Thursday, November 22, 2007

試機日

買了新相機,這一兩天便不斷的拍、拍、拍。

香港公園的早上。


中飯在金鐘力寶軒。


香港公園的晚上。


跟自由行到了金紫荊廣場。


晚飯在銅鑼灣小南國。


我有嘗試用不同模式拍攝,但得出來的效果似乎都不太理想,不是偏暗手震就是微粒粗。之前我已向熟識攝影的同事請教,可是什麼時候要推高快門校大光圈調校 ISO 我還是搞不清楚。事實上,快門和光圈是什麼有什麼分別什麼時候要用,我仍然很迷茫。

昨天一口氣拍了二百多張照片,最得我心的一張並不是由我操刀,而是由侍應姐姐輕描淡寫、不廢吹灰之力所拍下的一張大師級抽象照。



或者我那部傻瓜機要被重新徵召入伍了。

18 comments:

Anonymous said...

日景的拍得不錯啦.
唔...我開始懷疑大頭欺咋傻扮矇...

Anonymous said...

我都覺得香港公園d相吾錯啊!

抽象照好勁啊! 你部機無得即時番睇ge咩?!!!!!???

小妹: 我仲未學識淺景深呀! >.<

supageti said...

影得好好吖,傻瓜機?擗左佢罷啦!

小妹:大頭咋傻扮矇其實係想人讚佢,呵呵!

lau2tang said...

啲相已經好過哂你以前嗰啲啦喎~~

largeheadboy said...

小妹︰冤枉呀!我冇詐傻扮矇呀!我影左咁多張至揀到一兩張見得人咋!你放大來看就見到鬆鬆地喇!

joeyee︰嗰張抽象相望得耐會頭暈架!拍完呢張,侍應姐姐都即時幫我地拍返張冇咁抽象嘅。^o^
景深,有花花掣 IA 咪得囉。

意粉︰傻瓜機冇左佢唔得架!我會冇晒自信架!乜你真係覺得可以嗎?我覺得一般咋,始終用慣 canon ……

劉鄧︰唔係嘛,我以前啲相我好自豪個喎!仲未操熟部機,很冇信心。

Anonymous said...

係,流水個張唔錯, 仕應影個張好攪笑 ^^

maymay said...

我都覺得日景拍得唔錯,夜景同室內照就差d,還需努力操練啊~~
條魚表情甚痛苦呢!

Ellen老師 said...

藝術老師認為~~~待應相,拍得好不錯,好有莫奈feel

Anonymous said...

係要俾多d時間操熟部dc,增加自信心~

光.軍 said...

張抽象照好有想像空間, 係一張謝師宴照片還是家庭宴照片呢? 還是用ps執到矇o既呢?

lau2tang said...

大頭,
網上都有好多料可以解答你個光圈及快門問題。
http://www.cccss.edu.hk/physics/resources/resArti/articles/27.pdf

http://www.dcfever.com/photographic_techniques/lesson6_1.php

largeheadboy said...

貝拉︰不過流水那張都係有啲手震,似乎石膏手功效不大!^p^
我都唔知點解侍應姐姐原來咁高手!

maymay︰拍夜景腳架真係唔少得,諗緊好唔好抬一支過去……
條魚咁痛苦,正是因為侍應正幫佢解剖。不過條魚好好味。

ellen︰呢啲算唔算印象派代表作呀?

roy︰今晚跟小妹出咗去拍夜景,臨急抱佛腳。拍夜景最緊要校細快門,至少兩秒,同埋要定。啱唔啱呀?(都係仲未有信心)

光.軍︰張抽象相係尋日跟同事食飯時請侍應替我們拍的。怎料她竟可以拍出此大作。冇執過架!

劉鄧︰謝謝你啊!我都唔知仲有冇時間睇 lu!不過我諗我都要望一望,安心啲嘅。星期六再跟你實地切磋一下!

Anonymous said...

係咪紅酒黎嫁 ? 午飯都飲紅酒,富豪生活喎 !
我部機係英文menu, 快門英文係乜 ?

largeheadboy said...

galaxy︰嗰幾杯係提子汁嚟咋!當天酒家做緊 promotion ,所以唔駛 $ 架!
快門即係 shutter ,光圈就係 aperture ,不過我都唔係好分到佢地。

Anonymous said...

可愛的大頭: 拿拿聲去買腳架啦(如果你有打算拍夜景/夜賞紅葉)... S MODE, 你得架喇!

largeheadboy said...

小彭︰你叫我用 s mode ,今日同事就叫我用 m mode ,晚上朋友又叫用 a mode ,我真係頭都大晒!都係 iA 算喇!

Anonymous said...

大頭, 無論用S/A/M, 都可出到同一個曝光值, 可說殊途同歸, 你用邊個都得架. 你邊個用得順手就用住邊個先啦.

largeheadboy said...

小妹︰謝謝你的提醒!我一定會去食小妹牛好好報答番你!(哈哈,開始語無倫次!)