Tuesday, May 06, 2008

不帶腦袋去旅行

剛剛收到兩家倫敦的旅館傳來電郵,告訴我希望入住的日子仍然有房,着我回覆作實。好了好了,連同昨天落實的馬德里住宿,現在開首八天的住宿已經搞定,餘下來應該還有五個城市大概十天住宿要處理。

單單預訂倫敦的住宿,就已經令到我的白頭髮起碼多了 126 條。倫敦的住宿真的貴了很多,除了英鎊高企之外,跟美元掛鉤的我們變相也要付上更高昂的房租。記得 1994 年第一次到倫敦時,20 鎊就已經可以在旺區 Victoria 找到連英式早餐的住宿。現在,一般比較像樣、地點算是適中的 b&b 至少要四五十鎊才有交易。早餐你也別妄想有豐富的英式早餐,有幾塊多士的歐陸式早餐已經是大恩大惠了。當然,房間要是連浴室和洗手間,又要多貴幾鎊。

選好了心目中理想的旅館,還不要立即訂房,因為還要到 trip advisor 等旅館評級網站,查看世界各地的網民留下的評語。你以為好的,往往可能是最差的。幾年前貪便宜誤信網上美麗的照片,訂下倫敦某家旅館,怎料去到才發現是家黑店,地方污穢不特止,職員也不太友善。如果當時看到下面對這旅館的評語,我想再便宜我也不會入住。
This place should be burned to the ground. It is like stepping into your worst nightmare. Avoid this place at all costs.

至於西班牙,自從加入了歐元區之後,物價也暴漲了不少。當年這家位處馬德里大站 Atocha 對面的 Hotel Mediodia 每晚才是港幣三百多塊,現在已經索價過千。幸好現在訂好的旅館價錢相當實惠,地點也很不錯。



從 Hotel Mediodia 頂層的房間外望,就是在 2004 年曾被恐怖份子放置炸彈造成重大傷亡的 Atocha 車站。



從前我常說,編排行程是件樂事,看着旅館呀、車程呀、景點呀穩穩妥妥填進行程表,會有很大的滿足感。現在,單是訂旅館就已經搞到我頭昏腦脹。之後,還要編排車程和安排景點,頭痛的日子還很漫長啊!這一刻,我是多麼想不用帶着腦袋去旅行啊!

23 comments:

Anonymous said...

今次完全無野幫得上添~

largeheadboy said...

roy︰有架有架,例如幫我留意下啲歐羅幾時平幫我入啲喇,又或者請我去見城幫補下我!^t^

Anonymous said...

路過代答:見城樣家陣“行開”咗喎,唔知對的水準有無影響?
(速逃~)

maymay said...

點解會係126條呢?

supageti said...

你請埋劉鄧去咪得囉,哈哈!(我又黎搞下事,閃 ~~~)

Anonymous said...

吾想帶腦去旅行米跟團羅!

真幸福, mm至返, 又去第二處.

lau2tang said...

呢一個trip無興趣!
下一個trip吖,都可以考慮吓嘅!

largeheadboy said...

呀邊個︰我要求好低架咋,基本上擺得入口就得架喇!水準有冇影響都冇所謂,因為我都未去過!^g^

maymay︰我真係有一條條數住架!

意粉︰劉鄧請都未必去喇,東洋就話啫!

joeyee︰跟團又唔鐘意呀!
冇喇冇喇,去埋呢轉有排都唔飛住喇……應該!^c^

劉鄧︰你同 winnie 一樣,請埋你都唔去!?
下個 trip?我做下嘢先!^d^

Ellen老師 said...

真係有一條條數住~~未講大話喎!

Anonymous said...

唔帶腦去旅行一係要帶多個合適嘅人去, 一係就帶多d錢~

Anonymous said...

倫敦的消費真係得人驚^^

largeheadboy said...

ellen︰當真!今日又多咗 84 條喇!

小彭︰又或者帶部腦過去,有乜事起上嚟可以即刻轉 plan b。依家頭幾晚的旅館都有 wifi 上網呀!發達!

歐巴桑︰如果今次唔係事必要到倫敦,我都未必會花成五天在那裏。究竟啲嘢駛唔駛咁貴呀?睇嚟要抬定箱丁麵過去!^t^

Anonymous said...

我出左名係低沽高入架喎......

largeheadboy said...

roy︰咁呀,你沽嘢嘅時候通知聲吖唔該!^t^

唔知點解我每個 post 下面都有個 rating ,既然係咁,行開行埋畀五粒星過我吖!^p^

naruto said...

記住可樂係貴過礦泉同紅酒,喺餐廳唔好飲

旅行要有PLAN,但SET得太足,就太緊張啦!SET咗大地區同一定要去嘅地點,其他慢慢摸樂趣更大,額外見到嘅比你可能去唔到嘅更精彩

supageti said...

唔見有 rating 喎,暫時淨係見過 maymay 個 blog 有,不過依家都無左 lu。

Anonymous said...

我無貨晌手點沽......
rating尋日見到,今日無

largeheadboy said...

naruto︰謝謝提醒!同埋要去廁所的話寧願去飲杯珈琲借兼借埋廁所用,唔好畀錢去廁所。
我好同意你咁講呀,去到自由發揮,想去邊就去邊。但係由於會去好多地方,所以仲搞緊個行程,呢個一定要搞好啊!

意粉︰我今朝有嗰喎,依家又冇咗。我見我地個版面配置有 rating 呢個選項,乜新加架?我又冇揀到佢喎!好神化咁喎!

roy︰睇怕你當年啲歐羅同英鎊都冇晒 lu!^t^
乜尋日已經見到有 rating 喇你?我自己都係今日至見到!

supageti said...

我櫃桶底有幾十蚊歐羅喎 ~

largeheadboy said...

意粉︰你咁講係咪有乜嘢特別意思呀?

supageti said...

答下爹啫 ~ ^o^

largeheadboy said...

你明我意思個呵?^p^

supageti said...

咁即係咩呢?哈哈 ~