Wednesday, July 23, 2008

第三日的免費活動

這天行程鬆散,這頓早餐終於可以慢慢細嘗。原來,我們的旅館還有熱朱古力供應。



乘地鐵到 Leicester Square,才知道星期日大部分 West End 的音樂劇都休息,今晚看不到很想看的 Les Misérables《悲慘世界》。



千里迢迢來到倫敦,即使來過幾次還是要到附近的 Piccadilly Circus 留倩影,正如外國遊客來到香港怎樣也要到彌敦道一樣。



倫敦的物價很高,吃喝玩樂也很貴,不過只要你做好功課,身邊原來也有不少免費的東西。位於 South Kensington 的 Victoria and Albert Museum 是世界上最大的美術博物館,收藏品多達數百萬件。我不是美術發燒友,來這裏純粹是因為它入場無料。



不過,這裏的確令我大開眼界。



轉個頭,來到旁邊的 Natural History Museum。你猜得對,這個也是免費的。



我對自然歷史這課題的興趣大得多,說到底,當年我也學過類似的東西,不過當然是皮毛得多。



撇開展品不談,單是來看這裏羅馬式的建築也是值得。



在這裏,你還可以親身感受當年神戶大地震的威力。閉上眼,我希望眼睛再張開時我真的身處神戶的中華街。



逛過兩所巨型的博物館,已經累得要命。有想過找個地方吃些東西,但我還是更想跑到不遠處的海德公園,躺在草地上小睡片刻。



這裏其中一項免費娛樂,就是餵白鴿餵天鵝餵水鴨,雖然這一刻我們應該比牠們更餓。



回到 King's Cross,是時候變身趕車到霍格華茲魔法學校開學了!



傍晚七時,終於輪到吃東西的時候了。這晚,我們發掘到旅館附近的一家炸魚薯條店。兩份炸魚薯條再加牛肉批,真的很滿足!

38 comments:

lala said...

仲有大Eng博物館都係免費.

Platform 9 3/4 ... 玩惡攪呀吓 ......

supageti said...

乖乖地係屋企寫下遊記咪好囉 ~ 哈哈 ~

largeheadboy said...

lala︰大英博物館興趣一般,在時間有限景點眾多的情況下仲未輪到佢。^_^
9 3/4 月台呢個景點似乎唔係好多人知道。

意粉︰寫遊記都好傷神架,寫一日元氣大傷,要食番粒 panadol 補補!^y^

supageti said...

弊喇 ~ 有人依賴藥物呀 ~

roy said...

依日行程幾好喎~

遊倫敦就咪鬼諗日本啦~

galaxy said...

懷念的Fish & Chips !
有沒有加鹽加醋 ?!

Anonymous said...

究竟你人在香港還是英倫?這天行程只吃了兩頓,一定餓慘了呢!
蘭子

小彭 said...

d恐龍骨夜晚係咪會四圍行架?
炸魚薯條都幾啱我食咁喎!

largeheadboy said...

意粉︰唉,我仲想隊多支紅牛呀!^p^

roy︰會唔會係因為冇乜洗錢所以個行程幾好呢?我睇返,呢日應該係洗錢洗得最少的一日。
我都唔想成日諗住日本架,控制唔到吖嘛!

galaxy︰我覺得加唔加醋冇乜分別,加咗係淋晒囉~~不過我好鐘意 tartar sauce,成日都唔夠。

蘭子︰返咗嚟好耐喇!
其實中段都有食過用嚟餵白鴿的曲奇架,所以都唔算慘得晒!^_^

小彭︰會架!正如夾夾機裏面啲鬆弛熊夜晚都會出嚟呌吓氣!
炸魚薯條正呀,可惜呢間啲薯條一早炸好晒,唔係咁得。我仲好懷念從前 jack in the box 的炸魚薯條啊!

supageti said...

又要去歐洲,又要開口埋口話掛住日本,究竟有無理下人地既感受嫁?

歐巴桑 said...

大英"賊臧"館比想像中好玩
當年竟然憑著張夜校學生証在不少收費場館騙到學生票XD
恨得大叔牙癢癢呢:-p

largeheadboy said...

意粉︰你話我唔理人地嘅感受?係邊個呀?歐洲人?佢地啲嘢咁貴,夠冇理我感受咯!>_<

歐巴桑︰其實我對博物館興趣一般,呢日連去兩個我都覺得好犀利了。去旅行,除咗睇風景之外,我最鍾意就係喺公園或者珈琲店呆坐。^_^
你都唔知我幾想“班”張學生證返嚟呀,乜都半價呀起碼!

supageti said...

我係話無得去果 d 人呀 ~ 大哥 ~

今日有無睇報紙講感冒少女自服成藥家中猝死單新聞呀?

largeheadboy said...

意粉︰歐洲有乜咁好去喎,都係日本好!
啱啱睇返單新聞,個女仔好慘,睇完真係有啲驚。希望大家健健康康,冇病冇痛喇!

supageti said...

咁你又去?

supageti said...

其實我都想去睇下 d 博物館同古蹟,但一諗下要搭長途機同埋治安問題就唔敢再諗落去。

Anonymous said...

跟白鴿爭食?好心你地咪咁慳啦!
蘭子

小妹 said...

第一張相的多士你地食得晒呀?
當年我都知有9 ¾月台哦, 無去到之麻.

largeheadboy said...

