Wednesday, February 27, 2008

第十四章︰深呼吸.鞍馬

從貴船到鞍馬,要登上長滿參天大樹的鞍馬山。這段山路平日已經不太好走,這天因為下雨關係地面十分濕滑,所以走起路時要格外小心。經過魔王殿、木の根道等景點,將近一個小時後就來到鞍馬寺本殿。



老實說,之前走的一段路沒有什麼看頭,很多地方我們都沒有停下來慢慢細看,或者我們對牛若丸和天狗等故事都沒有多大認識。不過,隨後前往仁王門的路卻十分精彩,因為眼前又是一片又一片的紅。



彎彎曲曲的九十九折參道,以及在秋天舉行鞍馬火祭的由岐神社,都令我們不期然放慢腳步來,還恨不得這段路可以一直走下去。



可能大多數人都選擇乘纜車登上本殿,這裏遊人不算太多。就是這樣,我們得以獨享這個寧靜的小世界。



咦,從哪裏跑來這隻小螃蟹?



步出仁王門,總算順利完成了兩個小時的貴船鞍馬健行。



渾身汗臭,也有點兒累,在這個時候泡一趟溫泉就最好不過了。離鞍馬駅不遠兼且有送迎巴士接送的鞍馬溫泉就是不二之選。這裏入浴費要 1100 円,毛巾另加 200 円,很貴,但能夠一面泡溫泉一面呼吸秋天的氣息,這些錢省不了。



回到鞍馬駅,看見距離電車開出的時間還有一點點,就趁這小小空檔,努力留下多一點美好的回憶。



走進車廂,是時候跟外面七彩的世界說再見了。

16 comments:

naruto said...

景好靚,如天氣好應更靚,個溫泉好得

貝拉 said...

如你早些出這遊記,相信我會去的,很美...

roy said...

momiji...開始有點膩了......

largeheadboy said...

naruto︰係呀,有陽光應該會更好,但我都已經好滿足了!
呢個溫泉都可以啊,其實睇住風景一路浸溫泉真係一生一大樂事。

貝拉︰哎呀,大早寫快啲喇!不過你去的地身仲靚啊!呢度好似話今年一月一日都落咗今個冬天第一場雪,可惜那個時候我身在大阪。

roy︰哈哈,終於頂唔順了嗎?^^
幸好這篇正是最後一篇紅葉。紅葉終於要講句再見了!

歐巴桑 said...

哈!我們還有一篇紅葉想記下來
算起來要是有能耐完成所有記錄的話
恐怕櫻花都開埋啦

Anonymous said...

If you want to repeat the journey, I'm more than happy to be driver...Ricky

supageti said...

終於睇完紅葉嗱?好野!^o^

largeheadboy said...

歐巴桑︰哈哈,真係呀!只剩下一篇?我還以為陸續有來添!
寫完呢次行程,寫埋年末年始之旅都好喎!^o^

ricky︰係喎,年尾又去一轉?我地舊年個導遊已經訂咗聖誕機票喇!

意粉︰紅葉呢 part 完咋,仲有幾篇成個行程先至完呀!^t^

supageti said...

總之唔駛再睇紅葉就得啦,呵呵 ~~

lau2tang said...

你呢幾篇紅葉我打算留番喺08年秋天先慢慢睇!

lau2tang said...

p.s. 張大鼻相好得意!

largeheadboy said...

意粉︰咁遲吓有機會畀啲桜花你睇吖!^^ 

劉鄧︰得好少字之嘛,睇咗先喇!秋天話唔定我個網都摺咗喇!
大鼻公仔原來就是天狗啊!

supageti said...

唔好等到秋天(如果未摺既話)至俾我睇呀吓 ~~

largeheadboy said...

我怕真係有啲難度添!^^

joeyee said...

貴船...
我諗起動畫"少年陰陽師"裡面ge龍神.

largeheadboy said...

joeyee︰完全搭唔到咀添!:p