Tuesday, January 19, 2010

day 2︰鳥羽到着

在競爭越來越激烈的環境下,東横イン的早餐已不再是獨沽一味的飯團和味噌湯。這次年末年始之旅共住了五家不同的東横イン,朝食都叫人很滿意,新年那幾天還有日本的賀年食品年糕和魚蛋。


在名古屋駅周邊逛了一晚之後,這天行程正式展開,第一站是位於三重県的伊勢。從名古屋到伊勢市,可以坐近鉄或者 JR 的列車,我們有 JR pass 在手,當然選擇 JR。看到嗎?早上八點也就是香港時間的早上七點,我們已經在月台等候上車了。


JR 直接開到伊勢市的みえ號這天要到九時多才有第一班車,為了爭取時間,我們就坐上南紀號,在多氣轉坐參宮線到伊勢市。由於部分車程用上了近鉄的路軌,所以即使有 JR pass 也要每人補上 800 円。回程時我們就幸運地沒有遇上車掌查票,足夠省下了一頓午飯的錢。


伊勢神宮是日本人一生中至少要參拜一次的神社,我這個偽日本人,當然慕名來參拜一下。在伊勢市駅下車沿着兩旁店鋪還沒有開門營業的參道走一會,就來到伊勢神宮的外宮。跟內宮一樣,外宮也會在 2013 年平成 25 年進行式年遷宮,正宮會遷到旁邊預留的空地。平日來伊勢神宮參拜的人已經絡繹不絕,實在不敢想像三年後遷宮時人潮會是那樣多。


在外宮走了一圈,就乘巴士到祭祀天照大御神的內宮。內宮佔地比外宮大得多,感覺也沒有內宮那樣陰沉,當然前來這裏參拜的信眾也更多。


我想流經內宮範圍內的五十鈴川應該是全日本最大最天然的御手洗場,不過把手放進冰冷的河水並不是件好受的事。


內宮的主宮也不容許拍照,於是大家都在梯級前盡量把相機鏡頭的焦距校到最遠。


不知道要到多少年後我會再來看遷了宮的伊勢神宮?


來到內宮,怎樣也要逛逛外面的土產街おかげ横丁,順道解決午飯的問題。豆腐庵山中的豆乳雪糕和うのはなドーナツ、ふくすけ的伊勢烏冬、豚捨的可樂餅、赤福超大人氣的赤福餅,還有讓人任吃的燒魚,這個地方實在叫人樂而忘返了。


趁還有點陽光,趕快坐巴士到二見浦的夫婦岩。當親眼見到夫婦岩,感覺好像有點兒受騙,因為它比我預期中細小得多。如果沒有給那根粗粗的麻繩連在一起,我想大家根本不會怎樣覺得這兩塊岩石有什麼特別。倒是看着一個又一個巨浪打上去然後激起大量浪花,卻另有一種味道。


從夫婦岩走路到二見浦駅,沿途是人迹罕至的街道。幸好沒有如當初計劃行程時從二見浦駅走路到夫婦岩,否則一定會在中途迷路。


在寒風中跟我們在二見浦駅等車到鳥羽的,就只有一隻不習慣陌生人的花貓。


這天晚上我們在鳥羽對開的答志島投宿,破舊的碼頭就令我想起小時候每天坐渡海小輪上學的日子。


雖然沒有跟旅館預約接送,但步出碼頭就看到旅館的車子在守候着,我們當然第一時間跑了上去。取過房間稍事安頓後,還有時間欣賞還沒有黑透的天空。


這家桃取松家小彭和小頭也曾經住過,看上它純粹是因為它戶戶向海兼且晚飯非常豐富,價錢還相當合理。我們對這旅館算是滿意,只是房間內的洗手間應該很久很久很久很久很久很久很久很久沒有打掃過。


三隻鮑魚、兩匹伊勢海老、一整條活魚刺身,還有其他滿桌的食物,我們終於很不情願地奉上了我們的第一次,就是請他們不用送上白飯了。


龍蝦和魚魚在餐桌上對望,有點相逢恨晚的感覺,這實在是個大悲劇啊!


飯後到大浴場泡個熱水浴,然後回到房間看一會電視,之後我們就在外面刮着大風來得有點吵耳的環境中慢慢睡着了。

17 comments:

naruto said...

