Wednesday, May 14, 2008

第十七章︰神戶半天

匆匆離開姬路,趕及午飯時間來到神戶。來神戶,目的只有吃。

首站是小妹當年推介過的ステーキランド(Steak Land)。



有說這店近年質素差了,但對我們來說沒有什麼關係,因為我們從沒嘗過神戶牛,所以這頓每人 2,980 円的午飯我們都吃得很開心。更重要的,是這裏白飯任裝。



雖然來神戶的目的是吃,但怎樣也不能吃飽後就離開。神戶是日本其中一個最早向西方開放的港口,所以西風甚盛。走在街上,看着不同風格的建築物,已經是個很好的節目。



沿北野坂往上爬,很快就來到風見鶏の館。這天剛好碰上風見鶏の館的休館日,不過沒相干,因為我們從沒有想過入內參觀。



我們沒有詳細研究地圖,只有隨隨便便在北野四處蕩。跟着兩個日本美少女,無意間來到附近的一個人跡罕至的展望處。



至於各家異人館,從外面看已經足夠了。



回到三宮、元町一帶,看到賣牛肉的店子排着人龍,就趁熱鬧走過去買了件新鮮出爐的可樂餅。



拐個彎就是神戶的中華街,我們又吃了熱騰騰的鮮肉包。



既然神戶是個港口城市,怎樣也要到海邊走走。經過舊外國人居留地,看見工人正忙着準備幾天後就開幕一年一度為紀念 1995 年阪神淡路大地震的神戶 Luminarie



跟我們緣慳一面的,就是這來得帶點夢幻的影像。


(網絡照片)

終於到了海邊,已經是黃昏了。我們也看到神戶市的地標神戶塔,不過風很大,也有點冷。



雖然只留了半天,但我知道我會再訪神戶,因為這裏實在不只有吃。

24 comments:

Ellen老師 said...

噢~~又來!
天氣反常,5月都有紅葉睇喇!
5 day個應寫得快D喎!

Anonymous said...

光之迥廊我都好想睇!

largeheadboy said...

ellen︰有始有終嘛!呢個應該仲有三篇就收得工架喇!至於 5 day 嗰個,都應該喺一個月內完成。

lala︰我之前完全唔知神戶有呢個紀念地震的 light up,不過就算知時間都配合唔到。我諗現場睇一定好震撼,成 20 萬個燈泡啊!

naruto said...

最後兩張好靚,睇嚟下次旅行又多一個選擇

largeheadboy said...

naruto︰尾二嗰張亮燈照唔係我影架!我邊有咁好彩遇上啊!駛唔駛加返句嘢呢?

naruto said...

你寫咗,我都知。
唔係你影啫,張相都可以靚架

maymay said...

光之迥廊係咪長期都有架?
站於其下,一定好熱!

光.軍 said...

神戶不只有吃.還有是..?似乎有點玄外之音咁喎 (*.*)

Anonymous said...

明明係去左長野架... 又變左姬路神戶... 攪到我精神分裂!

lau2tang said...

好心你就加番啲分類標題啦!
一時紅葉之旅,一時又櫻花穿雪牆之旅,中間仲要加插放狗一日遊,連我呢個忠實讀者都畀你搞到頭暈~

Anonymous said...

認識的人當中大叔是唯一一個想購票入異人館參選的"異人"呢^++++++^

Anonymous said...

我之前既神戶半日遊同你一樣,都係去左北野(無入館),元町steakland食神戶牛,南京町中華街同神戶港~

supageti said...

神戸好似去過五次 lu,我地都似曾俾過錢入異人館呢,哈哈 ~

largeheadboy said...

naruto︰咁又係!不過 credit 返人地都應該嘅!:P

maymay︰唔係呀,淨係每年十二月初舉行一個禮拜左右,紀念神戶大地震。
我諗唔會好熱啩,十二月都幾涼啊,唯一擔心是人多,每年都有四五百萬人參觀啊。

光.軍︰神戶當然唔只吃,我呢次只留了半日,覺得好唔夠,有機會好想慢慢細看這個城市。

小彭︰哈哈,就係想大家同我一齊精神分裂!成功喇!hehe!

劉鄧︰哈!我終於有第一個忠實讀者喇!睇嚟可以組織 fan club 喇!^o^
有標題架!呢個用第 X 章,嗰個就用五天精華遊,分得好開架!
我都有諗過加返個分類,但仲未研究點整啊!

歐巴桑︰異人有好多哩!唔係啲異人館都冇咁多收入喇!其實可能我地呢啲唔入異人館嘅先至係異人!

roy︰呢個我諗係神戶嘅基本行程,有機會再遊神戶我想上八甲田山啊!

意粉︰你啱啱呢次都好似有路經神戶啊呵?五次!我去南丫島都冇五次呀!

lau2tang said...

亞帥哥,
八甲田山在東北,你想去嗰個是六甲山。
整分類好容易,icon 就在你打文章的框框右下角。

Anonymous said...

大頭, 你係咪去左板前食八甲田芝士蛋糕?!
我個精神分裂都醫得七七八八, 得閒食d好野都可以control到, 家下又比你攪到翻發... 咁下次去覆診大家撞到就唔使左閃右避, 可以大大方方打個招呼啦!

largeheadboy said...

劉鄧︰咦,係喎!不過八甲田山真係都想去架!^_^
唔知呀,我成日寫埋啲無聊嘢,有啲可能分唔到類架喎。

小彭︰冇食過呀,乜八甲田有牧場嘅咩?
我啲精神分裂嚴重到醫唔到架喇,我都放棄咗好耐 lu!
等我下篇又由神戶飛返去雪山先!^p^

Anonymous said...

係呢個呀, 板前有得食.

http://www.arpajon.co.jp/sato/index.html

Anonymous said...

我最近搵到間2700円神戶牛午餐,如果我下次早過你再去神戶,我試過後再話你知靠唔靠得住!

largeheadboy said...

小彭︰真有其物架原來!咁去板前食咪好抵囉!

rempei︰2,700 円咁抵?又或者如果我早過你去,你話個地步我知等我試完話返畀你知都得。^_^

Anonymous said...

真係好似韓國既燈飾...無得頂...

largeheadboy said...

貝拉︰係囉,所以上次睇你的韓國遊記我都話好熟口面咁。

Anonymous said...

大頭,梗係無問題啦!而家就話過大家知!
望吓呢樹:

http://hk.myblog.yahoo.com/jw!wc_NVZOBEQV.C6yAjaIhJIg-/article?mid=154

largeheadboy said...

咦,蔬菜都多啲喎!