Tuesday, December 08, 2015

20151124︰香港.東京

有人投訴說,這裏的遊記永遠只有第一天,而且永遠都是什麼從香港到東京,令人看得不是味兒。噢,其實我也很想每個遊記都能撐到由東京回香港的那一天,可是永遠都是有心無力,而且力不從心。所以,所以現在又失驚無神殺出另一個很大可能只有由香港到東京這一天的遊記。至於之後幾天發生了些什麼,就隨緣吧!



第一次坐廉航,去程沒有買行李,手提行李的重量得控制得很好。


沒有坐的士來機場,省下來的錢就買了第一行的座位。坐在旁邊的是一名大媽,上機前買的雜誌隨手放進前面的籃子,她竟然不問自取拿來看。我跟她說雜誌是我的,不過還是很大方的說她想看就隨便看吧。


飛機 19:10 降落成田空港,我第二個下機,在沒有行李託運下,19:30 就完成通關來到京成電鐵的售票處。跟售票小姐說我想買 19:33 的 skyliner,她說不可能,建議我買下一個車次,但我知道月台落一層就是,我應該趕得到,只怕她出票時手腳慢了點誤了時間,所以還是堅持說要買 19:33 的車次。結果入了閘、上了車、找到自己的座位後,列車旋即高速向上野出發。


20:14,落機後才一個小時,我已經身處上野。


這麼晚來到理應就住在上野,但為了遷就明天的行程,同時又貪圖那碗無料夜鳴拉麵,隨便逛了阿美橫町一會後就再坐地下鐵來到八丁堀。


八丁堀 Dormy Inn 離東京站只是一個站的距離,早上還有送迎巴士到東京站,地點算是很不錯。


安頓過來後,剛好是宵夜的時間。


試問一碗拉麵又怎能填飽我呢?


明天要一早起床,況且這天五點幾就醒過來,快點到大浴場浸一浸之後就早點睡吧!



17 comments:

albertlaw said...

大頭兄同我一樣,好重視由登出機門至到達酒店的所需時間 :-)

The Day After365 said...

坐過一次廉航,如果佢地啲位攪舒服小小就好D

lau2tang said...

希望投訴成立,不久將來可以見到由東京回香港的那一天。

卡臣 said...

我有對波鞋跟你的一模一樣

largeheadboy said...

albert:我坐第一行,就係想快啲搞掂過關,然後盡快出城,我最怕入境打晒蛇餅。

after 365:你係 minor?我今次坐快運,覺得啲位都可以,回程坐普通位,都唔覺太頂腳。

劉鄧:我會努力架喇,不過今次呢個會係由名古屋回香港囉。

卡臣:咁橋!不過對鞋係布鞋,之後一日落雨入晒水~

joeyee said...

你不如寫左由名古屋返香港果日先啦, 咁都叫做有頭有尾的遊記啊!

lau2tang said...

小儀姐,好野!咁都算係一個安慰我呢種長期讀者的方法,畀個like你。

jokelib said...

唔好話油雞啦, fB 放毒你都係得頭幾日叫勤力少少.

Anonymous said...

竟然⋯⋯我回來之時,正是你出發之日!
Ah ming

紅米奇 said...

正所謂一個未完一個又起, 第一天總是吸引

largeheadboy said...

小儀︰開咗工寫第二日喇,應該好快有得睇架喇~

劉鄧︰你真係我嘅長期讀者,有你催促下我至肯寫咋,所以你要繼續催我呀!

jackson︰唔係呀,我喺 fb 都 po 得好密呀,晚晚有是日宵夜是日甜品架。

ah ming︰係呀?你去完邊?有冇遊記睇呀?之前喺 discuss.com 都見你嘅遊記。

紅米奇︰咁樣搞到好似自己有大把野寫長寫長有咁嘛!第二日都一樣咁吸引架~

Anonymous said...

都是東京四日三夜咁⋯⋯全靠無水飲航空的廉價機票!
食咗兩餐米芝連⋯⋯推介的拉麵,同一餐勁甘的晚飯
遊記就不寫喇,之前香討果個都爛尾>_<
不過有的相放咗上EC2個FB度
Ah ming

largeheadboy said...

ah ming:無水飲航空真係造福好多人啊!
米芝蓮推介拉麵?巢鴨嗰間?

Anonymous said...

巢鴨沒去
Ah ming

largeheadboy said...

ah ming:巢鴨嗰間好似直頭有星添~

ROY said...

極之同意小儀所講,先寫埋最尾果日回程~

largeheadboy said...

roy︰我已經好努力咁向最尾嗰日進發架喇!