龍蝦和魚魚在餐桌上對望,有點相逢恨晚的感覺,這實在是個大悲劇啊!

食左人仲要講風涼話...無品

largeheadboy said...

naruto︰當時真係覺得佢地好慘架,不過佢地又的確好好味,個龍蝦頭仲畀我地挖到乾乾淨淨~ :p

lau2tang said...

加油呀!
おかげ横丁的無料燒魚真係令人好懷念!

supageti said...

寫得幾好吖 ~~ 不過咪鬆毛鬆翼呀吓 ~~ :P

maymay said...

{八個)很久沒打掃過的洗手間,巧得人驚!
難以想像會在日本旅館發生囉~~~@_@

小彭 said...

御手洗場, 好驚吓喎! 洗手呀嘛!
伊勢烏冬... 噢...
彩虹喎, 受騙都唔緊要啦! (日本d旅遊點久唔久都係咁啦!)
呀, 個洗手間可能由我住過以後都無打掃過喇!
個晚御飯同我個晚一模一樣呀... 我都係叫佢唔好比白飯, 條刺身使唔使放雪櫃第二朝食呀?

小妹 said...

嘩~傳說中的三隻鮑魚兩隻龍蝦一條活魚刺身又出現了!
之但係呢...仲未發覺有傳奇相出現喎?

largeheadboy said...

劉鄧︰原來佢地供應多款唔同嘅魚,真係會有成條出現架。如果不停攞,絕對可以唔駛食飯,不過就會成身油煙味囉。

意粉︰寫得好好咩真係(鬆毛鬆翼地)?:p
之後仲好仲精彩呀(如果仲有嘅話)!

maymay︰我都好驚訝個洗手間點解可以咁污糟完全無清潔過,不過算喇,當係送嘅,訂房網頁話無洗手間架。
係喎,駛唔駛話過你知點污糟法呀?

小彭︰御手洗場係咪唔係指呢啲呀?:p
本來冇諗過食烏冬,不過條街啲人食得咁開心我地咪又食囉。好味就好味,不過就腍咗啲囉~
我地都係咁安慰自己,彩虹喎!
唉,咁點解你可以搞到個洗手間咁架,之前單聲吖嘛!
我地就乜都清晒,冇野留返朝早(其實我食剩咗啲蒸蛋,冚埋咗個蓋,唔多覺眼)。

小妹︰我地又創造傳奇一刻喇!傳奇相就有架喇,等下先喇~ ^t^

歐巴桑 said...

日本都有沒有清潔的洗手間@_@
好恐怖呀...

ROY said...

原來而家d東橫早餐豐富左咁多架~

夫婦岩要睇下同邊個去啦,我就覺得幾好喇~

餐晚餐正喎,價錢點合理法?

Rempei said...

突然出到Day2!!!快到咁,睇您今次出得幾多日.....

largeheadboy said...

歐巴桑︰日本真係乜都有啊!好彩我地去大浴場沖涼,先至唔駛用自己個浴室。唔,有諗過出去公家嘅方便架,不過貪方便囉~

roy︰豐富咗好耐喇,連新宿最龍蛇混雜嗰間都有乳酪同埋飛碟三文治大量供應添。
夫婦岩其實 ok 嘅,不過就無諗過原來咁細舊,啱啱見到佢嗰陣仲以為佢係複製品。
呢間唔駛萬二円一個人,今趟住咗三間一泊二食最平就係佢。

薯嘜︰咪睇少我下,隨時又有第三日添呀!不過總共十幾日真係話咁易就爛尾啊~ ^g^

supageti said...

爛尾?閒樹啦,我就連相都未睇,哈哈 ~~~

galaxy said...

好似距離岸邊都幾遠下, 夫婦岩影到好似好大喎 ,你個相機好掂。

largeheadboy said...

意粉︰係喇,我邊個遊記唔爛尾架~ :p
我尋晚開始睇返啲相,不過因為影咗好多,仲係睇緊頭兩日,好開心呀睇返啲相。

galaxy︰好近吓架咋夫婦岩同岸邊,游水都過到去咁濟,如果我識得游嘅話。
部機有 18x 架,梗係掂喇,哈哈!

Ellen老師 said...

我覺得再去1次比睇返啲相,應該更開心呀! ^^

largeheadboy said...

老師︰咁呢個當然喇,不過未有得去咪要睇返啲相頂下癮先囉~ :p