爸︰你呢啲係咪叫言簡意賅?
我就係因為同團團友大讚呢部機我才買,點知依家好頭痕。我諗我都要搵小妹!^t^

小彭︰咁你拍 eason 時是用什麼 mode?
iA 真係好強,想乜有乜,心想事成咁濟!
我尋日找到呢部機嘅現貨時都唔係好相信自己,我都望咗好耐部機,真係 fz18 ……

lau2tang said...

我呢兩日特登將光碟上的說明書印咗出來研究,希望可以舞得掂其他function啦!

largeheadboy said...

乜張光碟係說明書嚟架,但我仲諗點解本書仔咁細本。好,我都 print 埋出嚟先!

lau2tang said...

我都估你唔知o架啦!
不過說明書有好多專用名詞,好難明。

Anonymous said...

劉鄧,
駛唔駛幫手呀?

Anonymous said...

我拍EASON時用P囉!

有問題: 用IA時, 對好焦測好光, 點解個DISPLAY只係有光圈數值而唔見有快門數值? (我無說明書/CD)

一對碗湯, 朵花又真係即刻彈出黎... 好神奇呀!

supageti said...

我諗小妹要快 d 開班囉!^o^

lau2tang said...

小妹,
你肯教我呢個鈍胎就緊喺好啦!謝謝!
等我儲埋啲問題再一次過問你啦。

Anonymous said...

我我我...都買左部有IA功能GE相機呀, 不過呢...機仔黎啫...扮吾倒型女LU! >.<

largeheadboy said...

劉鄧︰說明書原來成百幾頁,沒有 print 啊,我諗 print 咗而我又真係咁神心去睇都未必會明囉!>_<

小妹︰我都要幫手啊!今日拍咗好多張,完全舞唔掂呀!

小彭︰其實呢,P mode 同 M mode 又有乜分別呢?光圈同快門,我仲未知佢地做乜同埋有乜分別!我諗我都係用 iA 算吧喇!

意粉︰小妹肯開班我第一個報名呀!

joeyee︰有啲人唔駛扮都好型,我諗你都唔駛點辦啩!至於我……hehe!

Anonymous said...

小妹流亂咁來解釋:
P = program, M = manual

P mode呢, 有d似auto, 部機已幫你測好光, 設好光圈及快門值. 但要知道有很多因素會令測光被誤導, 在P mode就仍有些功能可以adjust, eg. iso, +/- ev, white balance and etc..., 如用auto就無得較了. 所以一般用用P mode會好過auto.

M mode 就乜o野都要自己來了, 你出門在即不要理它住好了. A mode都好好用, 有時間就試多d佢啦.

Anonymous said...

小妹, 你提出A mode, 我驚大頭當Auto喎...

個人喜好: 風景用16:9, 人像用3:2

點解今日個太陽lee埋左ge... 嗚嗚... 真係濕滯...

largeheadboy said...

小妹︰麻煩你咁夜都開個雞精班!
p mode 我冇點用過,呢兩日剩係搞什麼快門光圈頭都實晒。其實我呢類白痴 a mode 和 s mode 可以唔理住個呵?好,今日就深造下 p mode 先!

小彭︰a mode 我成日都當左係 auto 呀真係!^p^
部機有廣角,再改 16:9 係咪感覺再 wide 啲架?一時轉呢個一時轉嗰個,我怕阻住賞紅葉啲日本仔畀佢地踐踏呀!^o^
依家先八點幾成日流流長,太陽實會露面嘅!

Anonymous said...

大頭: 我部LX1(都係P記)要16:9先有28mm, 我唔知FZ18係唔係, 要研究下先.

Anonymous said...

光圈快門都未攪點就去買部咁貴ge機, 吾...呢d係米叫至諸死地而後生呀! ^o^

largeheadboy said...

小彭︰咁複雜?
咦,太陽出來了!

joeyee︰其實我只係想要廣角咋……