Friday, November 14, 2008

第十二日走進法國

這天大清早就從巴塞隆拿出發,乘火車到法國南部城市蒙彼利埃 Montpellier,然後轉往這兩天的目的地亞維農 Avignon。沿途經過大大小小的車站,不知不覺我們就離開西班牙進入了法國國土。


抵達 Montpellier,我們立即到法國鐵路局 SNCF 的櫃檯預訂兩天後的車票。原本我們計劃經尼斯到熱內亞 Genoa,然後沿地中海前去意大利佛羅倫斯,怎料職員說熱內亞到佛羅倫斯的路線已經取消,着我們選擇其他路線。那一刻,我們完全束手無策,因為我們從沒有想過這條連接法國和意大利的熱門路線會取消啊!


幸好,那位貌似高傲但其實尚算友善的職員很努力替我們搜尋其他接駁方法。最後,我們要先從尼斯前去意法邊境城市 Ventimiglia,然後經熱內亞北上米蘭,最後南下佛羅倫斯。沒辦法,這算是一條沒有那麼轉折但又能夠同日抵達佛羅倫斯的路線。就這樣,兩天後我們整天都會花在火車上。整天的意思,是朝七晚九。


在 SNCF 耽誤了不少時間,結果比預算晚了一個小時才到達亞維農。


最初計劃這趟旅行其實沒有打算到法國,只是如果以鐵路方式遊西班牙意大利,必須經過夾在中間的法國。就這樣,我們決定擠出兩晚時間在亞維農,還可以順道看看剛好這個時候盛放的太陽花和薰衣草。錯有錯着,這兩天可說是整個行程最令人回味的兩天。


亞維農從前是個寂寂無名的小鎮,直到十四世紀教宗選擇在這裏居住,才令這個地方一夜成名。這裏有名的建築,也大都跟宗教扯上一些關係,例如教皇皇宮 Palais des Papes 和旁邊的聖母教堂 Notre Dame des Doms。


基本上,用兩條腿就能夠走遍整個亞維農舊城區。除了南北貫穿亞維農的大街比較繁忙之外,這裏其他的街道都十分寧願,滿是法國風情。


在亞維農的這兩晚,我們會入住兩家不同的旅館,因為這晚有 wifi 有空調包早餐的旅館明天客滿,要遷往另一家沒有 wifi 沒有空調不包早餐但房租一樣的旅館。這家 Hotel Mignon 雖然離車站十分鐘,但就更接近亞維農最有名的景點斷橋 Pont d'Avignon。


我們的房間很小,但窗外矮小的房屋之間的摩天輪算是個補償吧。


架在羅納河上的斷橋 Pont d'Avignon 可謂多災多難,多年來不斷被洪水破壞,修補過後又被沖倒,最後在1668 年一次大水災後就索性不再修築,原來的廿二個拱門到現在只剩下四個。不過,這道永遠到不了對岸的斷橋,現在反而成為遊客必到的景點。


將近三個星期的旅程總不能晚晚外出吃飯,所以除了杯麵之外間中也會到超級市場買東西吃。這晚,我們的晚餐就是自家製的火腿煙三文魚三文治。


這夜夜涼如水,我們沒有開冷氣,只是把窗子打開,看着外面轉過不停的摩天輪。

22 comments:

Ellen老師 said...

實在太可怕~~~

largeheadboy said...

老師,畀吓面我好喎
之後我仲會摷返個雪之大谷出嚟架喎!

supageti said...

哈哈,有我捧場 ~~

出門總會遇到好多人算不如天算既時候,印象仲深刻啦。

依個版面做遊記好睇好多。

lau2tang said...

要睇太陽花同薰衣草ge話,使鬼咁辛苦坐十幾個鐘頭飛機咩~

rempei said...

突然間出個遊記續集,有少少接唔上~~

但,我仍然支持您!帥哥,努力啊!!!

Ellen老師 said...

大頭叔~~

老師好有愛心~~

寫埋呢個不如休息下~~

largeheadboy said...

