Tuesday, March 10, 2009

認識我多一點的人,都應該知道我十分懶散,懶散的程度更絕非一般人可以想像。

從前下班回家,喜歡做什麼就做什麼,看什麼就看什麼,只知道可以暫時放下一切煩惱,輕輕鬆鬆度過睡覺前的幾個小時。可是這半年來,我那悠閒的生活完完全全給摧毀了。回到家裏,我依舊做我喜歡做的事,只是心裏面總有一些東西牽掛着,覺得有些事情還沒有做好,不能夠好好的休息。半年前發生了什麼?不就是我開始報讀日語初班的時候。從沒有想過,興趣現在竟然變成了一個很沉重的包袱。

這個日語班課程很充實,每個星期都教授很多東西,你必須要在課餘時間溫習和做家課才能夠追得上進度,可以懶惰的我就是不想放棄我那珍貴的休息時間。下班後假期時,我又怎會勤奮上進地拿出課本來溫習呢?到最後,我總是留待上課前的一刻才臨渴掘井。

一分耕耘一分收穫這句話一點也不假,沒有怎樣下過苦功的我現在是班內數一數二表現最差的同學。要不是拖了書友仔下水,這本初級 II 課本我差點兒就不會買了。


雖然這個日語班沒有教曉我五十音,但就讓我知道怎樣的生活方式最適合我。

23 comments:

lau2tang said...

我是過來人,所以我很明白你的心情啊!
未做好功課,未溫習,雖然結果是不會有人來責斥,但就是過不了自己那關~那種滋味很不好受!

largeheadboy said...

劉鄧︰明天又小測了,不過仲未開始溫書,都唔知點算~
係呀,當せんせい問到你問題自己又答唔出真係好難受,始終咁大個人,又唔係人地用支槍逼你報,自己點都要對自己負責。可是我還是寧願放咗工就乜都唔駛理。仲有三個幾月咋~
依家我越嚟越覺得你真係好すごいね!^t^

maymay said...

魔鬼說:放左工吃飽飯,一邊嘆住生果同甜品,一邊欣賞"交響情人夢",然後大覺瞓,好爽啊!hehehe.........

Anonymous said...

其實我都好懶架 ......

supageti said...

「雖然這個日語班沒有教曉我五十音」???依本書你真係唔應該買 ~~

largeheadboy said...

maymay︰呀,我就係要呢啲生活呀!我唔想返到屋企仲有啲嘢放唔低呀!嗚~~

lala︰我覺得懶係正常架,試問邊個想返工返學吖。大家繼續懶下去啊~ ^t^

意粉︰我真係諗過唔買架,不過書友仔成績唔錯,如果我唔讀佢可能都唔讀架,咁就唔係咁好喇~

Anonymous said...

你慢慢就慣架啦!
個時頭個兩學期我成日都唔交功課架, 聽解練習又唔做! 點懶都無人夠我懶架喇!

Ellen老師 said...

如果有得遊學,我1定唔會懶囉!

Anonymous said...

我一直唔敢開始讀日文都係怕"懶", 諗起一放工就可以翻屋企hea下就巧爽.....ho..ho...ho....

Anonymous said...

咁就要勤力d啦, 至低限度要識五十音...

當去到日本發覺自己既日交能夠派用場, 到時既滿足感唔野少架~

largeheadboy said...

小彭︰你都係頭嗰兩學期啫,我成半年了。尋晚開始教五段動詞,好煩咁,睇怕我都唔捱得幾耐 lu~

老師︰有推動力真係另捨唔同!咁你幾時又去遊學呀?

紅米奇︰巧羨慕呀!不過我諗都有其他入門班冇咁辛苦啩,識啲啲可以扮代表架。諗諗佢喇~ :p
我仲要捱多三個幾月至可以回復正常呀!

roy︰都係呀!嗰次同電梯姐姐講話我去地下我講完都唔知覺得自己幾叻呀!
五十音仲係要諗一陣至讀到囉,仲成日都會讀錯喎~ ^t^

lau2tang said...

五段動詞!?你個惡夢先啱啱開始咋~
俾心機啦~

光.軍 said...

從興趣中領悟生活樂趣都係得著啊!頂埋落去吧.成『日遊』的您奸爸嗲呢!

Anonymous said...

五段動詞及上下動詞我上堂剛剛教緊,我都聽到一舊雲咁,都唔明有咩分別,唉~~~

Anonymous said...

唔... 帥哥呀... 我兩個學期呢... 係差唔多十個月時間呀! 不過呢, 鐘意去日本, 都係識d日文會開心好多.

上五段下五段, 我早幾個月先攪清個來由, 不過我動詞變化一直又無咩問題喎!

largeheadboy said...

劉鄧︰係呀,せんせい話呢幾堂好重要,唔返學就真係可以唔駛再讀落去。睇嚟會越嚟越深啊!>_<

光.軍︰依家覺得每個星期返學都好像苦差一樣,希望捱到落去喇,我都唔期望有好成績架喇~

rempei︰咁啱?不過我地剩係教咗嗰五種形態,就仲未講佢地做乜,下堂應該輪到我一大舊雲。^t^

小彭︰唔好意思眼大睇過頭~
咁又係,識多啲日文點都好啲,樂趣的確大啲,可惜就依家好痛苦啊!
個五段又要熟啲五十音喎,真係弊傢伙~

Anonymous said...

諗起這些五段動詞就驚@_@
我都唔好得幾多
不過突破到這個瓶頸的話跟著的東西就會有趣些了
盡力而為啦^^

supageti said...

五十音難唔到我,但文法就一早俾番晒せんせい囉 ~

largeheadboy said...

歐巴桑︰你又咁嚇我~
我會努力架喇,睇吓幾時真係頂唔順,嗰啲有趣啲嘅又睇下同我有無緣喇~ ^t^
你都要加油呀!

意粉︰咁你就呢幾日盡情實習,講多啲嘢,溫番啲文法囉~ :p

Anonymous said...

帥哥, 買生果係要問人幾時先可以食得, 你就要比心機學呀! 唔係用"食べますか"架!

largeheadboy said...

小彭︰同埋又要問人可唔可以食、唔食得唔得、又或者一定要食點樣點樣吖嘛~
我投晒降喇!

supageti said...

咁多日唔 update,真係好懶 ~~~

largeheadboy said...

意粉︰有喇有喇,一陣有新嘢喇~ :p