Tuesday, November 25, 2008

大滿足的火曜日

懶惰的學生,通常只會在上課前一刻才肯拿起課本溫習,所以今晚我就決定要把日曜日至土曜日背熟。不過,友人忽然提議晚上到佐敦堂記吃腸粉,懶惰的我還是一口答應了。

下了班,在下午茶時段完結前跑到快餐店,然後一面喝着珈琲一面溫習了半個小時。我相信,即使這晚留在家裏,在四方八面的引誘下,或者最後連半個小時的溫習時間也沒有。


據知情人士透露,堂記要到接近八時才開門營業,於是我們先到廟街逛了一會兒,然後鑽進一家茶餐廳打發時間。怎樣打發時間?當然又是吃。


我們算走運,八時左右抵達堂記,花了不到十分鐘不但找到座位,還成功吸引歐巴桑的注意替我們落單。我們後來就看到不少人即使找到座位,但因為苦等不到歐巴桑前來落單就泄氣地離開。


雖然我們三個人都不太餓,但還是每人點了一碗粥,另加四碟腸粉,因為我們知道單是等待腸粉就要接近半個小時,之前吃的什麼什麼都應該消化掉。


回到家,還剛好趕及追看每逢月曜日和火曜日播放、總叫我不能專心溫習的 Brothers & Sisters


短短一個晚上就做了這麼多事情,絕對是大滿足啊!懶惰的學生,明天水曜日的午飯時間就用來溫習吧!

18 comments:

Ellen老師 said...

はい~~~金曜日は老師來問書呀!
懶惰の學生はがんばれ。

largeheadboy said...

老師︰はがんばれ好似未教呀,唔好整個咁深嘅嚟喇~~

ROY said...

がんばれ=奸巴呢

尋日經我地調教, 依家記星期幾係咪快手左~

rempei said...

堂記出品如何? 你估星期六開唔開?

supageti said...

有無交補習費呀?

largeheadboy said...

roy︰喎,嗰個は係“嘩”,咁奸巴呢係咪又唔同奸巴爹架?
我記得架喇,今日係三點水~~ ^t^

薯嘜︰都 ok 架,不過真係要等好耐至有得食囉,或者再夜啲少啲慕名而來嘅人就唔駛等咁耐。禮拜六應該開嘅,好似周三同周日例休。

largeheadboy said...

意粉︰嘿,尋晚都未問萊少攞返陪食費添呀話時話~

lau2tang said...

點解無人教我點記架~
成日都食唔到呢間, 無緣呀~

紅米奇 said...

又比你第一張相扼左tim
以為閉關tim, 書係要溫 ge
不過當然係食為先, 你第2日先溫一樣掂啦

歐巴桑 said...

算吧啦
火矅日咁忙,水矅日實很累啦
留番木矅日先"勉強"吧^o^

rempei said...

今個禮拜六晚我想同太座去試試,希望唔會失望啦!

小彭 said...

我早幾個星期六(十點幾)去過堂記, 都係等一陣有位囉! d食物係比佢預定時間內早到的.

大頭學左がんばる(基本型/辭書型)先啦! 我今日都好乖, 溫左半個鐘日文.

largeheadboy said...

劉鄧︰你都已經記熟晒喇,你教我就差唔多。
尋晚有諗住叫埋你架,不過諗住你又未必會專登出嚟~~
隨緣喇,正如我都冇諗過會食到元朗車仔麵~

紅米奇︰今日 lunch hour 溫咗 15 分鐘呀,不過之後瞓咗半粒鐘~~ ^t^

歐巴桑︰水矅日咁攰咁辛苦,木曜日梗係唔可以再勉強喇,要好好休息一下,然後到金曜日,梗係要出下街。勉強就留返火曜日嗰晚喇~~ ^d^

rempei︰記住要預等好耐至有得食呀,同埋見到落單阿姐出嚟要即刻捉住佢一次過落晒單。另外,正如萊少所講,有需要就打定底呀!

largeheadboy said...

小彭︰係喇,老師佢話平時十點幾去唔會咁多人架,呢度都係留返宵夜去好啲~
乜有啲會唔係基本型/辭書型架?咁我淨係學基本型/辭書型算喇!乜嘢過去式過去否定式我都已經搞唔掂喇!>_<
咁搞法,唔溫書真係唔得呀!

Ellen老師 said...

淨係學基本型/辭書型~~~點可以去日本講到【啦啦】聲呀!

largeheadboy said...

老師︰有你地呢啲前輩喺度,我費事拋書包喇~ 我都係做返個稱職嘅導航員算喇。

小彭 said...

我比個基本型/辭書型你, 係等你自己去"領悟"個動詞變化呀! 不過字都未寫好, 呢d係深左d... 不過你好聰明又叻架播...

largeheadboy said...

小彭︰又基本型又辭書型,我仲以為你話我好型添~~ :P
唉,依家我大落後呀,書友仔同我講第五課,我就仲講緊第二課。灰呀!要過去遊學呀!