Saturday, November 22, 2008

一年前.一年後

一年前的這個周末,早上打過羽毛球後跟大伙兒到了金鐘的萬豪酒店茶聚。那時候,我正整裝待發預備到京都賞紅葉去。

一年後的今天,我們重演了一年前發生過的事情,同樣是打過羽毛球後來到同一個地方茶聚。不過,今年代表我們到京都賞紅葉的另有別人


跟去年一樣,我們坐在叫人坐得很舒服的靠窗梳化。這天,我們還來了幾位生力軍,其中最受歡迎的肯定是這個笑容燦爛的小寶寶。


這裏的食物跟去年的大同小異,不過擺放甜點的地方改了,款式也好像沒有去年那麼多。至於曾經備受追捧的生滾粥依舊大排長龍,不過份量可否不要那麼多呢?


雖然今年沒有得到 2009 年的港版鬆弛熊月曆,不過這天的收穫還算不錯。謝謝師姐新鮮從馬交親自速遞回來的手信。


沒變的,還有大家繼續談過沒完沒了,到了華燈初上才肯離去。


一年後,大家又會再在這裏聚頭嗎?

19 comments:

Ellen老師 said...

會~~~
1年後代表大家到京都賞紅葉的是~~老師

roy said...

翻查番先知剛剛一年前差兩日晌同一地點做著同一件事, 不過真係今時唔同往日lu~
希望依個一年一會會持續進行~

ellen你一年後轉行乎......

lau2tang said...

咁繞啫~唔使刻意嘅!開心嘅幾時約食飯都得啦~話時話,呢間的甜品真係弱咗少少,又無咗人彈琴。

supageti said...

原來大頭壽都好有 heart 喎,加分!哈哈 ~~

largeheadboy said...

老師︰好呀!就派你做代表喇,不過你一定要過去至好呀吓~~ ^P^

roy︰真係眨吓眼又一年,b 朗都八個月 lu~
真係一年一次都唔錯呀,然後我地睇住 b 朗上幼兒班小學中學大學。嘩,好驚呀~~ :p

劉鄧︰其實我一路都記得架,最主要原因係舊年呢個時間準備飛囉。
哈哈,我地又定咗嚟緊兩餐飯啊!
雖然甜品弱咗又無 live music,坐得咁舒服就乜都抵番晒。

師姐︰我不嬲都咁有 heart 架喇!咁應唔應該得到 2009 年鬆弛熊月曆獎勵一下呢?^v^

roy said...

傾好左之後兩餐飯喇, 幾時出mail報名?

師姐我都想要2009年多拉月曆~~

lau2tang said...

個個都搵師姐做聖誕老人!

小彭 said...

呀... 我唔記得左呀... 我唔使上堂呀... 經理人又唔提我!

咦, 無ham嘅?!

largeheadboy said...

roy︰係喎,舊年你好似有叮噹月曆喎,今年就食白果~~
第一餐出 mail 有難度喎!^_^

劉鄧︰做聖誕老人都好吖,好受小朋友歡迎架!^o^

largeheadboy said...

小彭︰經理人點做嘢架,快啲換咗佢搵 paco 喇!你好似話得嘅話就搵我架嘛~~
好似無 ham,其實好多嘢都無,不過勝在環境好囉。我地仲見到幫屋企人買重保險嗰位姐姐呀~ ^o^

supageti said...

我咩都睇唔到,哈哈 ~~~

rempei said...

環境真係好舒服,食物質數可以好D~~

帥哥,謝謝您的fruit tart

largeheadboy said...

師姐︰睇唔到啫,你會記得嘅,哈哈!

薯嘜︰lunch 好間唔中都會嚟呢度,不過每次都趕頭趕命,能夠坐它三五七個鐘就最好喇~
fruit tart 又何需掛齒呢?尋日都有大量供應呀!^o^

小彭 said...

經理人, 我諗我要搵個助手喇! 無ham, 要食番三五七杯雪糕先得喇!

roy said...

雪糕得士多啤梨同奶油曲奇,前者好快無晒...

第一餐mail有乜難度呢?

roy said...

我估師姐已經安排好,等俾個驚喜我地~~

largeheadboy said...

小彭︰經理人做埋助手囉,呢排 cut budget 好犀利呀!
嗰日我狀態唔係太好,食得一杯雪糕咋~~

roy︰之前有士多啤梨咩原來?之後據報出現過云呢拿同埋朱古力,不過我都係只得到奶油曲奇。
第一餐火鍋吖嘛,難度咪呢道囉~~ ^t^
我都覺得師姐好體貼嘅。

小妹 said...

b朗張相, 你影的好好呀!
好耐無食到滿足的tea buffet了, 呢間又差左, 仲有邊間好去呢?

largeheadboy said...

小妹︰嘿,我影咗好多張至揀到一張出嚟架咋!^t^
呢度可以坐咁耐,有得hea,又叫做唔駛同人搶,我收貨架喇~~