Monday, February 01, 2010

day 4.1︰京都連泊

來過京都多次,還沒有認真走過鴨川河畔,做個一天半天的偽京都人。這天我們就跟上班的、放狗的、跑步的、閒遊的、百無了賴的京都人一同沿着鴨川走,花了大半個小時從四条河原町走到京都駅。


之後再花上同樣的時間,我們由京都來到奈良。


兩年前的年末年始之旅也來過奈良,這次舊地重遊,主要是想看那時候沒有看過的。


不過,看過的有機會還是會再看,例如是興福寺,


以及無處不在的鹿鹿。


東大寺的大仏殿是全世界最大的木造建築,在這裏我再一次感到自己是何等的渺小。


不過即使我如何渺小,應該還不能像他們輕鬆的穿過佛祖的鼻孔。


從東大寺走往春日大社,我們遇上一頭又一頭雙眼帶着渴望、飢餓到可以吃掉一整張報紙的鹿鹿。可惜我們的鹿仙貝一早已經派光了,下回請早吧!


中途有想過吃些東西,但這家そば店的店名對我們來說實在有點趕客。


春日大社位於奈良公園內,佔地不算少,我們當然不可能仔細走遍每個角落,況且這個時候我們忽然興起想趁日落之前,到宇治的中村藤吉吃抹茶甜點,所以還是快步看過這裏聞名的銅燈和石燈好了。


這塊繪馬是新鮮出爐啊!


忍不下心,離開奈良公園前還是多買些鹿仙貝,可是當我掏出一塊仙貝出來的時候,不知從哪裏走來幾頭鹿鹿,把我重重包圍,逼不得已唯有放棄仙貝緊急逃離現場。


為這大半天奈良之旅作結的,是興福寺旁的中谷堂那超好吃超新鮮的よもぎ餅。

16 comments:

小妹 said...

嘩~D 鹿S...好驚驚...奈良我都係唔去啦!

Rempei said...

奈良有無美食推介呢?

歐巴桑 said...

嘿!班衰鹿當咗我係仙貝...

supageti said...

你地行得好快喎,想當年(查番遊記)我地由七条漫步到四条,全程約 1,675 m,大概花了個多小時。我諗你都係唔適合同我漫步鴨川囉 ~~~

Ellen老師 said...

意粉團友~~
元旦個日,我地從奈良駅走到東大寺,走左點只個多小時呀。

仲有~~做咩成日影住D鹿?

仲仲有~~呢日有DD似我地行程喎!

naruto said...

吟松正喎,點解唔去呀?

largeheadboy said...

小妹︰去喇,無問題架,你唔犯佢佢唔理你架,不過到時你會唔會咁忍心唔餵佢地食野吖~

薯嘜︰我地喺奈良都無坐低食過野,無得推介呀!我同團友都話我地對奈良嘅經濟貢獻就只有鹿仙貝、よもぎ餅,同埋東大寺嘅入場料金。

歐巴桑︰咁好,咁你地咪唔駛買仙貝囉!哈哈!團友都有畀鹿鹿咬衫尾呀,嚇到佢吖~

意粉︰我地都有停低影吓相,得閒又有扮大快活咁跳,不過都係行得急啲嘅,臨尾將近到京都駅見幾分鐘之後有車去奈良,仲跑去追車添~
慢步我都得架,你唔見嗰日喺哲學之道我地一直吊住你地尾咩~

老師︰行多幾步喇老師!^g^
啲鹿仔咁可愛,我地仲有狂摸佢地添呀!:p
奈良個個去都差唔多喇,仲咁啱大家都有食よもぎ餅添。不過你地都無去埋春日大社~

naruto︰身分唔係咁啱呀,我怕食完行出嚟畀狗仔隊影呀!^t^

maymay said...

奈良d蕨餅超好吃,可惜賞味期限極短~~

lau2tang said...

我仲以為你會忍心唔再加買仙貝餵鹿添~
好彩最後都無令我失望!

largeheadboy said...

maymay︰過去再食過夠囉!依啲野全部都新鮮就好好味~

劉鄧︰我連飯都唔食買仙貝畀佢地食啊!不過餵佢地都幾驚,下次要餵嗰啲喺圍欄入面嘅。

小彭 said...

未去過奈良呀!
睇下遷都二千年紀念時有無機會去啦.

largeheadboy said...

小彭︰奈良遷都二千年嗰陣唔知乜野世界喇,就趁今年遷都 1300 年去咗一轉先喇!^t^

小彭 said...

都好, 1300年去一轉先啦. :p
不過我知700年後係點架, 咪就係文明能壓碎情懷不衰囉!

largeheadboy said...

小彭︰正呀,就七百年後喇!
如果有 eason 飛多記得 call 我呀!今日我有諗過曠工架!

小彭 said...

錢我就比左, 應該有飛掛. 不過d飛無得揀日期, 如果到時唔得閒去, 就call你啦!

largeheadboy said...

小彭︰好好人呀你!不過我唔會希望你唔得閒去嘅,只係希望你突然凸咗好多飛,然後仲有埋飯盒食啫~ :p