Saturday, November 29, 2008

姊妹飯局番外篇

姊妹飯局其中一位成員外遊未返,這個有點寒意的晚上我這位元祖帥哥就充當姊妹,相約老師團長師姐另外三位姊妹吃火鍋去。

我對這家位於大角咀的稻香印象不錯,除了有我喜歡的卡位之外,還有它地點不算方便,客路又以附近居民為主,沒有其他分店那麼旺場。所以這晚我們即使坐了四五個小時,完全沒有受到侍應的白眼,也沒有吃飽後就要交枱的壓力。


不過別的壓力還是有的,就是跟姊妹吃火鍋要很小心謹慎,什麼時候把多少火鍋料放進熱鍋裏是一門很高深的學問,必須掌握得很準確,千萬不可以掉以輕心,否則就沒有好下場。


雖然是周末前的晚上,不過經濟環境轉差,來吃火鍋也有特價。在美國肥牛碟碟八蚊以及很多火鍋料七折之下,我們吃了很多很多。當然,我們也談了更多更多。


謝謝意粉給我送上的心意,即使月曆不是我最心儀的鬆弛熊。另外,還要感謝她在寒風中載我回家,即使走錯路兜了一個大圈。


以我今晚的表現,看來姊妹飯局以後可以增添一位帥哥成員了!^_^

7 comments:

lau2tang said...

唔該下次著番條裙好!
唔該下次當我食飽要挨住個椅背歎世界時,唔好話我聽個椅背好污漕。

Ellen老師 said...

姊妹飯局要多1位成員~~~問過師姐先喎!

rempei said...

大頭終於可以突破到姊妹飯局最嚴緊的防線,勵害!果然係帥哥!

supageti said...

呵呵,似乎有人唔想再參加或者再搭順風車定嘞 ~~

largeheadboy said...

劉鄧︰裙要留返畀老師着呀!佢話要着短裙過日本架嘛~~
唔話你知,我驚嗰舊牛肉會癡住你啲頭髮跟埋你返屋企喎!^t^

老師︰係喇,凸咗隻腳,我驚師姐下次唔預我呀!

薯嘜︰嘻嘻,駛乜講,呢啲就係元祖帥哥嘅威力喇~~

意粉︰唔係唔係,都係細路仔唔識世界啊。尋晚幾快返到屋企呀我,仲唔駛抽住個碌柚咁重,麻煩你就真啊。:p

小彭 said...

がんそ, 好明顯你係鄧腳架啦!
(がんそ呢個字隔左幾個鐘都仲記得都算係咁喇!)

largeheadboy said...

小彭︰がんそ即係我咁解呀原來?咁我改名先,哈哈!
係喇,我嘅身份就係鄧腳,齊返腳就唔會預我架喇,灰呀~