Tuesday, March 24, 2009

Rick Stein and carbonara

誘惑是無處不在的。

晚上準備溫習日語,關上電視之前循例看看每個電視台有什麼吸引的節目。很不幸地(又或者是很幸運地)轉到亞視英文台時正在播放着我很喜歡的廚師 Rick Stein 的烹飪節目 Mediterranean Escapes


Rick Stein 雖然是英國人,但很喜歡歐洲的飲食文化和烹調方式。近年他拍攝的烹飪節目都是以歐洲飲食為主,早兩三年前也曾在亞視英文台播放的 French Odyssey ,他就坐着平底船穿梭法國南部風光如畫的運河區,到訪南法多個小鎮發掘地中海地區的美食。他的電視節目絕對不只是烹飪節目那麼簡單,而是同時叫人看得賞心悅目的旅遊節目。


今晚的這一集,他到了位於地中海上法國的科西加島和意大利的撒丁島。看見 Rick Stein 駕着車子到訪偏遠的牧場、麵包工房和生產酒瓶軟木塞的小工廠,心想有朝一日也能夠像他一樣很隨意的走訪各個地中海城市就太好了。

節目完結前,他用了當地生產的羊奶芝士弄了近幾年香港也很流行的 spaghetti alla carbonara。他說正宗意大利的 carbonara 不但不會加 parmesan cheese,也不會用上忌廉。


還記得去年這個時候,我也經常愛在家裏弄 carbonara。當然,不正宗的我,只會用上一盒又一盒總統牌忌廉。


然後在去年夏天,我就在意大利的 Siena 吃了我認為應該蠻正宗的 carbonara。原來真正的 carbonara 不應該是只有泡着忌廉汁的意大利粉,而是每一條麵條上都應該沾滿濃濃的蛋醬。


下星期二晚,我會繼續跟 Rick Stein 暢遊地中海。日本,又或許日本語,暫時放在一旁吧!

24 comments:

意粉 said...

我都睇左少少喎 ~~

意粉 said...

係燴牛肉(?)果 part ~ yummy ~~~

largeheadboy said...

意粉︰嗰 part 係開頭嚟個呵?我 miss 咗添,我八點半之後至開始睇~

意粉 said...

係啩,唔知呀 ~ 我行出廳見 husband 睇緊咪睇下囉(佢好少睇電視嫁),以前都有睇過啲啲(又係因為佢睇緊,因為我房部電視係長 set 晌翡翠台)~~ ^^

Ah ming said...

你唔講、重以為你餐餐食丁麵添

歐巴桑 said...

大叔淨係識者即食麵......

lau2tang said...

帥哥,
咁講法即係唔使撩你去日本啦~

maymay said...

懶鬼,又搵藉口唔溫書~

小彭 said...

雖然我都好想去下第二d地方, 不過都係離唔開個日本咒。

小頭 said...

星期一晚明珠台也有 Jamie Oliver..不過純粹煮食,沒旅遊。
小頭

意粉 said...

Jamie Oliver 以前都曾經鍾意睇,不過睇睇下覺得佢煮野好 lau kau,nei nei fair fair 咁,個 camera 又 shake shake 下,就無再睇。

意粉 said...

講開旅行,啱啱依次頭果幾晚晚晚執野執到有啲煩有啲 mung,(可能因為間房真係好細),甚至開始反思係咪要繼續去(任何地方)旅行,我諗我真係要認認真真反省下(各方面)~~

largeheadboy said...

意粉︰禮拜一至五我好少睇無線,所以近期好 hit 嘅 laughing 哥我都係佢死咗之後至知道啊!

ah ming︰餐餐丁麵都唔錯架,要肯加三蚊至得架~ ^t^

歐巴桑︰其實公仔麵我覺得好好食架,如果唔係話到會留低啲嘢喺個肚度幾廿年我都想餐餐食佢啊~

劉鄧︰嘻,呢個唔駛你擔心喎,日本唔駛人撩我幾時都想去架喇(吖,連續去咗三個月日本,今個月仲未去添 :p)!

maymay︰信我喇,我尋晚真係攞晒啲書出嚟準備溫習架喇,我要將勤補拙吖嘛~

小彭︰尋晚個節目影咗啲位於地中海沿海的小鎮,pastel 色的屋仔加埋小教堂,靚到痺呀。歐洲始終又有啲嘢係日本無嘅,當然日本又有呢啲嗰啲喇~

小頭︰好耐無睇佢 lu~
成日覺得 jamie oliver 煮得趕頭趕命又好似好求奇咁,不過佢有時去倫敦的市場買嘢我又好鍾意睇喎。

largeheadboy said...

意粉︰係呀係呀,jamie oliver 個 camera 搖得好犀利啊!
嘩,你地住咁大間房都話細呀?去旅行唔駛帶咁多嘢嘛,又大包中包細包背包咁。我見你地出發時兩個人兩個喼都成卅個kg,我地就喼中喼都係11、12個kg咋~
同埋係執嘢走個次煩啲之嘛,中間要住其他地方係咁依帶件底底就行得喇~ ^o^

意粉 said...

哈哈,每個人有唔同既需要嘛,我已經越黎越帶得少野(來回都係)嫁喇。

下次去可能電腦同相機都唔帶,全心全意去旅行。

largeheadboy said...

意粉︰電腦同相機又點都要帶,留個記錄又好,跟大家分享又好~
我喺新宿行街可以連袋都唔帶架。成日背住個袋我膀頭好痛哩~

意粉 said...

做人已經有好多負擔,依個秋天我想瀟洒走一回 ~~~

小彭 said...

你講ge"地中海沿海的小鎮,pastel 色的屋仔加埋小教堂,靚到痺呀", 我諗我第一次去歐洲已經睇過又feel過, 食一個lunch三個鐘, 飲一杯咖啡兩個鐘... 不過講黎講去都係去希臘o個一次咁大把. 本來有閃過今次返黎攞多幾日去米國坐船同釣下魚架, 不過費事引起大家情緒不安, 真係諗完就算無行動.

電腦有d煩架, 不過家下好依賴網上資訊, 好多野都係到時先決定, 無左佢唔係唔得, 無咁方便囉, 又要做on-line check in.

意粉 said...

住東橫咪唔帶電腦都得囉 ~~~

largeheadboy said...

意粉︰好呀,支持你瀟洒咁走一回,但係都係要電腦相機咯~
係東橫都係有電腦開心啲架對我呢類電車男~

小彭︰弊就弊在睇完之後好恨想去行吓囉~
米國有乜好去吖,不過留多幾日發掘吓日本囯有乜新出扭蛋仲好過喇~

Ah ming said...

嘩、加三蚊、搶錢咩!

光.軍 said...

旅行旅行!約定下星期同樣時間一齊出發!記得唔好甩底呀! 西式旅遊節目的寫意.港式總是做不到... Lonley Planet我也喜歡啊 :)

意粉 said...

請問點樣支持呢?呵呵 ~~~

largeheadboy said...

ah ming︰凍飲加幾粒冰都要加兩蚊喇,轉丁麵加三蚊叫好抵架喇~ ^_^

光.軍︰咁到時唔好遲囉喎~ :P
lonely planet 我都好鍾意睇,啲主持又得,不過依家成日都搞唔清幾時做。

意粉︰精神上囉,唔通金錢上咩!^c^