意粉︰都話今次個 trip 嘅源起係兩日之後會去的演唱會,如果唔係今次嘅目的地都可能仲係日本。
歐洲我覺得點都要去一轉啊!因為飛過北京,才知道原來倫敦飛北京都只係九個鐘,都唔算太過分吖。同埋歐洲治安都 ok 架,我黑仔啫!你又去喇!

蘭子︰係我地好心將啲嘢食分畀白鴿啊!
我地在海德公園好口渴,突然想飲啤酒,不過要成 5 鎊,都係繼續口渴吧喇!

小妹︰毫無難度呀,其實仲有空間食多一兩塊添!^p^
原來當年已經有 9 ¾ 月台架喇?仲以為大發現添!咁又係,第一集都有十年前咁濟 lu!

supageti said...

我先唔會聽你點,哈哈 ~ 等我退左休大把時間慢慢去站站停果時先會考慮。

rempei said...

敝~~之前都有諗過去歐洲走一轉,而家發覺减退了很多,睇黎打落的5次旅行都係去日本

Anonymous said...

嘩!成八十蚊罐/支/杯(Whatever la)啤酒?點解唔帶水在身呢?不過繼續渴都唔係辦法喎!對身體唔好喎!

supageti said...

帥哥可能覺得 Panadol 好平好抵食,呵呵!

naruto said...

終於有人去下美術館/博物館

largeheadboy said...

意粉︰退咗休心情唔同可以好悠閒咁睇,應該看得更深入,咁你就快啲退休喇!
呢兩日冇再o拍 panadol 喇(panadol 都唔平架!)^_^

rempei︰去喇,趁後生去一轉喇!唔同人唔同時間會有唔同經歷啊!我之前去都好鐘意架,雖然今次係扣咗啲分,但我都仲有好多地方想去啊,例如係東歐同埋葡萄牙!
同埋趁我地未畀日本縱得太多影響得太深(例如飲食平呀、啲人有禮貌呀、通街廁所呀之類),我地應該仲會覺得歐洲係好值得去。

匿名人︰其實嗰度係海德公園入面對住個湖的一家餐廳,貴都係正常嘅。
我地有帶水架,但應該飲晒喇!之後去到西班牙,就學人地抬住兩公升水通街行。不過其實每日抬住樽水得足一日街都好辛苦。
唔食嘢都可以,唔飲水真係唔得啊!

naruto︰呢日其實好想去埋在 covent garden 的交通博物館,但入場要十鎊,最後諗諗下都係食咗佢好過!
今次真係花了很多時間在博物館,不過最遺憾的是在馬德里沒有去很有名的 prado 博物館。

rempei said...

大頭,我都好想去歐洲走轉,但諗過去親都要起碼半個月或以上,可能都要過多幾年先有得諗~~~
另外,我有個想法,日本係我係平時做野做得累時一個給我回氣的地方,所以我成日想去,而其他即是增廣見聞的地方。

largeheadboy said...

rempei︰咁又係,歐洲唔可以好似日本咁話去就去,所花嘅心血和精神可以很大。日本雖然都要編行程,但心情真的輕鬆得多。
呀,我依家都好想去日本散散心啊!

Anonymous said...

其實不是匿名人,是蘭子,忘了打名。飲水的確很重要。怎麼還不寫下去,我在追看呢!

rempei said...

我下半年老虎都要去日本浸溫泉,而家開始編行程,你覺得四國會否可以遲d至去?

largeheadboy said...

蘭子︰啊,原來係你!仲以為我有咁多觀眾添!^_^
謝謝捧場!呢幾日咁熱,要抖吓暑嘛!

rempei︰四國未去過唔識呀!不如又去東北喇!九月起又有特價火車證呀,去浸溫泉之餘又可以睇埋紅葉,依家編排定差唔多喇!^k^

rempei said...

今次相信唔會去東北喇,因為個心好想去城崎溫泉(但真係間間旅館都好那利!!!),所以要向九洲方向走囉~~又或諗去埋四國囉~~

largeheadboy said...

城崎幾好啊,可以着住浴衣週街行,如果你冬天去仲有雪睇添!算喇,一晚半晚,豁出去喇!不過我唔記得貴唔貴喇,因為當時團長劉鄧打點了一切!^+^
呢個 pass 好抵啊,雖則我去過東北兩三次,但係為咗個 pass 我真係可以去多次架。

rempei said...

我都覺得抵,但我4月先去完~~~~今次梗係去吓新景點啦!
話時話,如果你真係去東北,我覺得應該上埋北海道,最少去埋函館食平靚正海鮮及浸溫泉!

largeheadboy said...

咁又係,咁就去城崎同九州喇!
有咁多時間同埋精力我都唔介意上埋北海道架!我都好懷念函館朝市的三色丼啊,唔知幾時有得去呢?

rempei said...

你出哂名最多假個喎,隨時出發都得啦~~嘻嘻~~

講講吓攪到我都想去北海道!

largeheadboy said...

都話唔好咁大聲咯,畀人知道我大把假就唔好喇!^t^
其實唔只北海道,日本邊度我都想去呀!

小彭 said...

Natural History Museum個建築物本身都好靚呀, 記底咗! 仲記唔記得炸魚薯條晌邊? 係咪亞皆老街呀?

largeheadboy said...

小彭︰Natural History Museum 要去架,呢啲先至係真正嘅博物館呀!
我睇返 google map 搵唔架 fish and chips 喇,間野叫 kings,就喺 euston road 同 crestfield street 交界,喺亞皆老街過兩個街口,不過呢間普普通通,其實唔駛專登去,拋我個名出嚟無八折架~