意粉︰謝謝你呀!真係呀,日常生活都經常有好多出人意表的事情發生,更何況係人在他鄉呢?或是呢啲可以當做一種鍛鍊。
我都覺得依家個版面舒服啲啊!^O^

劉鄧︰歐洲睇太陽花同薰衣草感覺又唔同啲嘅,四周環境同氣氛都唔一樣,雖則我覺得日本嗰啲好似靚啲,但係就人工咗啲~

薯嘜︰嘻,唔駛接得上架!^t^
同埋遲下真係會上埋個雪之大谷,整緊架喇!驚到時跟唔到嘅可以溫定書架,哈哈!

largeheadboy said...

老師︰我又想喺出發之前搞掂埋呢兩個遊記呀,如果唔係我驚我又唔寫年末年始架喇~
唔休息得架!!

光.軍 said...

嘩!大大朵o既太陽花好靚呀!一朵一朵朝住同一個方向.好似同人Say Hello咁喎!!

小彭 said...

你個d兩條腿走遍亞維農舊城區, 係咪對行家而言架咋?!

總之覺得去歐洲係好煩的一件事!

貝拉 said...

南法呀! 薰衣草呀! 我都要出番個北意大利之旅先! 小彭: 唔煩架! 去一個國家跟住玩埋自駕. 正!

largeheadboy said...

光.軍︰太陽花是令人感到很有朝氣很有生命的花,每次見到佢地都覺得好開心~~
我仲好蠢咁問導遊哥哥種咁多太陽花做乜,原來係要啲種子,即係葵花子。

小彭︰不過依家去歐洲又真係好平喎,機票又平歐羅又低,何苦仲要去日本呢咁貴~~
其實亞維農舊城我地邊有行晒,我地剩係行咗遊客必到嘅地方咋!^V^

貝拉︰好呀,你又出番你嗰個北意大利之旅吖,造福吓大家都好吖嘛!

maymay said...

好驚,依家先第十二集,數數手指即係仲有.....七.....集!
不過d花又係幾靚喎~^_^

小妹 said...

YEAH! 看到太陽花啦~
好好哦~你有得下車影葛德全景.
嗱, 你唔好俾我知道你第二日在AVIGNON都無出街食呀吓!

largeheadboy said...

maymay︰我呢個長做長有,起碼做到年尾,仲勁過乜嘢花好月圓架!^t^
啲花花好靚架真係,同埋天氣好乾爽好舒服,有機會淨係玩南法都好~~

小妹︰嗰度叫葛德呀?其實我都講唔返佢個名出嚟~~
我地喺嗰度留咗半個鐘,之後仲停埋喺呢個最佳取景嘅地方畀我地影相添呀!
第二晚有出去食,不過係食唐餐囉竟然。詳情要留意我下一日嘅報道呀~

supageti said...

食唐餐?真係估你唔到 ~ 哈哈 ~~

歐巴桑 said...

好懷念亞維農和法國南部
有機會真係好想再去~

largeheadboy said...

意粉︰係喇,竟然在法國食唐餐,呀導遊哥哥好介紹架嘛~~

歐巴桑︰咁得閒就入定啲歐羅喇,依家真係好低啊!
如果今轉有多幾日喺南法,慢慢發掘一下周圍的景物,應該會是很不錯的旅程。就下次喇!

lala said...

我接受唔到被取消行程而又毫無把握解決事情呢種感覺 ...... 所以都係日本好!

largeheadboy said...

lala︰不過依家諗返轉頭,呢啲預計唔到嘅事情可能令你更記得嗰次行程。就係因為想搭的火車沒有了,反而令我去咗沒有計劃去的米蘭,雖則只係停咗一粒鐘。
不過講開又講,日本真係乜都好呀!^g^

galaxy said...

當意外收穫囉 !

largeheadboy said...

galaxy︰都係呀,唔知幾時再去意大利,依家可以話畀人聽我都去過米蘭啊!^_^